ព័ត៌មានជាតិ
ខ្យល់កន្ត្រាក់នៅតែបន្តវាយលុកខេត្តបាត់ដំបង បង្កឱ្យរលំដើមឈើ និងផ្ទះ
លំនៅឋាន និងដើមឈើមួយចំនួន ក្នុងក្រុងបាត់ដំបង និងស្រុកសង្កែ បានបាក់រលំយ៉ាងដំណំ បន្ទាប់ពីមានភ្លៀងមួយមេ លាយឡំនឹងខ្យល់កន្ត្រាក់។
គ្រោះធម្មជាតិនេះបានកើតឡើងមកលើទឹកដីខេត្តបាត់ដំបងឥតឈប់ឈរ ជាក់ស្តែងនៅថ្ងៃទី២២ ខែមេសា ឆ្នាំ២០២៣ វេលាម៉ោង ៥ រសៀល នៅក្នុងភូមិសាស្ត្រ ក្រុងបាត់ដំបង មានភ្លៀងធ្លាក់មួយមេ លាយឡំនឹងខ្យល់កន្ត្រាក់ បណ្តាលឱ្យ បាក់ផ្ទះ និងរបើកដំបូលផ្ទះប្រជាពលរដ្ឋចំនួន ៧ខ្នង៖
១. ឈ្មោះ ក្តិប វល័ក្ខ ភេទប្រុស អាយុ ៣៤ឆ្នាំ នៅ ភូមិជ្រៃកោង សង្កាត់ស្លាកែត, ២. ឈ្មោះ ញ៉ ធី ភេទប្រុស អាយុ នៅភូមិ ព្រៃកូនសេក សង្កាត់អូរចារ ៣. ឈ្មោះ នៅ សាលីម ភេទស្រី អាយុ ៥១ឆ្នាំ នៅភូមិរំចេក៤ សង្កាត់រតនៈ ៤. ឈ្មោះ នៅ សាលឿប ភេទប្រុស អាយុ ៥៨ឆ្នាំ នៅ ភូមិរំចេក៤ សង្កាត់រតនៈ ៥. ឈ្មោះ កែវ ច្រិប ភេទស្រី អាយុ ៤២ឆ្នាំ នៅភូមិ រំចេក៤ សង្កាត់ រតនៈ (រលំផ្ទះទាំងស្រុង) ៦. ឈ្មោះ ឆើន ឆា ភេទស្រី អាយុ ៤៦ឆ្នាំ នៅ ភូមិរំចេក៤ សង្កាត់រតនៈ និង ៧. ឈ្មោះ កែវ គឹមលី ភេទប្រុស អាយុ ៦០ឆ្នាំ នៅ ភូមិសូភី១ សង្កាត់រតនៈ។
នៅក្នុងហេតុការណ៍នេះ ក៏មានបាក់ដើមឈើសង្កត់លើម៉ូតូចំនួន ១គ្រឿង នៅក្រុមទី២ ភូមិរំចេក៤ សង្កាត់រតនៈ ដោយម្ចាស់ម៉ូតូដែលជាជនរងគ្រោះ ឈ្មោះ យ៉ា សុវណ្ណដា ភេទស្រី អាយុ ២៧ឆ្នាំ មានទីលំនៅ ភូមិព្រែកព្រះស្តេច សង្កាត់ព្រែកព្រះស្តេច ម៉ូតូដែលខូចខាត ម៉ាកហុងដា ZOOMER ស្លាកលេខ 1GM 0594។
ដោយឡែកនៅស្រុកសង្កែ ក៏មានការប៉ះទង្គិចដោយខ្យល់កន្ត្រាក់នេះដែរ គឺស្ថិតនៅ ឃុំអូរដំបង១ និង ឃុំអន្លង់វិល ដោយមានករណីភ្លៀងលាយខ្យល់កន្ត្រាក់កើតឡើងចំនួន ១លើក បណ្តាលឱ្យខូចខាតផ្ទះប្រជាពលរដ្ឋសរុបចំនួន ៣ ខ្នងផ្ទះ គឺនៅឃុំកំពង់ព្រះ ២ខ្នងផ្ទះ និង ឃុំនរា ចំនួន ១ខ្នងផ្ទះ។ ក្នុងករណីគ្រោះធម្មជាតិនេះ មិនមានប៉ះពាល់ដល់អាយុជីវិតមនុស្សឡើយ៕
អត្ថបទ៖ សោ និយមរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ