ព័ត៌មានជាតិ
លោកជំទាវ ម៉ែន សំអន ៖ កត្តាអប់រំប្រកបដោយគុណភាព និងសមធម៌ បង្កើតកាលានុវត្តភាពសិក្សា ពេញមួយជីវិត
លោកជំទាវ ម៉ែន សំអន ឧបនាយករដ្ឋមន្រ្តី និងជាប្រធានសមាគមសមាជិកសភាកម្ពុជា ដើម្បីប្រជារាស្ត្រ និងការអភិវឌ្ឍ (CAPPD) បានថ្លែងថា កត្តាអប់រំប្រកបដោយគុណភាព សមធម៌ បានបង្កើតកាលានុវត្តភាពសិក្សាពេញមួយជីវិត របស់សិស្ស-និស្សិតគ្រប់វ័យ។
![](https://www.kampucheathmey.com/wp-content/uploads/2023/02/001-24-1024x682.jpg)
លោកជំទាវ ម៉ែន សំអន ថ្លែងបែបនេះ ខណៈពេលអញ្ជើញជាអធិបតីក្នុងពិធីបើកសិក្ខាសាលា ស្តីពី «ការផ្តល់ភាពអង់អាចដល់យុវជន៖ ការអប់រំ ការងារ និងសុខភាព» នៅមជ្ឈមណ្ឌលម៉ានី អគារដឹខេមភឹស (The Kampus) រាជធានីភ្នំពេញ កាលពីព្រឹកថ្ងៃទី ២៧ ខែកុម្ភៈ ឆ្នាំ ២០២៣នេះ។
![](https://www.kampucheathmey.com/wp-content/uploads/2023/02/006-7-1024x682.jpg)
នៅក្នុងឱកាសនោះ លោកជំទាវ បានស្វាគមន៍យ៉ាងកក់ក្តៅ និងថ្លែងអំណរគុណចំពោះវត្តមានលោក-លោកស្រី ដែលជាភ្ញៀវកិត្តិយសជាតិ និងអន្តរជាតិ មកពីក្រសួង-ស្ថាប័ន និងអង្គការដៃគូ ដែលបានចូលរួមដោយផ្ទាល់ និងតាមរយៈអនឡាញ ក្នុងសិក្ខាសាលានាពេលនេះ។
![](https://www.kampucheathmey.com/wp-content/uploads/2023/02/007-3-1024x682.jpg)
លោកជំទាវ ម៉ែន សំអន បានលើកឡើងថា ការកំណត់ប្រធានបទនេះ គឺជាប្រធានបទសំខាន់សម្រាប់ក្មេងជំទង់ និងយុវជនចាំបាច់ត្រូវយល់ដឹងបន្ថែមទៀត ពីព្រោះថាបញ្ហាទាំងនេះ មានឥទ្ធិពលពេញ មួយជីវិតរបស់ពួកគាត់។
![](https://www.kampucheathmey.com/wp-content/uploads/2023/02/008-2-1024x682.jpg)
លោកជំទាវ បានបន្តទៀតថា សារប្រយោជន៍នៃការអប់រំ និងការងារដែលផ្តល់ជាពុទ្ធិ និងបណ្តុះជាគំនិត សម្រាប់ការអភិវឌ្ឍសមត្ថភាពរបស់ខ្លួន និងការត្រៀមខ្លួនសម្រាប់ការចាប់យក និងផ្គូផ្គងអាជីពការងារសមស្រប ផងដែរ។ ស្របពេលនេះដែរ ការយល់ដឹងទូលំទូលាយអំពីសុខភាព ជាពិសេសសុខភាពផ្លូវភេទ សុខភាពបន្តពូជ និងសិទ្ធិ ជាកាតាលីករមួយដ៏សំខាន់ដើម្បីជួយដល់យុវជន ក្នុងការបង្ការហានិភ័យសុខភាពផ្លូវភេទដែលអាចកើតមាន ហើយអាចផ្តល់ផលប៉ះពាល់ទៅដល់ការសិក្សា និងអនាគតរបស់ខ្លួន។
![](https://www.kampucheathmey.com/wp-content/uploads/2023/02/005-10-1024x682.jpg)
បរិបទនៃសង្គមបច្ចុប្បន្ន ជាពិសេសបន្ទាប់ពីការរីករាលដាលនៃជំងឺកូវីដ-១៩ ការកើនឡើង និងរីកចម្រើនយ៉ាងឆាប់រហ័សនៃបច្ចេកវិទ្យា ក៏ដូចជាឌីជីថលូបនីយកម្ម និងបរិវត្តកម្មឌីជីថល តម្រូវឲ្យយើង ទាំងអស់គ្នា យកចិត្តទុកដាក់បន្ថែមក្នុងការសម្រប និងវិវឌ្ឍខ្លួនឲ្យសមស្របទៅតាមការវិវឌ្ឍ នៃវិស័យទាំងអស់នេះផងដែរ។
![](https://www.kampucheathmey.com/wp-content/uploads/2023/02/004-15-1024x682.jpg)
ម្យ៉ាងវិញទៀត រាជរដ្ឋាភិបាល បាននិងកំពុងខិតខំអភិវឌ្ឍវិស័យអប់រំក្នុងគោលបំណង ឲ្យអ្នកសិក្សាគ្រប់រូប បានទទួលការអប់រំប្រកបដោយគុណភាព សមធម៌ និងបរិយាប័ន្ន និងបង្កើតកាលានុវត្តភាពសិក្សាពេញមួយជីវិត។ ចំពោះវិស័យការងារ រាជរដ្ឋាភិបាល ប្រឹងប្រែងបង្កើនមុខរបរ ធានាលក្ខខណ្ឌ ការងារសមរម្យ អភិវឌ្ឍរបបសន្តិសុខសង្គម និងពង្រឹងការផ្តល់សេវាគាំទ្រ។
![](https://www.kampucheathmey.com/wp-content/uploads/2023/02/002-20-1024x682.jpg)
សម្រាប់វិស័យសុខាភិបាល ស្ថានភាពសុខភាពប្រជាពលរដ្ឋ និងការផ្តល់សេវាថែទាំសុខភាពប្រកបដោយគុណភាព សុវត្ថិភាព សក្តិសិទ្ធភាព និងសមធម៌ ជាអាទិភាពចម្បង ដែលជានិច្ចកាលយើងផ្តោតលើការពង្រីក ការគ្របដណ្តប់នៃសេវាសុខភាព និងអន្តរាគមន៍សុខភាពសាធារណៈ តាមរយៈកម្មវិធីសុខភាពបន្តពូជ សុខភាពផ្លូវភេទ សុខភាពមាតា-ទារក កុមារ កម្មវិធីអាហារូបត្ថម្ភ និងការប្រយុទ្ធនឹងជំងឺឆ្លង និងជំងឺមិនឆ្លង៕
អត្ថបទ៖ វិមាន
![](https://www.kampucheathmey.com/wp-content/uploads/2023/02/003-13-1024x682.jpg)
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២៣ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ