Connect with us

ព័ត៌មានជាតិ

ស្នងការខេត្តកោះកុង ជំរុញឲ្យមានការពន្លឿនធ្វើអត្តសញ្ញាណប័ណ្ណជូនពលរដ្ឋទាន់ពេលវេលា

បានផុស

នៅ

លោកស្នងការ​នគរបាល​ខេត្ត​កោះកុង បាន​ណែនាំ​ដល់​មន្ត្រី​ថ្នាក់ក្រោម​របស់​ខ្លួន ចាំបាច់​ពន្លឿន​ការងារ​ចុះ​ធ្វើ​អត្តសញ្ញាណប័ណ្ណ​ជូន​ប្រជាពលរដ្ឋ​ដែល​មាន​តម្រូវការ​ឲ្យ​ទាន់​ពេលវេលា ចៀសវាង​យឺតយ៉ាវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​ស្នើ​ឡើង​របស់​លោក គង់ មនោ ស្នងការ​នគរបាល​ខេត្ត​កោះកុង​នៅ​ពេលនេះ​ធ្វើឡើង​ក្នុង​កិច្ច​ប្រជុំ​បូកសរុប​សភាពការណ៍ និង​លទ្ធផល​កិច្ចប្រតិបត្តិការ ប្រចាំ​ឆ្នាំ ២០២២ របស់​ស្នងការដ្ឋាន​នគរបាល​ខេត្ត​កោះកុង និង​ផ្សព្វផ្សាយ​ទិសដៅ​របស់​ក្រសួងមហាផ្ទៃ និង​អគ្គស្នងការដ្ឋាន​នគរបាល​ជាតិ ឆ្នាំ ២០២៣។

លោក​ឧត្ដមសេនីយ៍​ទោ គង់ មនោ បាន​ឲ្យ​ដឹង​កាលពី​ព្រឹក​ថ្ងៃ​ទី ៣០ ខែ​មីនា ឆ្នាំ ២០២៣ នេះ បង្គាប់​ដល់​កងកម្លាំង​នគរបាល​ជាតិ​គ្រប់​ជំនាញ ហើយ​កម្លាំង​នគរបាល​ចរាចរណ៍ ត្រូវ​អនុវត្ត​ច្បាប់​ឲ្យ​បាន​ល្អ និង​បន្ត​ផ្សព្វផ្សាយ​ពី​ច្បាប់ និង​គ្រោះថ្នាក់​ចរាចរណ៍​ឲ្យ​បាន​ទូលំទូលាយ ដើម្បី​កាត់បន្ថយ​អត្រា​គ្រោះថ្នាក់ និង​ស្លាប់​តាម​ដង​ផ្លូវ​សាធារណៈ។

លើស​ពី​នេះ​ទៀត​នោះ កម្លាំង​នគរបាល ត្រូវ​បន្ត​សម្របសម្រួល​ពន្លឿន​ការ​ធ្វើ​អត្តសញ្ញាណប័ណ្ណ​ជូន​ពលរដ្ឋ ពង្រឹង​ការងារ​ស្រាវជ្រាវ និង​បង្ក្រាប​បទល្មើស​ព្រហ្មទណ្ឌ គ្រប់គ្រង​ឲ្យ​បាន​ករណី​លួច​ឆក់​ក្នុង​មូលដ្ឋាន និង​ការ​បង្ក្រាប​ក្មេង​ទំនើង​ផង​ដែរ។ ដោយឡែក​បញ្ហា​រាល់​បទល្មើស​ទំនិញ​គេច​ពន្ធ​គ្រប់​ប្រភេទ កងកម្លាំង​នគរបាល​ការពារ​ព្រំដែន ក៏​ត្រូវ​បង្កើន​ការ​ទប់ស្កាត់ និង​បង្ក្រាប​រាល់​ពលករ​ឆ្លង​ដែន​ខុសច្បាប់ និង​បទល្មើស​គ្រឿងញៀន។

ទន្ទឹម​នោះ លោក​ឧត្ដមសេនីយ៍​ទោ​ស្នងការ ក៏​កោតសរសើរ និង​វាយតម្លៃ​ខ្ពស់​ចំពោះ​កិច្ច​ខិតខំ​ប្រឹងប្រែង​របស់​កម្លាំង​នគរបាល​គ្រប់​ជំនាញ​ពាក់ព័ន្ធ និង​បាន​អំពាវនាវ​ឲ្យ​កងកម្លាំង​នគរបាល​ទាំង​អស់ ត្រូវ​គោរព​បទ​បញ្ជា​ឲ្យ​បាន​ម៉ឺងម៉ាត់ ត្រូវ​អនុវត្ត​តួនាទី ភារកិច្ច ត្រៀម​កម្លាំង​សម្រាប់​អន្តរាគមន៍ ២៤ ម៉ោង លើ ២៤ ម៉ោង។ ពិសេស​តាម​ស្រុក​នីមួយៗ គោលដៅ​ស្មុគស្មាញ​ត្រូវ​ជំរុញ​ឲ្យ​ពលរដ្ឋ​ដាក់​កាមេរ៉ា​សុវត្ថិភាព និង​ផ្តល់​ព័ត៌មាន​ឲ្យ​បាន​រហ័ស​ដើម្បី​ឲ្យ​ជំនាញ​ងាយ​ក្នុង​ការ​ស៊ើបអង្កេត​បង្ការ បង្ក្រាប​បទល្មើស​ដែល​កើតឡើង​ជាយថាហេតុ សំដៅ​ធានា​ឲ្យ​បាន​សន្តិសុខ សុវត្ថិភាព ១០០% ជូន​ពលរដ្ឋ​ក្នុង​មូលដ្ឋាន។

ផែនការ​បទបញ្ជា​បន្ត មន្ត្រី​កងកម្លាំង​អធិការ​គ្រប់​ស្រុក នាយ​ប៉ុស្តិ៍​ទាំងអស់ ត្រូវ​រួម​កម្លាំង​សាមគ្គី​គ្នា​មានការ​ទំនាក់ទំនង​គ្នា​ឲ្យ​បាន​ល្អ ដើម្បី​ការពារ​សន្តិសុខ​សង្គម និង​ភូមិ-ឃុំ​មាន​សុវត្ថិភាព​ដល់​ប្រជាពលរដ្ឋ​គ្រប់​មូលដ្ឋាន។

បើ​តាម​ឧត្ដមសេនីយ៍​ទោ គង់ មនោ ស្នងការ​នគរបាល​ខេត្ត​កោះកុង កងកម្លាំង​នគរបាល​ក្នុង​ខេត្ត​ស្រុក​ទាំងអស់ ជាពិសេស​តាម​បណ្ដា​ប៉ុស្តិ៍​រដ្ឋបាល​ឃុំ សង្កាត់ ត្រូវ​បំពេញ​កាតព្វកិច្ច​តួនាទី​ឲ្យ​បាន​ល្អ​ទៅតាម​ជំនាញ មាន​ឥរិយាបថ​ទន់ភ្លន់ ទាំង​កាយវិការ ទាំង​ទ្រឹស្ដី និង​ក្រមសីលធម៌​ល្អ ពាក្យសម្ដី​ពេល​ផ្ដល់​សេវា​សាធារណៈ​ជូន​ប្រជាពលរដ្ឋ​គ្រប់​ស្រុក និង​មូលដ្ឋាន​ដែល​បងប្អូន​ទទួល​យក​បាន៕

អត្ថបទ ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

វប្បធម៌ ជំនឿ៣ នាទី មុន

គន្លឹះតាំងលម្អសំពៅនាំហុងស៊ុយផ្នែកលុយកាក់ និងការជួញដូររីកចម្រើន

ព័ត៌មានជាតិ៣ នាទី មុន

បុរសរងគ្រោះព្រោះគ្រាប់មីនម្នាក់ តស៊ូរៀនចប់ថ្នាក់បរិញ្ញាបត្រជាន់ខ្ពស់ ហើយចង់បន្តថ្នាក់បណ្ឌិត

ព័ត៌មានជាតិ១២ នាទី មុន

តើបុគ្គលដែលចែកចាយរូបភាពអាសអាភាស ត្រូវផ្តន្ទាទោសបែបណា?

សេចក្ដីជូនដំណឹង១៤ នាទី មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃការថែទាំជួសជុលអគារធ្វើការជំហានទី ៤ របស់មន្ទីររ៉ែ និងថាមពល ខេត្តរតនគិរី

ព័ត៌មានជាតិ១៨ នាទី មុន

ស្ពានបេតុងខ្សែកាបឆ្លងទន្លេសាប និងស្ពានអាកាសឫស្សីកែវ​បើកម្ពោធថ្ងៃ ៣១ ឧសភា ក្រោមអធិបតីភាពសម្ដេចតេជោ ហ៊ុន សែន

Sokha Hotels

ព័ត៌មានពេញនិយម