ព័ត៌មានជាតិ

រដ្ឋមន្រ្តីក្រសួងរ៉ែ និងថាមពល ដាក់ផែនការបញ្ចប់ការនាំចូលឧបករណ៍ស៊ីភ្លើងច្រើននៅទីផ្សារកម្ពុជា

បានផុស

៣ years មុន

នៅ

ថ្ងៃអង្គារ ២១ វិច្ឆិកា ២០២៣

ដោយ

លោក កែវ រតនៈ បានបង្ហាញពីផែនការក្នុងការគ្រប់គ្រងការប្រើប្រាស់ថាមពលអគ្គិសនីដោយទប់ស្កាត់ការនាំចូលឧបករណ៍អគ្គិសនីដែលស៊ីភ្លើងច្រើនមកប្រទេសកម្ពុជា។ ការអះអាងបែបនេះក្នុងវេទិកាពិភាក្សាស្តីពី «គោលនយោបាយរ៉ែ និងថាមពលនៅកម្ពុជានៅព្រឹកនេះ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងសន្និសីទពិភាក្សាពិសេសដែលរៀបចំឡើងដោយក្លិបអ្នកកាសែតកម្ពុជា លោក កែវ រតនៈ រដ្ឋមន្រ្តីក្រសួងរ៉ែនិងថាមពលបានបញ្ជាក់ថា ការចាត់វិធានការទប់ស្កាត់ការនាំចូលឧបករណ៍ដែលស៊ីភ្លើងច្រើនដើម្បីរួមចំណែកគ្រប់គ្រងការប្រើប្រាស់ថាមពលឲ្យមានប្រសិទ្ធភាព។

លោកថា រដ្ឋាភិបាលបានដាក់ផែនការឆ្នាំ ២០២៣ ដល់ ២០៣០ កាត់បន្ថយការប្រើប្រាស់អគ្គិសនីប្រហែលឲ្យបាន ១៩ % ស្មើ ២ ០០០ មេហ្គាវ៉ាត់។ ការទប់ស្កាត់បានជោគជ័យអាចធ្វើឲ្យកម្ពុជាមិនបាច់បង្កើតរោងចក្រផលិតថាមពលថ្មី បន្ថែមចំនួន ២០០០ មេហ្គាវ៉ាត់ ដែលជាការរួមចំណែកដល់កិច្ចការពារបរិស្ថាន។

ក្រៅពីលើកពីគម្រោងការហាមឃាត់ការនាំចូលឧបករណ៍ដែលស៊ីភ្លើងច្រើន លោករដ្ឋមន្រ្តីក៏ចង់ឲ្យពលរដ្ឋប្រើប្រាស់ថាមពលដោយសន្សំសំចៃ ដើម្បីចូលរួមចំណែកសម្រេចបានគោលដៅការប្រើប្រាស់ថាមពលឲ្យមានប្រសិទ្ធភាព៕

Related Topics:លោក កែវ រតនៈ