ព័ត៌មានជាតិ

ឯកឧត្ដម ហ៊ុន ម៉ានី ៖ «សូមពលរដ្ឋខ្មែរប្រុងប្រយ័ត្នចំពោះសកម្មភាពមួយចំនួន មានចេតនាមិនល្អ ញុះញង់ ក្នុងគោលបំណងបំផុសឲ្យគូសបំផ្លាញសន្លឹកឆ្នោត»

បានផុស

៣ years មុន

នៅ

ថ្ងៃសុក្រ ១៤ កក្កដា ២០២៣

ដោយ

ឯកឧត្ដម ហ៊ុន ម៉ានី តំណាងរាស្ត្រមណ្ឌលកំពង់ស្ពឺ បានអំពាវនាវឲ្យប្រជាពលរដ្ឋខ្មែរទាំងអស់ មានការប្រុងប្រយ័ត្នចំពោះសកម្មភាពមួយចំនួនដែលមានចេតនាមិនល្អ ក្នុងនោះរួមមាន អំពើបំភ្លៃព័ត៌មាន បន្លំដោយចេតនា ឬ អំពើញុះញង់ ក្នុងគោលបំណងបំផុសឲ្យគូសបំផ្លាញសន្លឹកឆ្នោត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអំពាវនាវនេះ បានលើកឡើងក្នុងពិធីសំណេះសំណាលជាមួយ សមាជិក សមាជិកា គណបក្សប្រជាជនកម្ពុជា នៅស្រុកថ្ពង ខេត្តកំពង់ស្ពឺ កាលពីថ្ងៃទី ១៣ ខែកក្កដា ឆ្នាំ ២០២៣។

ឯកឧត្ដម ហ៊ុន ម៉ានី តំណាងរាស្ត្រមណ្ឌលកំពង់ស្ពឺ បានសង្កត់ធ្ងន់ថា «ចាប់ពីថ្ងៃនេះ រហូតដល់ថ្ងៃបោះឆ្នោត សូមលោកតា លោកយាយ អ៊ំ ពូ មា មីង បងប្អូន មានការប្រុងប្រយ័ត្នចំពោះសកម្មភាពមួយចំនួនដែលមានចេតនាមិនល្អ ដែលរួមមាន អំពើបំភ្លៃព័ត៌មាន បន្លំដោយចេតនា ឬ អំពើញុះញង់ក្នុងគោលបំណងបំផុសឲ្យមានការគូសបំផ្លាញសន្លឹកឆ្នោត»។

ករណីមានសកម្មភាព ឬ ចេតនាមិនល្អបែបនេះកើតឡើង ឯកឧត្ដម ហ៊ុន ម៉ានី បានស្នើដល់ ប្រជាពលរដ្ឋ ជូនដំណឹងដល់ សមាជិក សមាជិកា ឬ គណៈកម្មាធិការគណបក្សប្រជាជនកម្ពុជាក្នុងមូលដ្ឋាន ដើម្បីធ្វើចំណាត់ការតាមផ្លូវច្បាប់ ជៀសវាងកុំឲ្យទង្វើអគតិទាំងនេះកើតមានជាបន្តទៀត៕

អត្ថបទ ៖ ពិសី