ព័ត៌មានជាតិ
ប្រអប់ទទួលពាក្យបណ្ដឹង ត្រូវបានដាក់នៅមុខនាយកដ្ឋានលិខិតឆ្លងដែន និងនាយកដ្ឋានអត្តសញ្ញាណប័ណ្ណ
ប្រអប់សំបុត្រសេវាអត្តសញ្ញាណកម្ម ត្រូវបានបើក និងដាក់ថ្មីនៅមុខក្លោងទ្វារចេញ-ចូលនៃនាយកដ្ឋានលិខិតឆ្លងដែន និងនាយកដ្ឋានអត្តសញ្ញាណប័ណ្ណសញ្ជាតិខ្មែរ ដើម្បីទទួលបាននូវមតិ យោបល់ ឬពាក្យបណ្តឹងផ្សេងៗពីប្រជាពលរដ្ឋ ដែលមកទទួលសេវា ហើយដោះស្រាយប្រកបដោយប្រសិទ្ធភាព។
ការចុះបើក និងដាក់ប្រអប់សំបុត្រទទួលមតិ យោបល់ និងពាក្យបណ្ដឹងពេលនេះ អនុវត្តតាមគោលការណ៍ណែនាំរបស់លោកឧត្តមសេនីយ៍ឯក បណ្ឌិត តុប នេត អគ្គនាយកនៃអគ្គនាយកដ្ឋានអត្តសញ្ញាណកម្ម សំដៅពង្រឹងការងារផ្តល់សេវា ក៏ដូចជាទទួលបាននូវមតិយោបល់ ឬពាក្យបណ្តឹងផ្សេងៗពីពលរដ្ឋដែលមកទទួលសេវា ដើម្បីយកមកដោះស្រាយប្រកបដោយប្រសិទ្ធភាព។
ដោយទទួលបានគោលការណ៍ណែនាំនេះ នៅថ្ងៃទី១ ខែធ្នូ ឆ្នាំ២០២៣ លោកឧត្តមសេនីយ៍ឯក សាយ ម៉េងឈាង អគ្គនាយករង និងជាប្រធានក្រុមប្រចាំការសេវាកម្មអត្តសញ្ញាណកម្ម និងប្រតិកម្មរហ័សនៃអគ្គនាយកដ្ឋានអត្តសញ្ញាណកម្ម បានដឹកនាំក្រុមការងារ សហការជាមួយនាយកដ្ឋានលិខិតឆ្លងដែន និងនាយកដ្ឋានអត្តសញ្ញាណប័ណ្ណសញ្ជាតិខ្មែរ ចុះ បើក និងប្តូរដាក់ប្រអប់សំបុត្រសេវាអត្តសញ្ញាណកម្ម ដើម្បីទទួលមតិ យោបល់ និងពាក្យបណ្តឹងផ្សេងៗ ដោយភ្ជាប់ជាមួយលេខទូរស័ព្ទប្រចាំការសម្រាប់ទំនាក់ទំនងនៅទីតាំងមុខក្លោងទ្វារចេញ-ចូលនៃនាយកដ្ឋានទាំងពីរ។
ប្រអប់សំបុត្រសេវាអត្តសញ្ញាណកម្មនេះ នឹងទទួលយកនូវរាល់មតិ យោបល់ ពាក្យបណ្តឹងទាំងអស់របស់ប្រជាពលរដ្ឋ ដើម្បីពិនិត្យដោះស្រាយ និងរាយការណ៍ជូនថ្នាក់ដឹកនាំបានជ្រាប ដែលយន្តការនេះ បន្ថែមពីលើយន្តការដែលកំពុងអនុវត្តជាប្រចាំថ្ងៃរបស់អគ្គនាយកដ្ឋានអត្តសញ្ញាណកម្ម ដែលមានមន្ត្រីប្រចាំការរង់ចាំទទួលដោះស្រាយ តាមរយៈ App កម្មវិធី GDI eservices លេខទូរស័ព្ទប្រចាំការ ១២៧១ / ០១៧ ៨៩៨ ៩១៥ ឬ ទំព័រហ្វេសប៊ុកផ្លូវការរបស់អគ្គនាយកដ្ឋានអត្តសញ្ញាណកម្ម៕
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា