ព័ត៌មានជាតិ
លោក ខៀវ កាញារីទ្ធ ផ្ដល់អំណោយកាមេរ៉ាវីដេអូរ ដល់មន្ទីរព័ត៌មានខេត្តចំនួន៦
ឆ្លៀតក្នុងឱកាសចុះបំពេញបេសកកម្មនៅក្នុងខេត្តកំពង់ចាម ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន អមដំណើរដោយឯកឧត្តម លី វ៉ាន់ហុង ប្រតិភូរាជរដ្ឋាភិបាល ទទួលបន្ទុកអគ្គនាយកដ្ឋានរដ្ឋបាលហិរញ្ញវត្ថុ នៃក្រសួងព័ត៌មាន បាននាំយកកាមេរ៉ាវីដេអូរ ចំនួន០៦គ្រឿង ផ្ដល់ជូនមន្ទីរព័ត៌មាន ចំនួន ៦ រួមមាន មន្ទីរព័ត៌មានខេត្តកំពង់ចាម ខេត្តត្បូងឃ្មុំ ខេត្តកំពង់ធំ ខេត្តសៀមរាប ខេត្តក្រចេះ និងស្ទឹងត្រែង ។ ដែលពិធីប្រគល់សម្ភារៈទាំងនេះ បានរៀបចំនូវមន្ទីរព័ត៌មាន ខេត្តកំពង់ចាម នាថ្ងៃទី០៤ ខែមករា ឆ្នាំ២០២៣ នេះ ។
នាឱកាសនោះ ឯកឧត្តម ខៀវ ញារីទ្ធ រដ្ឋមន្ត្រីក្រសួងព័ត៌មាន មានប្រសាសន៍ថា នេះគឺជាការឆ្លើយតបទៅនឹងតម្រូវការចាំបាច់ ក៏ដូចជាការជួយសម្រួលដល់មន្ទីរព័ត៌មាន ជាពិសេសមន្ត្រីជំនាញរបស់មន្ទីរនីមួយៗ ក្នុងការចុះយកព័ត៌មានរូបភាព ដើម្បីធ្វើការផ្សព្វផ្សាយផងដែរ ។ ឯកឧត្តមរដ្ឋមន្ត្រី បានផ្ដាំផ្ញើចំពោះថ្នាក់ដឹកនាំមន្ទីរព័ត៌មានទាំងអស់ បន្ទាប់ពីទទួលនូវសម្ភារៈទាំងនេះទៅ សូមណែនាំដល់មន្ត្រីជំនាញរបស់ខ្លួន ឱ្យយកចិត្តទុកដាក់ថែទាំឲ្យបានគត់ហ្មត់ និងទុកដាក់ឲ្យបានត្រឹមត្រូវ ថ្វីក្បិតតែវាជាគ្រឿងអេឡិចត្រូនិច ប្រសិនបើអ្នកប្រើប្រាស់ចេះថែទាំបានល្អប្រសើរ នោះវានឹងជួយសម្រួលដល់ការប្រើប្រាស់របស់យើងបានយូរអង្វែងតទៅអនាគត ។
លោកស្រី សម ផល្លា ប្រធានមន្ទីរព័ត៌មានខេត្តកំពង់ចាម ក្នុងនាមមន្ទីរព័ត៌មានខេត្តទាំង៦ សូមថ្លែងអំណរគុណយ៉ាងជ្រាលជ្រៅបំផុតចំពោះឯកឧត្តម ខៀវ ញារីទ្ធ ដែលបានផ្ដល់នូវកាមេរ៉ាវីដេអូរ សម្រាប់មន្ទីរទុកប្រើប្រាស់ជាពិសេសការចុះយកព័ត៌មានអំពីសមិទ្ធផលនានា ក៏ដូចជាសកម្មភាពផ្សេងៗ របស់អាជ្ញាធរ និងរាជរដ្ឋាភិបាល នៅក្នុងមូលដ្ឋាន ដើម្បី យកទៅផ្សព្វផ្សាយ បង្ហាញទៅដល់សាធារណជនបានជ្រួតជ្រាបផងដែរ ។
នាឱកាសនោះ ក្នុងនាមមន្ទីរព័ត៌មានទាំង៦ខេត្ត លោកស្រី សម ផល្លា ក៏បានគោរពជូនពរដល់ឯកឧត្តមរដ្ឋមន្ត្រីក្រសួងព័ត៌មានសូមទទួលបានសេចក្ដីសុខចំរើន ប្រកបដោយពរទាំងឡាយ៤ប្រការ គឺ អាយុ វណ្ណៈ សុខៈ ពលៈ និងបដិភាណៈ កុំបីឃ្លៀងឃ្លាតឡើយ ។
សូមជម្រាបថា អំណោយដែលឯកឧត្តម ខៀវ ញារីទ្ធ ផ្ដល់ជូនមន្ទីរព័ត៌មានទាំង៦ខេត្ត រួមមាន៖ កាមេរ៉ាវីដេអូរ ១គ្រឿង ជើងកាមេរ៉ា ១ កាបូបដាក់កាមេរ៉ា ១ និង Memory ចំនួន ២ ៕
អត្ថបទ៖ ឡេក ចាន់ពេជ្រ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល