ព័ត៌មានជាតិ
ឯកឧត្ដម ហ៊ុន ម៉ានី ៖ មិនថា កម្ពុជា ឬ ប្រទេសណាក៏ដោយ បើចង់ឲ្យគេស្គាល់ ត្រូវធ្វើសកម្មភាពជាក់លាក់ ប្រឹងប្រែងឲ្យជោគជ័យ
ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានប្រតិភូកីឡាក្នុងព្រឹត្តិការណ៍អាស៊ានប៉ារ៉ាហ្គេម លើកទី ១២ លើកឡើងថា មិនថា កម្ពុជា ឬ ប្រទេសណាក៏ដោយ បើសិនចង់ឲ្យគេស្គាល់ ពិតណាស់ត្រូវធ្វើសកម្មភាពជាក់លាក់ ប្រឹងប្រែងឲ្យជោគជ័យ ទើបធ្វើឲ្យគេស្ញប់ស្ញែង និងកោតសរសើរ។
ការលើកឡើងនេះ ខណៈដែល ឯកឧត្ដម ហ៊ុន ម៉ានី បានអញ្ជើញចូលរួមក្នុងពិធីអាហារសាមគ្គីជាមួយអ្នកស្ម័គ្រចិត្តបង្គោលក្នុងព្រឹត្តិការណ៍ប្រកួតកីឡាស៊ីហ្គេម និងអាស៊ានប៉ារ៉ាហ្គេម ឆ្នាំ ២០២៣ កាលពីល្ងាចថ្ងៃទី ២៩ ខែកក្កដា ឆ្នាំ ២០២៣។
ឯកឧត្ដម ហ៊ុន ម៉ានី បានលើកឡើងថា «មិនថាប្រទេសកម្ពុជា ឬ ប្រទេសណាក៏ដោយ បើសិនចង់ឲ្យគេស្គាល់ ពិតណាស់ គឺត្រូវធ្វើសកម្មភាពជាក់លាក់ ហើយប្រឹងប្រែងឲ្យបានជោគជ័យ ទើបធ្វើឲ្យគេស្ញប់ស្ញែង និងកោតសរសើរបាន ដោយជាក់ស្ដែង ព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម បានធ្វើឲ្យគេស្គាល់កម្ពុជាបច្ចុប្បន្ន ហើយសក្ដានុពល និងមុខមាត់នេះ គឺបានឆ្លុះបញ្ចាំងពីសមត្ថភាពរបស់ប្រជាជនយើងយ៉ាងពិតប្រាកដ»។
ផ្សារភ្ជាប់ការលើកឡើងនេះ ឯកឧត្ដម ហ៊ុន ម៉ានី គូសបញ្ជាក់ថា ដើម្បីយល់ពីគុណតម្លៃ និងសារៈសំខាន់ នៃការរៀបចំព្រឹត្តិការណ៍ប្រវត្តិសាស្ត្រទាំងពីរនេះ ចំពោះព្រះរាជាណាចក្រកម្ពុជា គឺយើងត្រូវវិភាគ និងដកពិសោធ ទើបដឹងថា យើងពិតជាមានមោទនភាពប៉ុណ្ណា។
ឯកឧត្ដម ហ៊ុន ម៉ានី បន្ថែមថា «តាមរយៈការងារកន្លងទៅ ប្អូនៗ គឺបានហ្វឹកហាត់ និងលត់ដំសមត្ថភាពខ្លួនឯង និងទទួលបទពិសោធន៍ពីការងារដឹកនាំផងដែរ»។ ជាមួយនេះ ឯកឧត្ដម ក៏បានលើកទឹកចិត្តឲ្យយុវជនស្ម័គ្រចិត្តទាំងអស់ ខិតខំប្រឹងប្រែងចាប់យកក្ដីស្រមៃរៀងៗ ខ្លួន ដោយមានគោលដៅរួម ក្នុងការថែរក្សាសុខសន្តិភាព និងជឿជាក់លើសង្គមជាតិតែមួយ។
នាឱកាសនោះដែរ ឯកឧត្ដម ហ៊ុន ម៉ានី ក៏បានថ្លែងអំណរគុណ និងកោតសរសើរចំពោះយុវជនស្ម័គ្រចិត្តទាំងអស់ ដែលខិតខំប្រឹងប្រែង ដាក់ចិត្ត ដាក់បេះដូង ក្នុងការងារ និងជួយយកអាសាគ្នា ហើយទាំងនេះគឺពិតជាលើសពីការចាត់តាំង៕
អត្ថបទ ៖ ពិសី
កវីនិពន្ធ ងិន ម៉ានីយ៉ា ខកចិត្តនឹងអ្នកយកស្នាដៃខ្លួនទៅច្រៀងតែមិនដាក់ឈ្មោះអ្នកនិពន្ធ
Update៖ ករណីឆេះរោងចក្រផលិតចានជ័រនៅឃុំក្រាំងធ្នង់ ស្រុកបាទី នគរបាលប្រើប្រាស់ទឹក៦០ឡានដើម្បីអន្តរាគមន៍
រដ្ឋមន្ត្រីបរិស្ថាន ខកចិត្តរឿងមន្ទីរបរិស្ថានពោធិ៍សាត់មិនអនុវត្តច្បាប់លើអ្នកទន្រ្ទានដីខុសច្បាប់ បែជាឱ្យចុះកិច្ចសន្យាហើយដោះលែង
ធនធានរ៉ែខេត្តក្រចេះ មានក្រុមហ៊ុនចំនួន ៧២ កំពុងធ្វើអាជីវកម្ម រួមទាំងក្រុមហ៊ុនរ៉ែមាស ១ កន្លែង
ស្ថានទូតបារាំង រៀបចំពិព័រណ៍ និងបញ្ចាំងភាពយន្តដើម្បីប្រារព្ធខួប៥០ឆ្នាំនៃការដួលរលំទីក្រុងភ្នំពេញ
ក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ
Breaking News៖ អគ្គិភ័យកំពុងឆេះឃ្លាំងស្តុកម៉ាស៊ីនត្រជាក់នៅខណ្ឌច្បារអំពៅ
រុស្ស៊ីគំរាមម្តងទៀត! សង្គ្រាមលោកលើកទី៣ អាចផ្ទុះ បើណាតូ ហ៊ានបញ្ជូនទ័ពទៅ អ៊ុយក្រែន
បង្រ្កាបទីតាំងហាងយីហោ ត្នោត ផ្អែម ឃាត់ខ្លួនមនុស្សប្រុសស្រីច្រើននាក់ពាក់ព័ន្ធការបង្កប់សេវាកម្មផ្លូវភេទ
ហ្សេលេនស្គី ប្រញាប់ប្រញាល់ទៅអ៊ុយក្រែនវិញទាំងដែលទស្សនកិច្ចនៅអាហ្វ្រិកខាងត្បូងមិនទាន់ចប់
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានជាតិ១ ថ្ងៃ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម១ ថ្ងៃ agoនគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ៦ ថ្ងៃ agoត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក
-
ព័ត៌មានអន្ដរជាតិ៤ ម៉ោង agoក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ