ព័ត៌មានជាតិ
បុរសម្នាក់ ត្រូវបានក្រុមមន្ត្រីជលផលវាយរហូត បញ្ជូនទៅសង្គ្រោះ នៅមន្ទីរពេទ្យកាល់ម៉ែត
បុរសម្នាក់រស់នៅភូមិព្រៃផ្គាំគ ស្រុកអង្គរបុរី ខេត្តតាកែវ ត្រូវបាន លោក គឹម សារឹទ្ធ នាយរងអធិការកិច្ចចតុមុខ វាយបណ្ដាលឲ្យរងរបួសធ្ងន់ធ្ងរ ហើយបច្ចុប្បន្នត្រូវបានបញ្ជូនទៅសង្គ្រោះ នៅមន្ទីរពេទ្យកាល់ម៉ែត រាជធានីភ្នំពេញ។
តាមបងថ្លៃជនរងគ្រោះបានឲ្យដឹងថា ជនរងគ្រោះមានឈ្មោះ ភឹម វី អាយុ៤០ឆ្នាំ រស់នៅភូមិព្រៃផ្គាំគ ឃុំពន្លៃ ស្រុកអង្គរបុរី ខេត្តតាកែវ។ គាត់បន្តថា កាលពីយប់ថ្ងៃទី៦ ខែមករា ឆ្នាំ២០២១ជនរងគ្រោះរួមជាមួយនឹងអ្នកភូមិចំនួន២នាក់ទៀត បានទៅលួចឆក់ត្រី នៅចំណុចកោះអញ្ចាញ ស្ថិតនៅក្នុងឃុំពន្លៃ ស្រុកអង្គរបុរី ខេត្តតាកែវ។ ខណៈកំពុងតែឆក់ត្រីនោះ ក៏មានទូកមន្ត្រីជលផល ដែលមានគ្នាប្រមាណ៤ទៅ៥នាក់ បានមកដល់រួចក៏ធ្វើសកម្មភាពដេញវាយប្រជាពលរដ្ឋទាំង៣នាក់នោះតែម្ដង។ តែពលរដ្ឋ២នាក់បានរត់រួចខ្លួន ដោយនៅសល់តែជនរងគ្រោះ ត្រូវបានក្រុមរបស់លោក គឹម សារឹទ្ធ ហៅមាន វាយរហូតដល់ទៅរងរបួសធ្ងន់។
ក្រោយការវាយដំរួច ជនរងគ្រោះត្រូវបានគេបញ្ជូនយកទៅទីស្នាក់ការជលផល ប៉ុន្តែដោយសារស្ថានភាពធ្ងន់ធ្ងរមន្ត្រីជលផល ក៏បានបញ្ជូនជនរងគ្រោះទៅកាន់មន្ទីរពេទ្យបង្អែកខេត្តតាកែវ។ ពេលទៅដល់មន្ទីរពេទ្យខាងមន្ទីរពេទ្យខេត្តតាកែវ មិនបានទទួលជនរងគ្រោះនោះទេ ព្រោះតែស្ថានភាពធ្ងន់ធ្ងរពេក រួចក៏បញ្ជូនជនរងគ្រោះបន្តទៅកាន់មន្ទីរពេទ្យកាល់ម៉ែតរាជធានីភ្នំពេញ។ ចំពោះករណីនេះ ក្រុមគ្រួសារជនរងគ្រោះទាមទារឲ្យអាជ្ញាធរមានសមត្ថកិច្ចជួយពិនិត្យមើលផង ដោយមិនគួរណាមន្ត្រីជលផលប្រើហិង្សាមកលើជនរងគ្រោះយ៉ាងដូចនេះទេ។
ចំពោះករណីវាយដំប្រជាពលរដ្ឋរហូតដល់រងរបួសធ្ងន់នេះខាងលើនេះវិញ លោក សៅ កុសល នាយខណ្ឌរដ្ឋបាលជលផលខេត្តតាកែវ មានប្រសាសន៍ថា តាមរបាយការណ៍ដែលលោកទទួលបានវាគឺជាករណីទូកបុកគ្នា ខណៈដែលមន្ត្រីជលផលចុះធ្វើការល្បាតនៅក្នុងបឹងនោះ។ យ៉ាងណាក៏ដោយលោកនាយខណ្ឌបានបញ្ជាក់ថា លោកនឹងធ្វើការស៊ើបអង្កេតរឿងនេះបន្តទៀត ហើយថាបើមន្ត្រីរបស់លោកបានប្រព្រឹត្តដូចការចោទប្រកាន់មែន លោកនឹងចាត់ការទៅតាមវិធានការច្បាប់៕
អត្ថបទ៖ វីរៈ
-
ព័ត៌មានជាតិ១ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច១ សប្តាហ៍ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៤ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ១ សប្តាហ៍ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៦ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៦ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១ សប្តាហ៍ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ១ សប្តាហ៍ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី