Connect with us

ព័ត៌មានជាតិ

មន្ត្រីយោធាចិន៖ ការចូលរួមរបស់កងទ័ពកម្ពុជាក្នុងសមយុទ្ធនៅចិន បញ្ជាក់ពីការគាំទ្ររបស់កម្ពុជាដល់កងទ័ពចិន

បានផុស

នៅ

មេបញ្ជាការតំបន់ភូមិភាគខាងត្បូងនៃកងទ័ពរំដោះប្រជាជនចិន បានចាត់ទុកការចូលរួមរបស់កងយោធពលខេមរភូមិន្ទក្នុងសមយុទ្ធពហុសាសន៍ ដែលរៀបចំឡើងដោយប្រទេសចិន បានបញ្ជាក់ពីការគាំទ្ររបស់កម្ពុជាដល់កងទ័ពចិន។ ការលើកឡើងរបស់មន្ត្រីយោធាចិនបែបេនេះ នៅចំពោះមុខនាយឧត្តមសេនីយ៍ វង្ស ពិសេន ក្នុងឱកាសចូលរួមពិធីបទសមយុទ្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងឱកាសអញ្ជើញទស្សនកិច្ចនៅចិន ដើម្បីចូលរួមពិធីបិទសមយុទ្ធពហុសាសន៍ «សន្តិភាព មិត្តភាព ឆ្នាំ២០២៣» លោកនាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ ក៏បានចូលជួបសម្ដែងការគួរសមជាមួយលោកនាយឧត្តមសេនីយ៍ វ៉ាងស៊ីវពីន មេបញ្ជាការតំបន់ភូមិភាគខាងត្បូងនៃកងទ័ពរំដោះប្រជាជនចិន នារសៀលថ្ងៃទី២០ ខែវិច្ឆិកា ឆ្នាំ២០២៣។  

ក្នុងជំនួបនោះ នាយឧត្ដមសេនីយ៍ អគ្គមេបញ្ជាការនៃកងយោធពលខេមរភូមិន្ទ បានលើកឡើងពីគោលបំណងនៃដំណើរទស្សនកិច្ច ដើម្បីពង្រឹងពង្រីកទំនាក់ទំនងជាប្រពៃណី និងជាប្រវត្តិសាស្ត្រដ៏ល្អរវាងកងទ័ពនៃប្រទេសទាំងពីរ ក៏ដូចជាការលើកទឹកចិត្ត និងគាំទ្រដល់កិច្ចខិតខំប្រឹងប្រែងរបស់កងកម្លាំងនៃបណ្ដាប្រទេសទាំងអស់ដែលបានចូលរួមក្នុងសមយុទ្ធ ពហុសាសន៍នេះឱ្យទទួលបានជោគជ័យ និងរួមចំណែកក្នុងការនាំមកនូវសន្តិភាព ស្ថិរភាព និងវិបុលភាពក្នុងតំបន់។

ជាកិច្ចឆ្លើយតប លោកនាយឧត្តមសេនីយ៍ វ៉ាង ស៊ីវពីន មេបញ្ជាការតំបន់ភូមិភាគខាងត្បូងនៃកងទ័ពរំដោះប្រជាជនចិន បានថ្លែងអំណរគុណចំពោះកងយោធពលខេមរភូមិន្ទ ដែលបានបញ្ជូនកងកម្លាំងមកចូលរួមក្នុងសមយុទ្ធពហុសាសន៍ «សន្តិភាព មិត្តភាព ឆ្នាំ២០២៣»។ លោក ចាត់ទុកថា នេះ បានសបញ្ជាក់ពីការគាំទ្ររបស់កម្ពុជាដល់កងទ័ពរំដោះប្រជាជនចិន និងជាពិសេសតំបន់ភូមិភាគខាងត្បូង។ មន្ត្រីយោធាជាន់ខ្ពស់ចិនរូបនេះ បានបញ្ជាក់ថា កម្ពុជា-ចិន នឹងនៅតែបន្តកិច្ចសហប្រតិបត្តិការឱ្យកាន់តែរឹងមាំ និងស៊ីជម្រៅថែមទៀត៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម