ព័ត៌មានជាតិ

មន្ត្រី ក.ប.ប ចុះត្រួតពិនិត្យស្ថានីយ-ដេប៉ូប្រេងឥន្ធនៈ ៣៤ ទីតាំង រកឃើញ ១ ទីតាំង ពុំមានអនុលោមភាពផ្នែកបរិមាណ

បានផុស

៣ years មុន

នៅ

ថ្ងៃពុធ ៦ កញ្ញា ២០២៣

ដោយ

មន្ត្រី ក.ប.ប ចុះត្រួតពិនិត្យស្ថានីយ-ដេប៉ូប្រេងឥន្ធនៈ ៣៤ ទីតាំង ដែលស្ថិតក្នុងភូមិសាស្ត្រារាជធានីភ្នំពេញ និងខេត្តចំនួន ៧ រកឃើញ ១ ទីតាំង ពុំមានអនុលោមភាពផ្នែកបរិមាណ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ៤-៥ ខែកញ្ញា ឆ្នាំ ២០២៣ មន្ត្រី ក.ប.ប ស្ថិតក្នុងភូមិសាស្ត្រ ខេត្តកំពង់ឆ្នាំង កំពង់ចាម កំពត កំពង់ធំ សៀមរាប ស្វាយរៀង រតនគិរី និងរាជធានីភ្នំពេញ បានបន្តនាំយកឧបករណ៍ត្រួតពិនិត្យប្រេងឥន្ធនៈ (Pumpwatch) ចុះត្រួតពិនិត្យអនុលោមភាពតាមបណ្ដាស្ថានីយ-ដេប៉ូប្រេងឥន្ធនៈ ស្របតាមបញ្ញត្តិ នៃច្បាប់ ស្ដីពីកិច្ចការពារអ្នកប្រើប្រាស់បានសរុបចំនួន ៣៤ ស្ថានីយ-ដេប៉ូ។

ជាមួយគ្នានោះ បើតាមការបញ្ជាក់របស់មន្ត្រីជំនាញ បានឲ្យដឹងថា ចំណោមស្ថានីយ-ដេប៉ូទាំងនោះ មានដេប៉ូតែ ១ ទីតាំងប៉ុណ្ណោះ ត្រូវបានរកឃើញថា ពុំមានអនុលោមភាពផ្នែកបរិមាណ ដែលសកម្មភាពនេះ ល្មើសនឹងបញ្ញត្តិ នៃច្បាប់ និងត្រូវទទួលការពិន័យអន្តរការណ៍ពីមន្ត្រីជំនាញផងដែរ៕

អត្ថបទ ៖ ពិសី