Connect with us

ព័ត៌មានជាតិ

គណៈបក្សប្រជាជនកម្ពុជា នៅតែបន្តទទួលយកបញ្ហាប្រឈម សំណូមពរ និងស្វែងរកដំណោះស្រាយ

បានផុស

នៅ

ក្រុមការងាចុះមូលរដ្ឋាន របស់គណៈបក្សប្រជាជនកម្ពុជា នៅតែបន្តទទួលយកនូវសំណូមពរ បញ្ហាប្រឈម និងស្វែងរកដំណោះស្រាយនានា របស់ប្រជាពលរដ្ឋនៅតាមមូលដ្ឋានជាក់ស្តែង ដើម្បីធានាបានថា ប្រជាពលរដ្ឋមានការយកចិត្តទុកដាក់ពីរាជរដ្ឋាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី៣០ ខែមិនា ឆ្នាំ២០២៣ លោក ឡុង ផល ប្រធានក្រុមការងារចុះមូលដ្ឋានស្រុកស្ទោង ខេត្តកំពង់ធំ អញ្ជើញជាអធិបតីភាពក្នុងកិច្ចប្រជុំបូកសរុបលទ្ធផលការងារប្រចាំត្រីមាសទី១ ឆ្នាំ២០២៣ និងទិសដៅ អនុវត្តបន្តរបស់ក្រុមការងាររាជរដ្ឋាភិបាល។ ក្នុងឱកាសនោះ លោកលើកឡើងថា គណៈបក្សប្រជាជនកម្ពុជា តែងតែយកចិត្តទុកដាក់យ៉ាងខ្លាំងចំពោះសុខទុក្ខប្រជាពលរដ្ឋ ដោយបង្កើតជាក្រុមការងារចុះមូលដ្ឋាន ដើម្បីបង្ខិតប្រជាពលរដ្ឋឱ្យនៅកាន់តែជិតជាមួយថ្នាក់ដឹកនាំគ្រប់លំដាប់ថ្នាក់។ ទន្ទឹមនោះប្រមុខរាជរដ្ឋាភិបាល ក្នុងនាមគណៈបក្សប្រជាជនកម្ពុជាតែងតែផ្តាំសួរសុខទុក្ខប្រជាពលរដ្ឋដែលជាម្ចាស់ឆ្នោតគ្រប់កាលៈទេសៈ បើទោះបីជាសម្តេចមិនបានចុះជួបប្រជាពលរដ្ឋដោយផ្ទាល់គ្រប់រូបក៏ដោយ ក៏ក្រុមការងារថ្នាក់ជាតិចុះមូលដ្ឋាន គឺជាសេនាធិការក្នុងការទទួលយកបញ្ហា និងសំណូមពរ ដើម្បីស្វែងរកដំណោះស្រាយជូន។

លោក ឡុង ផល ចំពោះបញ្ហា ឬសំណូមពរ ដែលមិនអាចដោះស្រាយស្រាយបាន ក្រុមការងារនឹងបន្តធ្វើរបាយការណ៍ជូនរាជរដ្ឋាភិបាល។ ក្នុងភារកិច្ចនេះ អាជ្ញាធរឃុំសង្កាត់ត្រូវបន្តចុះផ្សព្វផ្សាយដល់ប្រជាពលរដ្ឋគ្រប់រូបឱ្យយល់ដឹងពីតម្លៃនៃសន្តិភាព ការអភិវឌ្ឍនៃប្រទេសជាតិ ក្រោមការដឹកនាំរបស់រាជរដ្ឋាភិបាល ដែលពលរដ្ឋសម្រេចចិត្តជឿជាក់បោះឆ្នោតជូន ក្នុងបេសកម្មភាពអនុវត្តនូវកិច្ចការងារប្រទេសស្របតាមឆន្ទៈ និងបំណងប្រាថ្នារបស់ខ្លួន។ ជាពិសេសត្រូវបន្តយកចិត្តទុកដាក់ទប់ស្កាត់ប្រកបដោយប្រសិទ្ធភាពនូវរាល់សកម្មភាពញុះញង់ធ្វើឱ្យច្របូកច្របល់ដែលជាចេតនាបង្កអស្ថេរភាពសង្គម និងបដិវត្តន៍ពណ៌ផ្តួលរំលំរាជរដ្ឋាភិបាលស្របច្បាប់។

លោកបន្តថា ដើម្បីចូលរួមបំពេញកាត្វកិច្ចជាពលរដ្ឋល្អក្នុងសង្គម និងជ្រើសរើសថ្នាក់ដឹកនាំប្រទេស ដែលខ្លួនពេញចិត្ត សូមប្រជាពលរដ្ឋត្រូវបន្តទៅបោះឆ្នោតជ្រើសតាំងតំណាងរាស្ត្រនីតិកាលទី៧ នៅថ្ងៃទី២៣ ខែកក្កដា ឆ្នាំ២០២៣ ឱ្យបានគ្រប់ៗគ្នា។ ក្នុងនោះប្រជាពលរដ្ឋ មានអត្តសញ្ញាណបណ្ណហួសសុពលភាព ក្នុងឆ្នាំ២០២២ ឬហួសសុពលភាពនៅឆ្នាំ២០២៣ ត្រូវរស់រាន់ទៅថតឡើងវិញ នៅតាមទីតាំងប៉ុស្តិ៍នគរបាល ឬអធិការរដ្ឋាននគរបាលក្រុងស្រុក ដែលជិតបំផុតឱ្យបានរស់រាន់គ្រប់ៗគ្នា។

លើសពីនេះ លោក ឡុង ផល បានកោតសសើរខ្ពស់ដល់ក្រុមការងារ ជាពិសេសរដ្ឋបាលស្រុកស្ទោង ដែលមានភាពម្ចាស់ការក្នុងការដឹកនាំមូលដ្ឋានឱ្យមានការរីកចម្រើន ជាមួយនឹងសមិទ្ធផលច្រើនស្អេកស្កះដូចជា ថ្នល់កៅស៊ូ ផ្លូវបេតុង សូឡា ក៏ដូចជាសហការជាមួយរាជរដ្ឋាភិបាលកម្ពជា ក្នុងការសម្រួលការកាត់ឆ្វៀលដីនៅតំបន់២ និងតំបន់៣ ជូនប្រជាពលរដ្ឋបានប្រើប្រាស់អាស្រ័យផលឡើងវិញតាមប្រសាសន៍ណែនាំដ៏ខ្ពង់ខ្ពស់របស់សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា៕

អត្ថបទ៖ ឈាង មករា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១២ នាទី មុន

ក្រុមឈ្មួញឈួសដីព្រៃរបស់រដ្ឋក្នុងតំបន់ព្រៃឡង់ យកធ្វើជាកម្មសិទ្ធិផ្ទាល់ខ្លួន ខណៈមិនទាន់ឃើញអាជ្ញាធរបង្ក្រាប

សេចក្ដីជូនដំណឹង២១ នាទី មុន

ក្រុមហ៊ុន Smart Axiata ប្រកាសពីវត្តមានរបស់ខ្លួនជាដៃគូឧបត្ថម្ភធំទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍លើកទី២

កីឡា៥៧ នាទី មុន

ប៉ាឡេស្ទីន​ អំពាវនាវ​ឲ្យ FIFA ដាក់​ទណ្ឌកម្ម​លើ បាល់ទាត់អ៊ីស្រាអែល

ព័ត៌មានអន្ដរជាតិ៦០ នាទី មុន

ច្បាប់លើកលែងជនជាតិយូដាពីកាត្វកិច្ចយោធាកំពុងបង្កភាពប្រេះឆាក្នុងជួររដ្ឋាភិបាល អ៊ីស្រាអែល

ព័ត៌មានជាតិ១ ម៉ោង មុន

ក្រសួងយុត្តិធម៌៖ សមត្ថកិច្ចកំពុងធ្វើការតាមជំហានៗ លើរឿងពលរដ្ឋចាញ់បោកក្រុមហ៊ុន CIC Plc

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៥ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៤ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

សន្តិសុខសង្គម១ ថ្ងៃ មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

Sokha Hotels

ព័ត៌មានពេញនិយម