ព័ត៌មានជាតិ
ប.ស.ស ប្រកាសឲ្យអាជីវករ អ្នករត់ម៉ូតូឌុប រត់កង់បី និងអ្នករកចំណូលផ្ទាល់ខ្លួន មកស្នើសុំធ្វើប័ណ្ណ ប.ស.ស
បេឡាជាតិសន្តិសុខសង្គម(ប.ស.ស) បានប្រកាសឲ្យអាជីវករ អ្នករត់ម៉ូតូឌុប រត់កង់បី និងអ្នករកចំណូលផ្ទាល់ខ្លួនគ្រប់ប្រភេទ មកស្នើសុំធ្វើប័ណ្ណ ប.ស.ស តាមរយៈរបបភាគទានដោយស្ម័គ្រចិត្ត ដើម្បីទទួលបានការព្យាបាល និងថែទាំ រួមទាំងប្រាក់ឧបត្ថម្ភផ្សេងៗ។
យោងតាមសេចក្ដីជូនដំណឹងរបស់ ប.ស.ស ចេញផ្សាយនៅព្រឹកថ្ងៃទី ១២ កក្កដានេះ បានឲ្យដឹងថា ដើម្បីទទួលបានប័ណ្ណសមាជិក ប.ស.ស លោកអ្នកត្រូវអនុវត្តតាមលក្ខខណ្ឌដូចខាងក្រោមដូចជា ៖
១-ត្រូវមានមុខរបរ ប្រាក់ចំណូលផ្ទាល់ខ្លួន មិនពាក់ព័ន្ធនឹងប្រាក់ឈ្នួល។
២-ធ្វើការងារ ឬ ប្រកបរបរអាជីវកម្មផ្ទាល់ខ្លួន ដោយមិនប្រើប្រាស់បុគ្គលិក។
៣-ត្រូវមានអាយុមិនលើសពី ៦០ ឆ្នាំ គិតត្រឹមកាលបរិច្ឆេទស្នើចុះបញ្ជីនៅ ប.ស.ស។
៤-សាមីខ្លួន ត្រូវអញ្ជើញមកស្នើសុំធ្វើប័ណ្ណ ប.ស.ស ដោយផ្ទាល់ និងភ្ជាប់ជាមួយនូវអត្តសញ្ញាណប័ណ្ណសញ្ជាតិខ្មែរច្បាប់ដើម (មានសុពលភាព)។
ជាមួយគ្នានេះដែរ លោកអ្នក ត្រូវបង់ភាគទាន ចំនួន ១៥ ៦០០ រៀល ក្នុង ១ ខែ ដល់ ប.ស.ស ដើម្បីទទួលបានការព្យាបាល និងថែទាំ រួមទាំងការឧបត្ថម្ភផ្សេងៗ ពី ប.ស.ស។
កន្លងមក ប.ស.ស បានសម្រេចដាក់ឲ្យអនុវត្តគម្រោងសាកល្បងរបបសន្តិសុខសង្គមផ្នែកថែទាំសុខភាពសម្រាប់បុគ្គលស្វ័យនិយោជន៍។ ក្នុងនោះ ជំហានដំបូង ធ្វើសម្រាប់តែបុគ្គលស្វ័យនិយោជន៍ ជាអ្នកបើកបរត្រីចក្រយានយន្តដែលស្ថិតក្នុងភូមិសាស្ត្ររាជធានីភ្នំពេញតែប៉ុណ្ណោះ ហើយពួកគាត់អាចទៅប្រើប្រាស់សេវាផ្នែកថែទាំសុខភាពដោយឥតគិតថ្លៃនៅតាមមន្ទីរពេទ្យជាដៃគូរបស់ ប.ស.ស ចាប់ពីខែមិថុនា ឆ្នាំ ២០២៣ នេះ តទៅ។
គួរបញ្ជាក់ថា រហូតមកដល់បច្ចុប្បន្ន ប.ស.ស បានចុះបញ្ជីកម្មករនិយោជិតក្រៅប្រព័ន្ធចំនួន ៩៨ ៩១៩ នាក់ ក្នុងនោះមានអ្នកធាក់ស៊ីក្លូ អ្នករត់ម៉ូតូឌុប អ្នករត់កង់បី និងគោលដៅផ្សេងៗទៀត សរុបចំនួន ៤១ ២៨៤ នាក់ ផងដែរ៕
អត្ថបទ ៖ សំអឿន
-
ព័ត៌មានជាតិ១ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច១ សប្តាហ៍ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៤ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៦ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ១ សប្តាហ៍ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម៦ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១ សប្តាហ៍ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ១ សប្តាហ៍ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី