ព័ត៌មានជាតិ

រដ្ឋបាលខេត្តបាត់ដំបង ត្រៀមធ្វើការផ្សាយបន្តផ្ទាល់ព្រឹត្តិការណ៍ស៊ីហ្គេម ជិត ២០ ទីតាំង

បានផុស

៣ years មុន

នៅ

ថ្ងៃសុក្រ ២៨ មេសា ២០២៣

ដោយ

រដ្ឋបាលខេត្តបាត់ដំបង បានចេញសេចក្ដីជូនដំណឹងដល់សាធារណជន ដើម្បីជ្រាបស្ដីពីការផ្សាយបន្តផ្ទាល់ការប្រកួតកីឡា ក្នុងព្រឹត្តិការណ៍ការប្រកួតកីឡាអាស៊ីអាគ្នេយ៍លើកទី ៣២ និងកីឡាអាស៊ានប៉ារ៉ាហ្គេមលើកទី ១២ ឆ្នាំ ២០២៣ នាពេលខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលខេត្តបាត់ដំបង បានសហការជាមួយសហភាពសហព័ន្ធយុវជនកម្ពុជា ខេត្តបាត់ដំបង ធ្វើការរៀបចំផ្សាយបន្តផ្ទាល់ គឺមានរយៈពេល ១៨ ថ្ងៃ ដោយចាប់ពីថ្ងៃទី ២៩ ខែមេសា ដល់ថ្ងៃទី ១៦ ខែឧសភា ឆ្នាំ ២០២៣ ក្នុងគោលបំណងបង្កបរិយាកាសសប្បាយរីករាយជូនប្រជាពលរដ្ឋ និងសាធារណជន ដែលស្រឡាញ់វិស័យកីឡា បានទស្សនាកម្សាន្តក្នុងព្រឹត្តិការណ៍នេះ។

ទីតាំងដែលត្រូវដាក់បញ្ចាំងផ្សាយបន្តផ្ទាល់នេះរួមមាន ៖ ១.ខាងមុខបរិវេណអគារសារមន្ទីរប្រវត្តិសាស្ត្រសាលាខេត្តបាត់ដំបង ស្ថិតក្នុងភូមិកម្មករ សង្កាត់ស្វាយប៉ោ។ ២.នៅបរិវេណសួនសម្តេចក្រឡាហោម ស ខេង ស្ថិតក្នុងភូមិរំចេក ៤ សង្កាត់រតនៈ។ ៣.នៅក្នុងបរិវេណទីតាំង សហភាពសហព័ន្ធយុវជនកម្ពុជា ខេត្តបាត់ដំបង ស្ថិតក្នុងភូមិព្រែកមហាទេព សង្កាត់ស្វាយប៉ោ និងតាមបណ្ដាក្រុង/ស្រុកទាំង ១៤ ថែមទៀត៕

អត្ថបទ ៖ សោ និយមរ័ត្ន