ព័ត៌មានជាតិ
អភិបាលខេត្តស្វាយរៀង ដាក់ការណែនាំដល់អាជ្ញាធរពាក់ព័ន្ធក្នុងការបំពេញការងារបម្រើពលរដ្ឋ
ក្នុងកិច្ចប្រជុំបូកសរុបលទ្ធផលការងារប្រចាំខែរបស់រដ្ឋបាលខេត្តស្វាយរៀង លោក ប៉េង ពោធិ៍សា អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តស្វាយរៀង បានដាក់ចេញនូវគោលការណ៍ណែនាំសំខាន់ៗមួយចំនួនដល់អាជ្ញាធរពាក់ព័ន្ធគ្រប់ជាន់ថ្នាក់នៃរដ្ឋបាលខេត្ត ក្នុងការអនុវត្ត និងបំពេញការងារបម្រើពលរដ្ឋ។
ក្នុងកិច្ចប្រជុំ នៅថ្ងៃទី២១ ខែវិច្ឆិកា ឆ្នាំ២០២៣ លោក ប៉េង ពោធិ៍សា បានថ្លែងអំណរគុណចំពោះលោក-លោកស្រីជាថ្នាក់ដឹកនាំ កងកម្លាំងប្រដាប់អាវុធ មន្ត្រីរាជការក្នុងខេត្តស្វាយរៀងទាំងអស់ ដែលបានសហការអនុវត្តតួនាទីភារកិច្ចរបស់ខ្លួនក្នុងការរក្សាការពារសន្តិសុខ សុវត្ថិភាព សណ្ដាប់ធ្នាប់សាធារណៈក្នុងខេត្ត ជាពិសេសក្នុងឱកាសពិធីប្រណាំងទូក កាលពីថ្ងៃទី១៨-១៩ ខែវិច្ឆិកា ឆ្នាំ២០២៣ ថ្មីៗនេះ បានល្អប្រសើរ។ ព្រមជាមួយគ្នានេះ លោកអភិបាលខេត្ត ក៏បានកោតសរសើរដល់ថ្នាក់ដឹកនាំខេត្ត កងកម្លាំង និងមន្ត្រីរាជការទាំងអស់ ដែលបានចូលរួមសកម្មភាពនានាជាមួយរដ្ឋបាលខេត្ត ទាំងការងារសង្គម ការងារមនុស្សធម៌ និងការឧបត្ថម្ភគាំទ្រជួយដល់ប្រជាពលរដ្ឋ ដែលរងផលប៉ះពាល់ដោយកត្តាផ្សេងៗជាដើម។
ដើម្បីជំរុញឱ្យកាន់តែមានប្រសិទ្ធភាពថែមទៀតក្នុងការអនុវត្តការងារ ក៏ដូចជាការបំពេញការងារបម្រើប្រជាពលរដ្ឋនៅក្នុងខេត្ត លោកអភិបាលខេត្ត ក៏បានណែនាំដល់អាជ្ញាធរពាក់ព័ន្ធត្រូវបន្តយកចិត្តទុកដាក់ថែរក្សាសន្តិសុខ សណ្តាប់ធ្នាប់សង្គមនៅក្នុងខេត្តឱ្យបានល្អប្រសើរជូនប្រជាពលរដ្ឋ និងត្រូវបន្តពង្រឹងការអនុវត្តច្បាប់ចរាចរណ៍ផ្លូវគោក ការបង្ការ ទប់ស្កាត់ ការជួញដូរ និងប្រើប្រាស់គ្រឿងញៀនឱ្យមានប្រសិទ្ធភាព។
លោកអភិបាលខេត្ត ក៏បានណែនាំដល់មន្ទីរពាក់ព័ន្ធជុំវិញខេត្ត និងអាជ្ញាធរក្រុង-ស្រុក ត្រូវសហការគ្នាតាមដាន និងគាំទ្រដល់ការប្រមូលផលស្រូវរដូវវស្សារបស់ប្រជាពលរដ្ឋ ព្រមទាំងការពិនិត្យ តាមដាន ជំរុញ និងគាំទ្រដល់ការបង្កបង្កើនផល និងរកទីផ្សារក្នុងការប្រមូលទិញស្រូវពីប្រជាកសិករ ដោយក្នុងនោះត្រូវពិនិត្យតាមដានការដាំដុះឡើងវិញនូវករណីស្រូវប្រជាពលរដ្ឋរងគ្រោះដោយសារជំនន់ទឹកភ្លៀង រួមទាំងការផ្តល់គ្រាប់ពូជដល់ពួកគាត់ ជាដើម។
ជុំវិញការប្រមូលពន្ធ លោក ប៉េង ពោធិ៍សា បានជំរុញឱ្យមន្ទីរ-អង្គភាព កងកម្លាំងមានសមត្ថកិច្ចពាក់ព័ន្ធ និងអាជ្ញាធរក្រុង-ស្រុក ត្រូវសហការពង្រឹងការគ្រប់គ្រង និងការប្រមូលពន្ធដារ ពន្ធគយ និងពន្ធផ្សេងៗឱ្យបានត្រឹមត្រូវ និងគ្រប់តាមផែនការ ជាពិសេសចូលរួមផ្សព្វផ្សាយ និងជំរុញប្រជាពលរដ្ឋឱ្យអញ្ជើញទៅបង់ពន្ធលើមធ្យោបាយធ្វើដំណើរ និងបង់ពន្ធអចលនទ្រព្យឱ្យបានទាន់ពេលកំណត់។
ដោយឡែកលើវិស័យការងារ លោកអភិបាលខេត្តស្វាយរៀង បានណែនាំដល់មន្ទីរការងារ និងសមត្ថកិច្ចពាក់ព័ន្ធត្រូវបន្តតាមដាន និងអនុវត្តវិធានការច្បាប់លើជនទាំងឡាយណាដែលឆបោកលុយពីកម្មកររោងចក្រ ក្នុងលេសឱ្យចូលបម្រើការងារនៅតាមរោងចក្រសហគ្រាសណាមួយនៅក្នុងខេត្ត ផងដែរ៕
ដោយ៖ ភក្ដី
-
សេដ្ឋកិច្ច៧ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៦ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ២ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ