ព័ត៌មានជាតិ
លោក តុប សុភ័ក៖ កំណើនទេសចរជួយសេដ្ឋកិច្ចបង្កើតការងារ និងប្រាក់ចំណូលដល់ពលរដ្ឋមូលដ្ឋាន
អ្នកនាំពាក្យក្រសួងទេសចរណ៍ លោក តុប សុភ័ក បានលើកឡើងថា ការកើនឡើងនៃចំនួនភ្ញៀវទេសចរចូលមកកម្សាន្តនៅកម្ពុជា បានរួមចំណែកជួយដល់សេដ្ឋកិច្ច បង្កើតឱកាសការងារ និងប្រាក់ចំណូលដល់ប្រជាពលរដ្ឋក្នុងមូលដ្ឋាន។
![](https://www.kampucheathmey.com/wp-content/uploads/2023/10/៣-16-1024x614.jpg)
លោកលើកឡើងបែបនេះប្រាប់កម្ពុជាថ្មី ក្រោយពីអាកាសយានដ្ឋានអន្តរជាតិសៀមរាបអង្គរ បានបើកដំណើរការជាផ្លូវការ កាលពីថ្ងៃទី ១៦ ខែ តុលា ឆ្នាំ ២០២៣។ លោក បានគូសបញ្ជាក់ដូច្នេះថា « អាកាសយានដ្ឋាននេះ បានរួមចំណែកយ៉ាងសំខាន់ក្នុងការទាក់ទាញទេសចរ បង្កើតឱកាសការងារ បានផលចំណេញទាំងសេដ្ឋកិច្ច ពាណិជ្ជកម្ម ជាពិសេសគោលដៅទេសចរណ៍ខេត្តសៀមរាប និងកម្ពុជាទាំងមូល»។
![](https://www.kampucheathmey.com/wp-content/uploads/2023/10/photo_2023-08-24_06-06-50.jpg)
លោក តុប សុភ័ក មើលឃើញថា អាកាសយានដ្ឋានអន្តរជាតិសៀមរាបអង្គរ គឺជាសមិទ្ធផលនៃហេដ្ឋារចនាសម្ព័ន្ធដ៏សំខាន់ នៅក្នុងការទ្រទ្រង់វិស័យទេសចរណ៍ និងអាចទាក់ទាញបាននូវការតភ្ជាប់ជើងហោះហើរពីតំបន់ផ្សេងៗជាច្រើនមកកាន់កម្ពុជា។
អាកាសយានដ្ឋានអន្តរជាតិសៀមរាបអង្គរ មានទំហំធំលើផ្ទៃដីជាង ៧០០ហិកតា ដោយក្នុងមួយឆ្នាំ អាចទទួលបានអ្នកដំណើរប្រមាណ ៧លាននាក់ និងទំនិញ ១ម៉ឺនតោន។ ក្នុងនោះ អាចទទួលភ្ញៀវក្នុងមួយម៉ោងបានប្រមាណ ២៥០០នាក់ និងជើងហោះហើរ ២៤ជើងក្នុងមួយម៉ោង។
![](https://www.kampucheathmey.com/wp-content/uploads/2023/10/393637883_658877746378122_5831529472622155210_n-1.jpg)
អ្នកនាំពាក្យក្រសួងទេសចរណ៍ បានសង្កត់ធ្ងន់ថា អាកាសយានដ្ឋាននេះ ពិតជាមានសក្តានុពលធំ ក្នុងការស្រូបទាញទេសចរ និងវិនិយោគិនចូលមកកម្ពុជា។
លោកស្រី ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា (CATA) បានលើកឡើងដែរថា អាកាសយានដ្ឋានអន្តរជាតិសៀមរាបអង្គរថ្មីនេះ នឹងជួយជំរុញកំណើនវិស័យទេសចរណ៍ តាមរយៈការហោះហើរត្រង់ពីប្រទេសផ្សេងៗចូលមកកម្ពុជា។ លើសពីនេះទៀត នឹងអាចទាក់ទាញវិនិយោគពីក្រៅប្រទេសចូលមកអភិវឌ្ឍនៅកម្ពុជាកាន់តែច្រើន ជំរុញការផលិត បង្កើតការងារក្នុងស្រុក ជួយលើកកម្ពស់សេដ្ឋកិច្ចគ្រួសារ និងសេដ្ឋកិច្ចជាតិផងដែរ៕
![](https://www.kampucheathmey.com/wp-content/uploads/2023/10/393618122_658877776378119_3302866659604780268_n-1.jpg)
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៤ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ៦ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព