ព័ត៌មានជាតិ
អភិបាលខេត្តចុះទៅពិនិត្យផ្ទាល់ ក្រោយបែកធ្លាយមន្ត្រីច្រកដូងជម្រិតទារលុយពីពលករទៅថៃ
ក្រោយពីចូលឆ្នាំថ្មីប្រពៃណីជាតិបានបញ្ចប់ ប្រជាពលរដ្ឋដែលជាពលករបំរើការងារនៅប្រទេសថៃបានវិលត្រឡប់ទៅបំរើការងារវិញរៀងៗខ្លួនតាមច្រកទ្វារអន្តរជាតិដូង ក្នុងស្រុកកំរៀង ខេត្តបាត់ដំបង។ ប៉ុន្តែអ្វីប្រឈមគឺមន្ត្រីនៅទីនោះយកលុយច្រើនក្នុងម្នាក់ៗ ដែលធ្វើឲ្យការធ្វើដំណើររបស់ពួកគាត់មានការយឺតយ៉ាវ។
តាមរយៈអាខោនហ្វេសប៊ុកឈ្មោះ (ស្ងួន ភក្តី) បានថតរូបប្រជាពលរដ្ឋដែលជាពលករបង្ហោះជាសាធារណះអមដោយសំណេរដែលមានខ្លឹមសារថា “សូមលោកអភិបាលខេត្តឯកឧត្តម សុខ លូ ជួយពិនិត្យមើលផងទាននៅស្រុកកំរៀង ច្រកឡែម មានការរអ៊ួរទាំពីបងប្អូនពលករដែលវិលចូលទៅប្រទេសថៃវិញ ត្រូវអស់លុយម្នាក់ 1600 បាត និងថ្លៃដឹកអីវ៉ាន់ម្នាក់ 100 បាតទៀត ពួកគាត់បានដាក់សំណួរថា តើលុយទាំងនោះគេយកទៅណា ចូលរដ្ឋឬចូលបុគ្គល ហើយពួកគាត់សង្ឃឹមថា នឹងមានការបន្ធូរ បន្ថយរឿងយកលុយយកកាក់ពីពួកគាត់”។
ពាក់ព័ន្ធរឿងរ៉ាវខាងលើ លោក សុខ លូ អភិបាលខេត្តបានសរសេរលើបណ្តាញហ្វេសប៊ុកផ្ទាល់ខ្លួនរបស់លោកថា “ព្រឹកនេះចេញដំណើរតាំងពីព្រលឹមទៅពិនិត្យស្ថានភាពនៅច្រកទ្វារអន្តរជាតិដូងស្រុកកំរៀង និងបានណែនាំបន្ថែមដល់បងប្អូនមន្ត្រីនិងសមត្ថកិច្ចប្រចាំការនៅច្រកទ្វារឲ្យខិតខំបង្កលក្ខណ:ងាយស្រួល និងពន្លឿនការបំពេញបែបបទឆ្លងដែនជូនបងប្អូនប្រជាពលរដ្ឋ និងពលករឲ្យបានឆាប់រហ័ស ចៀសវាងការយកកំរៃសេវាក្រៅផ្លូវការពីបងប្អូន”។
ក្រោយពីមានការពន្លឿននិងធ្វើការណែនាំសម្របសម្រួលលើបញ្ហាយកកំរ៉ៃសេវាមិនប្រក្រតីផ្ទាល់ពីអភិបាលខេត្ត ក្រុមពលករមានការសប្បាយចិត្ត និងបានថ្លែងអំណរគុណដល់លោកអភិបាលខេត្ត ដែលបានជួយដោះបន្ទុកដល់ពួកគាត់កុំឲ្យខាតពេលនិងបង់លុយច្រើន ខណះដែលពួកគាត់ម្នាក់ៗស្ទើររកលុយសល់ក្នុងខ្លួនមិនបាន បើសិនជាបង់ថ្លៃតាមមន្ត្រីទាមទារបន្ថែម៕
អត្ថបទ៖ សៅ សារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង