ព័ត៌មានជាតិ

រដ្ឋបាលខេត្តជម្រុញឲ្យមន្ទីរទេសចរណ៍បើកវគ្គខ្លីៗដល់បុគ្គលិកសេវាកម្សាន្តក្នុងក្រុងព្រះសីហនុ

បានផុស

៤ years មុន

នៅ

ថ្ងៃព្រហស្បតិ៍ ៧ មករា ២០២១

ដោយ

រដ្ឋបាលខេត្តខេត្តព្រះសីហនុ បានជំរុញឲ្យមន្ទីរទេសចរណ៍ខេត្ត បង្កើនការបើកវគ្គខ្លីៗដល់បុគ្គលិកបម្រើការនៅតាម សណ្ឋាគារ ភោជនីយដ្ឋាន អាហារដ្ឋាននានា ដើម្បីបានឆ្លងវគ្គបណ្ដុះបណ្ដាលបដិសណ្ឋារកិច្ច និងការផ្ដល់នូវសេវាកម្មបានល្អប្រសើរបន្ថែមទៀត ដល់ខេត្តគោលដៅទេសចរណ៍មួយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក តាំង សុចិត្តគ្រឹស្នា ប្រធានមន្ទីរទេសចរណ៍ ខេត្ដព្រះសីហនុ បានថ្លែងថា មន្ទីរទេសចរណ៍បានស្នើសុំទីតាំងម្ចាស់សណ្ឋាគារ ភោជនីយដ្ឋាន អាហារដ្ឋាន ដើម្បីឱ្យសិក្ខាកាមបានចុះអនុវត្តជាក់ស្តែង លើជំនាញ បន្ទាប់ពីបានការសិក្សារយៈពេលខ្លីកន្លងមកនេះ។

គួរបញ្ជាក់ផងដែរថា ថ្មីៗកន្លងមកនេះ មកមានភ្ញៀវទេសចរណ៍ទៅលេងកម្សាន្តនៅខេត្តព្រះសីហនុ ច្រើនគួរឲ្យកត់សម្គាល់ មិនថាលើដីគោក តាមឆ្នេរសមុទ្រ ឬតាមបណ្តាលកោះនោះឡើយ ខណៈថ្នាក់ដឹកខេត្ត និងអ្នកពាក់ព័ន្ធបានរៀបចំកែលំអ សោភណភាព តាមឆ្នេរសមុទ្រ សួនច្បារ ភ្លើងបំភ្លឺផ្លូវ ហេដ្ឋារចនាសម្ព័ន្ឋប្រកបដោយភាពទាក់ទាញភ្ញៀវ ទេសចរផងដែរ ៕

អត្ថបទ ៖ កោះពស់