ព័ត៌មានជាតិ
តំបន់សេដ្ឋកិច្ចពិសេសរ៉ូយ៉ាល់គ្រុបភ្នំពេញ មានទុកវិនិយោគជាង ៧៤០លានដុល្លារ
តំបន់សេដ្ឋកិច្ចពិសេសរ៉ូយ៉ាល់គ្រុប ភ្នំពេញ មានទុនវិនិយោគ ៧៤៥លានដុល្លារអាមេរិក មានរោងចក្រសរុប ៩៨កំពុងដំណើរការ ក្នុងនោះមានអ្នកវិនិយោគទុនមកពីប្រទេសជប៉ុន ៤០រោងចក្រ ចិន ៣០រោងចក្រ ថៃ ៦រោងចក្រ ម៉ាឡេស៊ី៤រោងចក្រ សិង្ហបុរី៤រោងចក្រ សហរដ្ឋអាមេរិក៣រោងចក្រ កម្ពុជា ៣រោងចក្រ អូស្រ្តាលី ២រោងចក្រ ហូឡង់២រោងចក្រ កូរ៉េខាងត្បូង១រោងចក្រ ហ្វីលីពីន១រោចក្រ ស៊ុយអែត១រោចក្រ វៀតណាម១រោងចក្រ ដោយប្រើប្រាស់កម្មកនិយោជិតសរុប ៤១៣៧០នាក់។
![](https://www.kampucheathmey.com/wp-content/uploads/2023/05/294570595_454394280026164_7524697510558453414_n.jpg)
លោក អ៊ិត សំហេង រដ្ឋមន្រ្តីក្រសួងការងារ បានថ្លែងតាមរយៈរបាយការណ៍ទទួលបានពីតំបន់សេដ្ឋកិច្ចពិសេសរ៉ូយ៉ាល់ភ្នំពេញថា ទំហំទឹកប្រាក់នាំចេញសេដ្ឋកិច្ចពិសេសនេះ កើនឡើងដល់ ៩៧៧ លានដុល្លារ ក្នុងឆ្នាំ ២០២២។ ផលិតផលសេវាកម្មសំខាន់ៗក្នុងតំបន់សេដ្ឋកិច្ចពិសេសរ៉ូយ៉ាល់ភ្នំពេញ រួមមាន បរិក្ខាអគ្គិសនី និងអេឡិចត្រូនិក គ្រឿងបង្គំ កាត់ដេរសម្លៀកបំពាក់ ផលិតផលអាហារ និងភេសជ្ជៈ វេចខ្ចប់ គ្រឿងបរិក្ខាបង្គំរថយន្ត សម្ភារប្រើប្រាស់ប្រចំាថ្ងៃ ផលិតផលធ្វើពីប្លាស្ទិច ផលិតផលធ្វើពីលោហៈធាតុ ចំណីសត្វ គ្រឿងសំណង់ បោះពុម្ព កែច្នៃសំណ គ្រឿងសម្អាង ស្បែកជើង ផលិតផលពីស្បែក ផលិតផលថ្នាំលាប គ្រឿងបន្លាស់រថយន្ត ច្នៃពេជ្រ និងសេវាកម្មនានា ដូចជា ធនាគារ ភោជនីយដ្ឋាន ជាដើម។
![](https://www.kampucheathmey.com/wp-content/uploads/2023/05/Screenshot-2023-05-26-083134-1024x609.png)
អមដំណើរក្នុងពិធីសំណេះសំណាលជាមួយកម្មករ និយោជិត នៅក្នុងតំបន់ សេដ្ឋកិច្ចពិសេស រ៉ូយ៉ាល់គ្រុប ភ្នំពេញជាមួយសម្តេចតេជោ លោក អ៊ិត សំហេង បានលើកឡើងថា រាជរដ្ឋាភិបាល បានជំរុញគោលនយោបាយអភិវឌ្ឍវិស័យយឧស្សាហកម្ម ដើម្បីបន្តបង្កើតឱកាសវិនិយោគ ការងារ មុខរបរឱ្យកាន់តែប្រសើរឡើង។ លើសពីនេះទៀត លោករដ្ឋមន្រ្តី បានបញ្ជាក់ថា ប្រទេសកម្ពុជា បន្តរក្សាបានសុខសន្តិភាព ស្ថិរភាព និងការអភិវឌ្ឍ លើគ្រប់វិស័យសង្គម និងសេដ្ឋកិច្ចជាតិ គួរជាទីមោទន។
![](https://www.kampucheathmey.com/wp-content/uploads/2023/05/305800869_492479552884303_3278008210375537891_n.jpg)
សេដ្ឋកិច្ចជាតិ បានកើនឡើងជាមធ្យមក្នុងអត្រា ៧ភាគរយជាង ២ទស្សវត្សរ៍ លើកលែងតែក្នុងដំណាក់កូវីដ១៩។ អនុភាពទីផ្សារការងារមានភាពរឹងមាំ រក្សាបាននូវអត្រាមានការងារធ្វើខ្ពស់ ប្រមាណ ៩៩,៣ភាគរយ នៃកម្លាំងពលកម្មសរុប ប្រមាណ ១០,៨លាននាក់។
![](https://www.kampucheathmey.com/wp-content/uploads/2023/05/Screenshot-2023-05-26-090440-1024x557.png)
បច្ចុប្បន្នសហគ្រាសគ្រឹះស្ថានសេដ្ឋកិច្ចក្នុងប្រព័ន្ធ ដែលបានចុះបញ្ជីនៅក្រសួងការងារ មានចំនួន ១៧២៥៦ គ្រាស ដែលមានកម្មករនិយោជិត ១លាន ៥សែននាក់។ នេះជាការបន្ថែមរបស់លោក អ៊ិត សំហេង។
លោកបន្តថា គោលនយោបាយសេដ្ឋកិច្ចរបស់សម្តេចតេជោ បានធ្វើឱ្យប្រទេសកកម្ពុជា ប្តូរពីប្រទេសក្រីក្រ មកជាប្រទេសដែលមានចំណូលមធ្យមកម្រិតទាប និងកំពុងអភិវឌ្ឍទៅជាប្រទេសមានចំណូលមធ្យមកម្រិតខ្ពស់ នៅឆ្នាំ ២០៣០ និងចំណូលខ្ពស់ នៅឆ្នាំ ២០៥០៕
![](https://www.kampucheathmey.com/wp-content/uploads/2023/05/11907221_1068335379845977_3949639178485704023_o-1024x683.jpg)
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ