ព័ត៌មានជាតិ
អែម សុវណ្ណារី ទម្លាយគោលដៅឆ្នាំ២០២១កើតឡើងបណ្តើរៗហើយ
បន្ទាប់ពីមិនបានឡើងប្រកួតកាលពីឆ្នាំ២០២0 កីឡាការិនីខ្មែរ-អាមេរិក បានបង្ហាញគោលដៅសំខាន់របស់ខ្លួនប្រចាំឆ្នាំ២០២១។
សុវណ្ណារី ឲ្យដឹងថា គោលដៅសំខាន់ទាំងនោះបានកើតមានបណ្តើរៗហើយ ហើយរំពឹងថា នឹងកើតមានឲ្យសមតាមបំណងថែមទៀតម្រាប់រយៈពេលដែលនៅមាននៅច្រើនខែក្នុងឆ្នាំថ្មីនេះ។

«មែនទែនទៅ សម្រាប់អាជីពប្រដាល់របស់ខ្ញុំតាំងពីដើមមកគឺបានឡើងប្រកួតតែម្តងប៉ុណ្ណោះក្នុងមួយៗឆ្នាំ។ ខ្ញុំមិនចង់ប្រកួតតែម្តងក្នុងមួយឆ្នាំទេ គឺហោចណាស់ក៏ចាប់ពីពីរប្រកួតឡើងក្នុងមួយឆ្នាំ»។ កីឡាការិនីខ្មែរ-អាមេរិក សុវណ្ណារីបានប្រាប់ឲ្យដឹង។
«សម្រាប់ឆ្នាំ២០២១នេះ គោលបំណងរបស់ខ្ញុំគឺធ្វើយ៉ាងណាឲ្យរវល់ច្រើនជាងឆ្នាំមុនៗ ហើយយ៉ាងហោចណាស់ក៏បានឡើងប្រកួតពីរដង»។

ទើបតែចូលខែទី១នៃឆ្នាំ២០២១ប៉ុណ្ណោះ អែម សុវណ្ណារី ទទួលបានឱកាសឡើងប្រកួតដែលនេះជាគោលបំណងរបស់នាងបានកើតមានបណ្តើរៗហើយ។ នាងត្រូវតទល់ជាមួយនឹងកីឡាការិនីកូរ៉េខាងត្បូង Choi Jeong Yun នៅព្រឹត្តិការណ៍ប្រកួត ONE: UNBREAKABLE II នារាត្រីថ្ងៃសុក្រ ទី២៩ ខែមករា នៅកីឡដ្ឋាន Singapore Indoor Stadium ប្រទេសសិង្ហបុរី។
Choi Jeong Yun បានប្រកួតឈ្នះ២លើកជាប់គ្នានៅសង្វៀនក្នុងប្រទេសកំណើត។ លើកទី១ នាងបានផ្តួលមិត្តរួមជាតិ Jiyeon Lee ដោយកណ្តាប់ដៃក្នុងទឹកទី១ និងលើកទី១ និងលើកទី២បានប្រើក្បាច់ឃ្លេឲ្យមិត្តរួមជាតិ Young Joo Lee ឲ្យចុះចាញ់ក្នុងទឹកទី១។
ការប្រកួតនៅសង្វៀន ONE កីឡាការិនី Choi Jeong Yun បានចាញ់កីឡាការិនីប្រេស៊ីល Maira Mazar នៅព្រឹត្តិការណ៍ ONE: INSIDE THE MATRIX IV ក្នុងទឹកទី៣កាលពីថ្ងៃទី២០ ខែវិច្ឆិកា ឆ្នាំ២០២០។

អែម សុវណ្ណារី បានបង្ហើបឲ្យដឹងពីគោលដៅសំខាន់មួយទៀតក្នុងឆ្នាំថ្មីនេះថា ក្រៅពីអាជីពប្រដាល់គុនចម្រុះដែលកំពុងមានឈ្មោះប្រកួតនៅស្ថាប័នអន្តរជាតិ ONE Championship នាងសង្ឃឹមអភិវឌ្ឍជំនាញជឺជីតស៊ូកាន់តែល្អប្រសើរថែមទៀត។
នៅឆ្នាំ២០២១នេះ ខ្ញុំក៏ចង់សម្រេចបាននូវខ្សែក្រវាត់ជឺជីតស៊ូកម្រិតពណ៌ស្វាយ»។ នេះជាការបញ្ជាក់របស់ សុវណ្ណារី។
អែម សុវណ្ណារី មានឈាមជ័រជាខ្មែរដែលកើតនៅក្រុង ឡុងប៊ិច ស្ថិតនៅតំបន់ប្រជុំជន Los Angeles នៃរដ្ឋកាលីហ្វ័ញ្ញ៉ា សហរដ្ឋអាមេរិក៕


-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី