Connect with us

ព័ត៌មានជាតិ

សម្ដេចតេជោ អំពាវនាវប្រជាពលរដ្ឋប្រុងប្រយ័ត្ន និងកុំចូលឆ្នាំចិន ស្រវឹងខ្មែរ

បានផុស

នៅ

សម្ដេចតេជោ ហ៊ុន សែន នាយករដ្ឋមន្ត្រីកម្ពុជា នៅរសៀលនេះ បានបង្ហោះសារចូលរួមអបអរ ជូនពរដល់ប្រជាពលរដ្ឋខ្មែរកាត់ចិន និងរំលឹកអំពាវនាវឱ្យប្រជាពលរដ្ឋកុំឱ្យចូលឆ្នាំចិនស្រវឹងខ្មែរ បង្កឱ្យមានគ្រោះថ្នាក់ចរាចរណ៍ ក៏ដូចជាប្រុងប្រយ័ត្នដូចជាគ្រោះអគ្គិភ័យ ឱកាសបុណ្យចូលឆ្នាំចិន វៀតណាម ដែលនឹងចាប់ផ្ដើមចាប់ពីថ្ងៃស្អែកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចតេជោ ហ៊ុន សែន មានប្រសាសន៍ថា៖ “កង្វល់ពិតប្រាកដដែលខ្ញុំកំពុងខ្វល់ពេលនេះ សម្រាប់បុណ្យចូលឆ្នាំចិន និងវៀតណាម ទី១ គឺគ្រោះថ្នាក់ចរាចរណ៍ ដែលសូមអំពាវនាវដល់ប្រជាពលរដ្ឋរបស់យើង កុំឱ្យពេលចូលឆ្នាំនេះ គេសប្បាយចូលឆ្នាំ ឯងក្លាយជាកើតទុក្ខបុណ្យខ្មោច។ សុំអង្វរករប្រជាពលរដ្ឋរបស់យើង យកចិត្តទុកដាក់ ការគោរពច្បាប់ចរាចរណ៍ សុំឱ្យមានសុវត្ថិភាព ព្រោះឥឡូវយើងគិតថា វាជាប់ខ្សែចិនហ្នឹង គឺជាប់ពេកហើយ”។

ជាមួយគ្នានេះ សម្ដេចតេជោ បានរំលឹកថា នៅភូមិរបស់សម្ដេចពីដើមមានអ្នកសែនចូលឆ្នាំចិនប្រហែល ១០%ទេ ប៉ុន្តែឥឡូវចូលដល់ ៧០-៨០% សែន។ សម្ដេចតេជោ មានបញ្ជាក់ថា៖ “ខ្ញុំរាល់ឆ្នាំ ប្រពន្ធខ្ញុំហៅខ្ញុំសែន ខ្ញុំអត់ទៅទេ ព្រោះខ្ញុំមិនមែនចិន ប៉ុន្តែកូន ហើយចៅទៅតាមគាត់ទាំងអស់។ អ៊ីចឹងបានថា ចូលឆ្នាំចិនស្រវឹងខ្មែរ ដែលបញ្ហានេះ ជារឿងគ្រោះថ្នាក់។ សូមបងប្អូនជាប់សែស្រឡានចិនសប្បាយរីករាយក្នុងឱកាសចូលឆ្នាំចិន វៀតណាម ប៉ុន្តែធ្វើម៉េចកុំឱ្យមានគ្រោះថ្នាក់ចរាចរណ៍”។

សម្ដេចតេជោ បានបញ្ជាក់បន្ថែមថា ក្នុងឱកាសបុណ្យចូលឆ្នាំចិននេះ មានបងប្អូនមួយចំនួនធ្វើដំណើរទៅកាន់បណ្តាខេត្តផ្សេងៗ។ សូមបើកបរគោរពច្បាប់ចរាចរណ៍ កុំផឹកស្រវឹងក្នុងពេលបើកបរ ត្រូវមានការយោគយល់គ្នា និងប្រុងប្រយ័ត្នខ្ពស់ជានិច្ច ទោះបីបើកបរជិត ឬឆ្ងាយ ដើម្បីសុវត្ថិភាពក្នុងថ្ងៃចូលឆ្នាំទាំងអស់គ្នា។

ទន្ទឹមនឹងនេះ សម្ដេចតេជោ អំពាវនាវសូមប្រជាពលរដ្ឋមានការប្រុងប្រយ័ត្នខ្ពស់ ចំពោះការចម្អិនម្ហូបអាហារ ដុតក្រដាស់សែន ធូប និងទៀន… ដើម្បីចៀសវាងកុំឱ្យមានអគ្គិភ័យកើតឡើង ដែលធ្វើឱ្យរំខានក្នុងថ្ងៃចូលឆ្នាំ ព្រោះតែការធ្វេសប្រហែស។

គួរបញ្ជាក់ថា ដើម្បីរក្សាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈ ក្នុងឱកាសបុណ្យ ចូលឆ្នាំថ្មីប្រពៃណីចិន និងវៀតណាម ដែលនឹងប្រព្រឹត្តទៅចាប់ពីថ្ងៃទី២១ ដល់ថ្ងៃទី២៤ ខែមករា ឆ្នាំ២០២៣នេះ រដ្ឋបាលរាជធានីខេត្ត បានធ្វើការហាមដាច់ខាតមិនឱ្យមានការដុតផាវ កាំជ្រួច ឬបង្កសំឡេងផ្ទុះគ្រប់ប្រភេទក្នុងឱកាសពិធីបុណ្យនេះឡើយ ហើយការលេងល្បែងស៊ីសងគ្រប់ប្រភេទ ក៏មិនត្រូវបានអនុញ្ញាតផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ នាទី មុន

ការសិក្សាមិនមែនយកសញ្ញាប័ត្រនោះទេ គឺយកចំណេះវិទ្យា និងបំណិនពីស្សវត្សរ៍ទី២១​

សេដ្ឋកិច្ច១៩ នាទី មុន

បុរី ឡេង ណាវ៉ាត្រា ខណៈនេះដោះដូរបាន ១៦៣ផ្ទះ, ដាក់ពាក្យនៅក្រសួងទទួលប្លង់រឹង ៥៩៧ផ្ទះ ហើយចន្លោះ១ខែទៅ៣ខែទៀត អាចបញ្ចប់បន្ថែមមួយពាន់ទៅពីរពាន់ផ្ទះទៀត

ព័ត៌មានជាតិ២៧ នាទី មុន

ប្រាក់ចូលនិវត្តន៍កងទ័ព គ្រូបង្រៀន នឹងឡើងដល់ ៣លាន ៨សែនរៀល នៅឆ្នាំ២០២៥ មែនទេ?

ជីវិតកម្សាន្ដ៤៨ នាទី មុន

អតីតតារាសម្តែង TVB លោក Chun Wong រស់រងទុក្ខវេទនា ក្រោយបោះបង់គ្រួសារព្រោះស្រី

ព័ត៌មានជាតិ៥១ នាទី មុន

ប.ស.ស ពិនិត្យមើលការអនុវត្តគម្រោងការពង្រីករបបសន្តិសុខសង្គមសម្រាប់បុគ្គលស្វ័យនិយោជន៍

សេចក្ដីជូនដំណឹង២០ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានអន្ដរជាតិ១០ ម៉ោង មុន

លោក បៃដិន បើកដៃឲ្យអ៊ុយក្រែន ប្រើអាវុធអាមេរិក បាញ់ចូលដី រុស្ស៊ី

សេចក្ដីជូនដំណឹង២២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

វប្បធម៌ ជំនឿ៥ ម៉ោង មុន

ការសម្ដែង អាយ៉ៃជំនាន់ថ្មី “Ayai 5G” ល្ងាចនេះ លក់សំបុត្រអស់មុនកំណត់

ព័ត៌មានជាតិ៨ ម៉ោង មុន

ទើបតែ​បើកការដ្ឋាន ស្ពានឆ្លងកាត់ទន្លេបាសាក់នៅ​ព្រែកប្រា សាងសង់​សម្រេច​បានជាង ១០ ភាគរយ

Sokha Hotels

ព័ត៌មានពេញនិយម