ព័ត៌មានជាតិ
ឆ្នាំ ២០២៣ ក្រុងសៀមរាប នឹងមានរោងចក្រទឹកស្អាតមួយកន្លែងទៀត ទាញប្រភពពីបឹងទន្លេសាប
នៅឆ្នាំ ២០២៣ ក្រុងសៀមរាបនឹងមានស្ថានីយប្រព្រឹត្តិកម្មទឹកស្អាតមួយកន្លែងទៀតទាញប្រភពពីបឹងទន្លេសាប ដែលអាចបំពេញតម្រូវការប្រើប្រាស់របស់ពលរដ្ឋនៅក្នុងក្រុង។
លោក ទៀ សីហា អភិបាលនៃគណៈអភិបាលខេត្តសៀមរាបបានថ្លែងនៅក្នុងសន្និសីទជោគជ័យរយៈពេល ៥ ឆ្នាំ នៅព្រឹកនេះថា ការផ្គង់ផ្គង់ទឹកស្អាតក្នុងក្រុងសៀមរាបប្រចាំឆ្នាំបានចន្លោះពី ៥ ទៅ ៧ លានម៉ែត្រគូប។
លោកបន្តថា ដើម្បីបំពេញតម្រូវការទឹកស្អាតនៅក្នុងក្រុងសៀមរាប អង្គការ JICA បានផ្តល់ឥណទានអនុវត្តគម្រោងសាងសង់រោងចក្រប្រព្រឹត្តិកម្មទឹកស្អាតមួយកន្លែងទៀត ស្ថិតនៅសង្កាត់ជ្រាវ ក្រុងសៀមរាប ទាញប្រភពទឹកចេញពីបឹងទន្លេសាប ដែលមានសមត្ថភាពអាចផលិតទឹកស្អាតបាន ៦ ម៉ឺន ម៉ែត្រគូបក្នុងមួយថ្ងៃ រួមទាំងការកសាងបណ្ដាញមេនិងបណ្តាញចែកចាយប្រវែង ២៤៧ គីឡូម៉ែត្រ ដែលគ្រោងបញ្ចប់ដាក់ឱ្យដំណើរការនៅដំណាច់ខែមីនា ឆ្នាំ២០២៣។
រដ្ឋាករទឹកស្វយ័តសៀមរាប បានបង្កើនលទ្ធភាពផលិតទឹកស្អាតពី ១ ម៉ឺន ៥ ពាន់ម៉ែត្រគូបក្នុងមួយថ្ងៃ មក ៣ ម៉ឺនម៉ែត្រគូបក្នុងមួយថ្ងៃ ចាប់ពីឆ្នាំ២០១៩ តាមរយៈការសាងសង់រោងចក្រប្រព្រឹត្តិកម្មបន្ថែម ២ កន្លែង និងការតបណ្តាញមេនិងបណ្តាញចែកចាយ ដែលជាជំនួយឥតសំណងរបស់អង្គការ JICA និងឥណទានរបស់ទីភ្នាក់ងារបារាំងដើម្បីអភិវឌ្ឍ (AFD) ព្រមទាំងបានតបណ្ដាញប្រវែង ១០០គីឡូម៉ែត្រ និងបានភ្ជាប់បណ្តាញចូលផ្ទះបន្ថែម ៥០០០តំណ ដែលជាកម្ចីពីធនាគារអភិវឌ្ឍន៍អាស៊ី (ADB)។
បើតាមលោកលោក ទៀ សីហា ស្ថានីយប្រព្រឹត្តិទឹកស្អាតថ្មីនៅពេលដាក់ឲ្យដំណើរការ នឹងធ្វើឲ្យសមត្ថភាពផលិតទឹកស្អាតរបស់រដ្ឋាករទឹកស្វយ័តសៀមរាបកើនឡើងរហូតដល់ ៩ ម៉ឺនម៉ែត្រគូប ដែលគ្របដណ្ដប់លើតម្រូវការទឹកស្អាតក្នុងក្រុងសៀមរាបទាំងមូលរហូតដល់ឆ្នាំ២០៣២៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត