អ្នកឧកញ៉ា គិត ម៉េង ៖ ការរៀបចំផែនការ៤ ចំណុច សម្រាប់ការចូលនិវត្តន៍ដ៏ប្រសើរបំផុត

អ្នកឧកញ៉ា គិត ម៉េង ប្រធានក្រុមហ៊ុន រ៉ូយ៉ាល់គ្រុប បានឱ្យដំបូន្មានដល់មនុស្សជំនាន់ក្រោយ ៤ចំណុច ពីការគិតគូររៀបចំគម្រោងសម្រាប់ការចូលនិវត្តន៍របស់ខ្លួន ដើម្បីឱ្យការចូលនិវត្តន៍មានភាពរលូនល្អ។ នេះបើតាមសំណេរនៅលើហ្វេសប៊ុក របស់អ្នកឧកញ៉ា នៅថ្ងៃទី២៧ ខែឧសភា។

ចំណុចសំខាន់ៗចំនួន ៤ ដែលអ្នកឧកញ៉ា គិត ម៉េង បានលើកឡើងពីគម្រោងសម្រាប់មុនចូលនិវត្តន៍នេះ រួមមាន៖

ទី១ គឺគួរតែចាប់ផ្តើមមានគម្រោងសន្សំលុយ និងទុកដាក់ប្រាក់ដោយឡែកសម្រាប់គម្រោងចូលនិវត្តន៍របស់ខ្លួន, ទី២ ប្រសិនជាអ្នកមានប្រាក់ចំណូលបន្ថែម អ្នកត្រូវប្រាកដថា អ្នកធ្វើពិពិធកម្មនៃការវិនិយោគរបស់អ្នក ដើម្បីមើលឱ្យឃើញកំណើនច្រើន, ទី៣ កាត់បន្ថយបំណុល និងប្រាក់កម្ចីរបស់អ្នកតាមតែអាចធ្វើទៅបាន, ចំណុចទី៤ ចុងក្រោយនោះគឺ ទិញសេវាធានារ៉ាប់រងផ្នែកថែទាំងសុខភាព។

យ៉ាងណាមិញ ក្រៅពីរៀបចំគម្រោងសម្រាប់ជីវិតរៀងៗខ្លួន មនុស្សគ្រប់រូបក៏មិនអាចមើលរំលងចំពោះបញ្ហាសុខភាពរបស់ខ្លួនផងដែរ។ គួរយកចិត្តទុកដាក់ថែទាំសុខភាពឱ្យបានល្អ ជាពិសេសទៅលើរបបអាហារឱ្យបានត្រឹមត្រូវ និងរៀបចំដំណេកឱ្យបានគ្រប់ម៉ោងតាមអាយុរបស់មនុស្សម្នាក់ៗ ទើបមិនសូវមានបញ្ហាសុខភាពកើតឡើង៕