សម្ដេចតេជោ ហ៊ុន សែន នឹងជួបសិស្សនិទ្ទេស A នៅថ្ងៃទី ០២ ខែកុម្ភៈ

សម្ដេចតេជោ ហ៊ុន សែន នាយករដ្ឋមន្ត្រីកម្ពុជា​គ្រោងជួបសំណេះសំណាលព្រមទាំងផ្ដល់រង្វាន់​លើកទឹកចិត្តដល់​សិស្សនិទ្ទេស A ចំនួន ១ ០៤៩ នាក់ នៅថ្ងៃទី ២ ខែកុម្ភៈ ឆ្នាំ ២០២៣ ខាងមុខនេះ។​

សូមជំរាបថា ការប្រឡងបាក់ឌុបបានរៀបចំឡើងនៅថ្ងៃទី ៥ ខែធ្នូ ឆ្នាំ ២០២២ និងបានប្រកាសលទ្ធផលកាលពីថ្ងៃទី ២២ ខែធ្នូក្នុងនោះមានបេក្ខជនប្រឡងជាប់ចំនួន ៩០ ៩៥០នាក់ ត្រូវជា ៧២,៣៣% នៃបេក្ខជនមកប្រឡងចំនួន ១២៥ ៧៣៥ នាក់ កើនឡើងជាងឆ្នាំមុនដែលមានត្រឹមជាង៦៥%ប៉ុណ្ណោះ។

បេក្ខជនជាប់និទ្ទេស A ចំនួន ១ ០៤៩នាក់ និទ្ទេស B ចំនួន ៧ ២៣២នាក់ និទ្ទេស C ចំនួន១៩០៥៣នាក់និទ្ទេស D ចំនួន ៣១ ១៦៦ ​នាក់ និងនិទ្ទេស E មានចំនួន ៣២ ៤៥០ នាក់៕