ព័ត៌មានជាតិ
ក្រុងបាត់ដំបងផ្ដើមប្រែក្លាយជាក្រុងវៃឆ្លាតមានសារមន្ទីរវៃឆ្លាតមុនគេ
គម្រោងអភិវឌ្ឍក្រុងបាត់ដំបងទៅជាទីក្រុងវៃឆ្លាត (Smart City) បានចាប់ផ្ដើមលេចចេញរូបរាងហើយ ខណៈអាជ្ញាធរខេត្តកំពុងរៀបចំធ្វើការងារជាច្រើនទាក់ទិននឹងបរិស្ថាន អនាម័យ និងសណ្ដាប់ធ្នាប់។
លោក សុខ លូ អភិបាលខេត្តបាត់ដំបងមានប្រសាសន៍នៅថ្ងៃទី ២៤ ខែមករា ឆ្នាំ ២០២៣នេះថា រដ្ឋបាលខេត្តបាត់ដំបងបានខិតខំរៀបចំទីក្រុងបាត់ដំបងឱ្យក្លាយទៅជាទីក្រុងវៃឆ្លាត ខណៈកិច្ចការជាច្រើន ដែលអាជ្ញាធរកំពុងតែធ្វើរួមមានការងារបរិស្ថាន ការរក្សាអនាម័យ សណ្ដាប់ធ្នាប់ផ្សេងៗ។
លោកអភិបាលខេត្តបញ្ជាក់ថា ក្ដីស្រម៉ៃរបស់រដ្ឋបាលខេត្តថ្ងៃអនាគត គឺចង់់ឱ្យក្រុងមួយនេះមានផ្លូវ កន្លែងលម្ហែរកាយ កន្លែងយកខ្យល់អាកាស និងហាត់ប្រាណ។
អាជ្ញាធរក្រុងបាត់ដំបង កំពុងតែរៀបចំប្រព័ន្ធលូរំដោះទឹក ទាំងទឹកកខ្វក់ និងទឹកភ្លៀង នៅក្រោមដី ព្រមទាំងកសាងទីលានចាក់សំរាមថ្មី ដែលជាផ្នែកមួយនៃការប្រែក្លាយជាក្រុងវៃឆ្លាត។
សូមជំរាបថា ក្រុងបាត់ដំបងបានជាប់ក្នុងបណ្ដាញក្រុងវៃឆ្លាត ហើយសព្វថ្ងៃ ភាគីជប៉ុនបានជួយផ្ដល់អ្នកជំនាញ ដើម្បីជួយសិក្សា និងសហការហើយទទួលបានលទ្ធផលផ្លែផ្កា គឺធ្វើជាសារមន្ទីរវៃឆ្លាត ហើយនឹងចេញជារូបរាងឆាប់ៗនេះ។
លោក សុខ លូ បញ្ជាក់បន្ថែមថា ចំពោះសារមន្ទីរឆ្លាតវៃ នៅពេលដែលយើងចូលទៅទស្សនាខាងក្នុងសារមន្ទីរ យើងអាចមើលឃើញរូបភាព រូបសំណាក ហើយស្ដាប់សំឡេងដឹងថា រូបនេះ កសាងឡើងនៅឆ្នាំណា។
បើតាមលោកអភិបាលខេត្ត ឧទាហរណ៍ថា គម្រោងស្ទឹងសង្កែវៃឆ្លាត គឺត្រូវធ្វើផ្លូវ ទីតាំងចំណតរថយន្ត កន្លែងដកដង្ហើមយកខ្យល់អាកាស សួនច្បាបរមានអ៊ីនធើណិត ខណៈខេត្តកំពុងរៀបចំគម្រោងនេះបន្តបន្ទាប់៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ