Connect with us

ព័ត៌មានជាតិ

ឯកឧត្តម ហ៊ុន ម៉ានី៖ អាស៊ានប៉ារ៉ាហ្គេម ជាឱកាសសម្រាប់ជនមានពិការភាពបង្ហាញសមត្ថភាពរបស់ពួកគេ

បានផុស

នៅ

ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក.) បានលើកឡើងថា ពេលមានការប្រកួតកីឡាអាស៊ានប៉ារ៉ាហ្គេមលើកទី១២ ដែលកម្ពុជាជាម្ចាស់ផ្ទះ គឺជាឱកាសមួយសម្រាប់ជនមានពិការភាពបញ្ចេញសមត្ថភាពរបស់ខ្លួនដល់សាធារណជន ច្រើនជាងក្តីអាណិត។ នេះបើតាមការបង្ហោះលើទំព័រហ្វេសប៊ុកផ្លូវការរបស់ឯកឧត្តម នៅថ្ងៃទី ២៤ ខែឧសភានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាព៖ Hun Many

ឯកឧត្តម ហ៊ុន ម៉ានី មានប្រសាសន៍ថា៖ “អត្តពលិកពិការ (ជនមានពិការភាព) ត្រូវការគាំទ្រ និងការលើកទឹកចិត្តពីពួកយើង។ ពួកគាត់ចង់ឱ្យយើងចូលរួម និងស្វែងយល់ពីពួកគាត់ ហើយអាស៊ានប៉ារ៉ាហ្គេមគឺជាឱកាសសម្រាប់ពួកគាត់ក្នុងការបង្ហាញសមត្ថភាពរបស់ពួកគាត់”។

រូបភាព៖ Hun Many

ឆ្លៀតក្នុងឱកាសនេះ ឯកឧត្តម ហ៊ុន ម៉ានី ក៏បានរំលឹកអំពីសម្តីរបស់ប្រធានសមាគមប៉ារ៉ាឡាំពិកឥណ្ឌូនេស៊ី ដែលបានលើកឡើងថា អាស៊ានប៉ារ៉ាហ្គេមនេះ ក្រៅពីរឿងឈ្នះ ចាញ់ ក៏ជាឱកាសដែលធ្វើឱ្យអត្តពលិកដែលមានពិការភាព មានអារម្មណ៍ថា ពួកគេធម្មតាដូចគេដូចឯងផ្សេងទៀតដែរ។ លោកបន្តថា ប្រសិនជាមានឱកាសហ្វឹកហាត់លើវិញ្ញាសារ ប៉ុន្តែគ្មានឱកាសបង្ហាញសមត្ថភាព គឺស្មើនឹងមិនមានអ្វីទាំងអស់។ អត្តពលិកដែលជាជនមានពិការភាព ត្រូវការការយកចិត្តទុកដាក់ និងការគាំទ្រជាងអ្នកធម្មតា ប៉ុន្តែ ពួកគេមិនត្រូវការឱ្យមានការអាណិត កាន់ដៃ និងជួយលើកពួកគេគ្រប់ពេលនោះទេ គឺចង់ឱ្យពលរដ្ឋទៅចូលរួម និងស្វែងយល់ពីពួកគេ ហើយអាចឱ្យប្រជាជនដឹងថា កីឡាអាស៊ានប៉ារ៉ាហ្គេម គឺជាឱកាសក្នុងការបង្ហាញសមត្ថភាពដ៏អាស្ចារ្យរបស់ពួកគេខ្លួនឯង។

រូបភាព៖ Hun Many

ឯកឧត្តម លើកឡើងបែបនេះ ស្របពេលដែលកីឡាអាស៊ានប៉ារ៉ាហ្គេមត្រូវបានខកខាននៅប្រទេស២គឺ ហ្វីលីពីន និងវៀតណាម បន្ទាប់មកទើបឥណ្ឌូនេស៊ីបានរៀបចំឡើងវិញ ហើយឆ្នាំ២០២៣នេះ កម្ពុជាក៏ជាម្ចាស់ផ្ទះនៃការរៀបចំការប្រកួតកីឡាអាស៊ានប៉ារ៉ាហ្គេមលើកទី១២ផងដែរ។ ក្នុងនាមជាម្ចាស់ផ្ទះ ប្រធាន ស.ស.យ.ក. ឯកឧត្តម ហ៊ុន ម៉ានី បានអំពាវនាវឱ្យប្រជាជនខ្មែរគ្រប់រូបចូលរួមគាំទ្រ និងលើកទឹកចិត្តដល់អត្តពលិកកម្ពុជាទាំងអស់គ្នា ដើម្បីឱ្យពួកគេមានកម្លាំងចិត្តបន្ថែមក្នុងការប្រកួតមួយនេះ៕

រូបភាព៖ Hun Many

រូបភាព៖ Hun Many

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១២ នាទី មុន

ឯកឧត្ដម ឃួង ស្រេង ផ្ញើរសារលិខិតរំលែកទុក្ខ ជូនលោក ជា ពិសី ចំពោះការទទួលមរណភាពរបស់មហាឧបាសិកា ជា ហៀម ត្រូវជាម្តាយបង្កើត

ព័ត៌មានជាតិ៥៣ នាទី មុន

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមអនុវត្តយោគៈ និងសមាធិ នៅបរិវេណប្រាសាទអង្គរវត្ត

ព័ត៌មានជាតិ២ ម៉ោង មុន

អភិបាលរាជធានី ចុះពិនិត្យទីតាំងប្រារព្ធពិធី ថ្វាយ​ព្រះភ្លើងព្រះបរមសពសម្តេច ទេព វង្ស

ព័ត៌មានជាតិ២ ម៉ោង មុន

សហព័ន្ធកីឡាទោចក្រយានកម្ពុជា ជិះកង់ប្រមូលមូលនិធិសប្បុរសធម៌ ដើម្បីទ្រទ្រង់មន្ទីរពេទ្យកុមារអង្គរ

សេដ្ឋកិច្ច២ ម៉ោង មុន

អង្ករវៀតណាម លែងមានតម្លៃថ្លៃជាងគេលើលោកទៀតហើយ

Sokha Hotels

ព័ត៌មានពេញនិយម