ព័ត៌មានជាតិ
កែប្រែផ្លូវកៅស៊ូលេខ ២២ ក្នុងក្រុងស្ទឹងត្រែងជាផ្លូវបេតុងពង្រីកទទឹងដល់ ១៥ ម៉ែត្រ
ផ្លូវកៅស៊ូតូចពិបាកក្នុងការធ្វើដំណើរត្រូវបានអភិបាលខេត្តស្ទឹងត្រែង សម្រេចឱ្យមន្ត្រីមន្ទីរសាធារណការនិងដឹកជញ្ជូនសាងសង់ផ្លូវលេខ ២២ ដោយផ្លាស់ប្តូរពីផ្លូវកៅស៊ូ ទៅជាផ្លូវបេតុងវិញនិងពង្រីកតួផ្លូវឱ្យធំជាងមុន ដើម្បីធានាដល់ការធ្វើចរាចរណ៍របស់ប្រជាពលរដ្ឋនិងភ្ញៀវទេសចរទៅមកបានងាយស្រួល។
លោកស្វាយ សំអ៊ាង អភិបាលខេត្តស្ទឹងត្រែងមានប្រសាសន៍ថា ដើម្បីឱ្យផ្លូវមួយខ្សែនេះមានគុណភាព ប្រើប្រាស់បានយូរអង្វែង មន្ត្រីជំនាញត្រូវស្ថាបនា បានត្រឹមត្រូវតាមលក្ខណៈបច្ចេកទេស ធ្វើឱ្យមានគុណភាពព្រោះផ្លូវមួយខ្សែនេះជាចំណុចកណ្តាលធ្វើឱ្យទីក្រុងស្ទឹងត្រែងមានសោភណ្ឌភាព។
លោកអភិបាលខេត្តមានប្រសាសន៍បន្ថែមថា ពេលស្ថាបនាហើយទីរួមខេត្តស្ទឹងត្រែងនឹងមានផ្លូវល្អ ចាប់ចេញពីចំណុចរង្វង់មូលកណ្តាលក្រុងទៅផ្លូវជាតិលេខ ០៧ និងតភ្ជាប់ទៅដល់ស្ពានសេកុង និងឆ្ពោះទៅតំបន់ព្រំដែនកម្ពុជាឡាវ ហើយអាចឱ្យខេត្តមានលទ្ធភាពដាក់បញ្ចូលបន្ថែមទៅក្នុងសូចនាករប្រកួតប្រជែងទីក្រុងស្អាតនៅពេលខាងមុខ។ អញ្ចឹងនៅពេលដែលយើងបើកផ្លូវនេះទៅ ជាការចូលរួមចំណែកកែលំអរសោភណ្ឌភាពទីក្រុងស្ទឹងត្រែងឱ្យកាន់តែមានរបៀបរៀបរយ សណ្តាប់ធ្នាប់ការធ្វើដំណើរក៍មានសុវត្ថិភាពតទៅមុខទៀត ជាការរួមចំណែកចូលរួមនៅការប្រលងប្រណាំងទីក្រូងស្អាត នៅក្នុងខេត្តស្ទឹងត្រែងរបស់យើងផងដែរ។
លោក ស គឹមណាត ប្រធានមន្ទីរសាធារណការ និងដឹកជញ្ជូនខេត្ត បានបញ្ចាក់ថា ផ្លូវមួយខ្សែនេះក្រុមការងារបច្ចេកទេសស្ថាបនា ៦០ ថ្ងៃតែប៉ុណ្ណោះ ហើយក្នុងរយៈពេលដ៍ខ្លីនេះបងប្អូនប្រជាពលរដ្ឋនឹងទទួលបានផ្លូវល្អស្រួលធ្វើដំណើរ។
លោកបន្តថា ដើម្បីថែរក្សាផ្លូវឱ្យមានគុណភាពនិងសោភណ្ឌភាពបងប្អូន កុំយកសំរាមចាក់នៅចំណុចមាត់លូ និងមិនត្រូវចាក់ដីនៅមុខផ្ទះឱ្យខ្ពស់ជាងផ្លូវនេះឡើយ ព្រោះវាជាដើមហេតុនាំឱ្យខូចផ្លូវ។ ផ្លូវសាធារណៈទាំងអស់គ្នាទេមិនមែនផ្លូវរបស់បុគ្គលមួយណាទេជាផ្លូវរបស់ប្រជាពលរដ្ឋ យើងទាំងអស់គ្នានៅក្នុងខេត្តស្ទឹងត្រែងអញ្ចឹងសុំឲ្យបងប្អូនជួយសម្អាតជួយថែទាំ សម្ដេច តេជោនាយករដ្ឋមន្ត្រីលោកតែងតែមានប្រសាសន៍ថា មានផ្លូវមានក្តីសង្ឃឹម។
លោកសាយ កុសល អភិបាលក្រុងបានបញ្ជាក់ដែរថា ដើម្បីសម្រេចបំណងដ៍ល្អនេះសុំបងប្អូនទាំងអស់ដែលមានលំនៅដ្ឋាននៅជាប់តាមដងផ្លូវនេះ ចូលរួមជាមួយអាជ្ញាធរពាក់ព័ន្ធបង្កលក្ខណៈងាយស្រួលដល់ការអភិវឌ្ឍឱ្យបានល្អប្រសើរព្រោះជាសមិទ្ធផលថ្មីដែលយើងទទួលបានទាំងអស់គ្នា។ ជាមួយការសាងសង់ផ្លូវបេតុងនិងលូប្រអប់តាមសងខាងផ្លូវ មានប្រវែងជាងមួយគីឡូម៉ែត្រ ជាសមិទ្ធផលថ្មីៗដែលរដ្ឋបាលក្រុងទទួលបានតាមរយៈរដ្ឋបាលខេត្តដែលមានការសាងសង់អភិវឌ្ឍហេដ្ឋារចនាសម្ព័ន្ធថ្មីៗនៅក្នុងក្រុងក្នុងឆ្នាំ ២០២៣ នេះ។
លោកស្រី ចាន់ រដ្ឋា ដែលមានលំនៅដ្ឋានតាមដងផ្លូវនេះបានបញ្ជាក់ថា ប្រជាពលរដ្ឋសប្បាយចិត្តបានឃើញអាជ្ញាធរខេត្ត ក្រុងសាងសង់ផ្លូវបេតុងថ្មី ព្រោះបានផ្លាស់ប្តូរពីភាពកខ្វក់ទៅជាមានភាពស្អាតមានបរិស្ថានល្អ ប្រជាពលរដ្ឋរស់នៅមានសុខមាលភាពបន្ថែមទៀត។
សូមបញ្ជាក់ថា ផ្លូវលេខ២២ មានប្រវែងជាង ២.៤០០ម៉ែត្រ ហើយអាជ្ញាធរខេត្តបានសាងសង់ជំហានដំបូងជាផ្លូវបេតុងនៅក្នុងឆ្នាំ២០២៣ ប្រវែង ១.៧០០ម៉ែត្រ ទទឹងត្រូវពង្រីកដល់ទៅ ១៥ ម៉ែត្រឱ្យមានទំហ៊ំធំជាងផ្លូវកៅស៊ូចាស់ ដែលមានទទឹងតែ ០៧ ម៉ែត្រតែប៉ុណ្ណោះ៕
អត្ថបទ៖ ងិនលីម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង