ព័ត៌មានជាតិ

ដំបូលមណ្ឌលចត្តាឡីស័ក ជិត ១០០ ម៉ែត្រ និងផ្ទះមួយចំនួន ត្រូវខ្ទេចខ្ទីដោយសារខ្យល់កន្ត្រាក់

បានផុស

៣ years មុន

នៅ

ថ្ងៃចន្ទ ២៤ មេសា ២០២៣

ដោយ

ដំបូលមណ្ឌលចត្តាឡីស័ក ជិត ១០០ ម៉ែត្រ និងផ្ទះមួយចំនួន ត្រូវខ្ទេចខ្ទីដោយសារខ្យល់កន្ត្រាក់ គ្រោះធម្មជាតិ បានកើតឡើងឥតស្រាកស្រាន្តទៅលើបណ្ដាស្រុកមួយចំនួនក្នុងខេត្តបាត់ដំបង ដែលបង្កឲ្យមានការខូចខាតនូវហេដ្ឋារចនាសម្ព័ន្ធ និងលំនៅឋានប្រជាពលរដ្ឋយ៉ាងច្រើនសន្ធឹកសន្ធាប់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីគ្រោះធម្មជាតិនេះបានកើតឡើងកាលពីថ្ងៃទី ២៣ ខែមេសា ឆ្នាំ ២០២៣ វេលាម៉ោង ២ និង ៥០ នាទីរសៀល ដោយមានភ្លៀងធ្លាក់មួយមេលាយឡំជាមួយនឹងខ្យល់កន្ត្រាក់ចូលទៅក្នុងភូមិសាស្ត្រស្រុកសំពៅលូន បណ្ដាលឲ្យខូចខាតផ្ទះសម្បែងរបស់ប្រជាពលរដ្ឋចំនួន ៥ ខ្នង និងមណ្ឌលចត្តាឡីស័ក ១ កន្លែង ក្នុងឃុំជ្រៃសីមា ស្រុកសំពៅលូន។

ករណីនេះក្រៅពីការប៉ះពាល់ផ្ទះសម្បែងរបស់ប្រជាពលរដ្ឋ ក៏មានការប៉ះពាល់យ៉ាងធ្ងន់ធ្ងរទៅលើមណ្ឌលចត្តាឡីស័កមួយកន្លែង ស្ថិតក្នុងឃុំជ្រៃសីមា ដែលខូចខាតជញ្ជាំងស័ង្កសីអស់ប្រវែង ៨០ ម៉ែត្រ និងដំបូលស័ង្កសីក៏ខូចខាតយ៉ាងដំណំ។ ករណីនេះដែរ មិនបណ្ដាលឲ្យមានគ្រោះថ្នាក់ដល់អាយុជីវិតមនុស្សសត្វឡើយ៕

អត្ថបទ ៖ សោ និយមរ័ត្ន