ព័ត៌មានជាតិ

ម្ហូបពីរមុខល្បីប្រចាំតំបន់ ក្លាយជាអត្តសញ្ញាណអ្នកខេត្តស្វាយរៀង

បានផុស

១ ខែ មុន

នៅ

ថ្ងៃសុក្រ ២៨ មេសា ២០២៣

ដោយ

ចំពោះរាជធានី-ខេត្ត ទាំង ២៥ ទូទាំងប្រទេស តែងតែមាននូវអ្វីដែលពិសេសប្រចាំតំបន់។ ទន្ទឹមនេះនៅក្នុងខេត្តស្វាយរៀងក៏មាននូវអត្តសញ្ញាណជាវប្បធម៌ និងមុខម្ហូបពិសេសប្រចាំតំបន់មិនខុសពីខេត្តដទៃទៀតដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើកឡើងនៅក្នុងសន្និសីទដែលរៀបចំដោយអ្នកនាំពាក្យកាលពីម្សិលមិញនេះ តបតាមសំណួររបស់«កម្ពុជាថ្មី» លោក ម៉ែន អេង អភិបាលរងខេត្តស្វាយរៀងមានប្រសាសន៍ថា បើនិយាយដល់ម្ហូបប្រចាំខេត្តស្វាយរៀងច្បាស់ជានឹកមុនគេគឺសម្លកកូរកណ្ដៀង ព្រោះវាត្រូវបានចាត់ទុកជាម្ហូបដ៏ល្បីប្រចាំខេត្ត។

ប៉ុន្តែក្រៅពីសម្លកកូរកណ្ដៀង នៅមានជ្រក់សណ្ដែកសាច់ជ្រូកបីជាន់រំលីង គួបផ្សំស្រាសបិតផ្ទាល់ដៃរបស់អ្នកខេត្តស្វាយរៀងផងដែរ។

លោកអភិបាលរងបានគូសបញ្ជាក់ថា ពលរដ្ឋអ្នកខេត្តស្វាយរៀងមានអត្តសញ្ញាញមួយពិសេសដាច់ដោយឡែក ហើយម្ហូបអាហារខ្លះក៏មានលក្ខណៈខុសប្លែកពីតំបន់ដទៃ។

គួបផ្សំការអភិវឌ្ឍនិងជីវភាពរស់នៅរបស់ពលរដ្ឋមានភាពល្អប្រសើរ បច្ចុប្បន្នខេត្តស្វាយរៀងមានអាហារក៏ដូចជាភោជនីយដ្ឋានល្អៗ ដែលសឹងតែអាចប្រៀបធៀបជាមួយរាជធានីភ្នំពេញដែលជាបេះដូងរបស់កម្ពុជាបាន។

លោក ម៉ែន អេង អះអាងថា នៅក្នុងក្រុងស្វាយរៀង និងនៅក្រុងបាវិត មានភោជនីយដ្ឋានធំៗជាច្រើនកន្លែងក៏ដូចជាមុខម្ហូបក្នុងកម្រិតថ្លៃៗ មិនចាញ់នៅរាជធានីភ្នំពេញនោះទេ។ លោកបន្តដោយផ្តែផ្តាំសម្រាប់អ្នកដែលទៅលេងនៅខេត្តស្វាយរៀងបន្ទាប់ពីបានភ្លក់រសជាតិម្ហូបប្រចាំតំបន់ហើយនោះ ក៏អាចឆៀងចូលទៅសាករសជាតិមុខម្ហូបបែបអាស៊ី អឺរ៉ុប បែបចិនក៏មានដូចគ្នាដែរ៕