ព័ត៌មានជាតិ

រដ្ឋមន្ត្រីក្រសួងកសិកម្មស្នើអូស្ត្រាលី ពិនិត្យសិក្សាផលិតពូជស្រូវចំប៉ីស ៧០ ដើម្បីធានាទីផ្សារដល់កសិករ

បានផុស

៣ years មុន

នៅ

ថ្ងៃព្រហស្បតិ៍ ៧ កញ្ញា ២០២៣

ដោយ

នៅក្នុងជំនួបជាមួយ ឯកអគ្គរាជទូតអូស្ត្រាលីប្រចាំនៅកម្ពុជា រដ្ឋមន្ត្រីក្រសួងកសិកម្ម លោក ឌិត ទីណា បានស្នើដល់ភាគីអូស្ត្រាលីពិនិត្យលទ្ធភាព សិក្សាអំពីខ្សែច្រវាក់ផលិតកម្មនៃពូជស្រូវចំប៉ីស ៧០ ដើម្បីធានាបានទីផ្សារជាក់លាក់មូយសម្រាប់កសិករ ដែលផលិតពូជស្រូវនេះនាពេលអនាគត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឌិត ទីណា បានលើកឡើងថា ពូជស្រូវចំប៉ីស ៧០ ជាសក្ខីភាពនៃកិច្ចសហប្រតិបត្តិការដ៏ប្រសើររវាងកម្ពុជា និងអូស្ត្រាលី នៅក្នុងវិស័យកសិកម្ម។

លោកបញ្ជាក់ថា នៅក្នុងអាណត្តិថ្មីនេះ រាជរដ្ឋាភិបាលកម្ពុជាបានដាក់ចេញគោលនយោបាយអាទិភាពបន្ទាន់ចំនួន ៦ ដែលក្នុងនោះក៏មានផងដែរគោលនយោបាយទាក់ទងនឹងវិស័យកសិកម្ម តាមរយៈការដាក់ពង្រាយមន្ដ្រីកសិកម្មនៅតាមឃុំ ដើម្បីជួយដល់កសិករនិងការពង្រឹងសហគមន៍កសិកម្ម។

ទាក់ទងទៅនឹងការអភិវឌ្ឍធនធានមនុស្ស លោករដ្ឋមន្ត្រីក៏បានលើកឡើងពីតម្រូវការចាំបាច់របស់និស្សិតដែលបានសិក្សាផ្នែកកសិកម្ម ដែលត្រូវការពង្រឹងសមត្ថភាពឲ្យកាន់តែប្រសើរក្នុងផ្នែកភាសានវានុវត្តន៍ និងបច្ចេកវិទ្យា។ ហើយលោកក៏ស្វាគមន៍ចំពោះការគាំទ្រពីសំណាក់ភាគីអូស្ត្រាលីក្នុងការផ្ដល់សាស្ត្រាចារ្យមកបង្រៀននិស្សិតក្នុងផ្នែកទាំងនេះ៕