Connect with us

ព័ត៌មានជាតិ

អាជ្ញាធរខេត្តកំពង់ធំ បើកទីលានកប់សំរាមថ្មី លើផ្ទៃដីជិត ២០ហិកតា

បានផុស

នៅ

នៅថ្ងៃទី០៦ ខែមករា ឆ្នាំ២០២៤ អាជ្ញាធរខេត្តកំពង់ធំ បើកទីលានកប់សំរាមថ្មី លើផ្ទៃដីជិត ២០ហិកតា ស្ថិតនៅភូមិរូង ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ។ ក្នុងឱកាសនោះដែរ​ លោក ជា វ៉ាន់ចាន់ អភិបាលរងខេត្តកំពង់ធំអំពាវនាវប្រជាពលរដ្ឋត្រូវចេះវេចខ្ចប់សំរាមឱ្យបានត្រឹមត្រូវដើម្បីងាយស្រួលជញ្ជូន។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្តថា នេះជាថ្ងៃដំបូងដែលទីលានទុកដាក់សំរាមបានដំណើការទទួលយកសំរាមពីក្រុមហ៊ុនប្រមូលសំរាមក្នុងក្រុងស្ទឹងសែន និងតាមទីផ្សារធំៗក្នុងខេត្ត ពេលដឹកជញ្ជូនសំរាមមកដល់ទីលាន ត្រូវថ្លឹងទម្ងន់ជាមុនសិនមុនយកសំរាមទៅចាក់ក្នុងអាងសំរាម ហើយពេលត្រឡប់ចេញពីអាងសំរាមវិញ ត្រូវតែលាងរថយឱ្យស្អាតសិន មុននឹងថ្លឹងសំបករថយន្តជាពិសេសនោះ គឺរថយន្តមិនមានក្លិនស្អុយពេលបើកបរតាមទីសាធារណៈ។

លោក ជា វ៉ាន់ចាន់ អំពាវនាវប្រជាពលរដ្ឋត្រូវតែចេះវេចខ្ចប់សំរាមដាក់ក្នុងបេ ឬថង់ឱ្យបានត្រឹមត្រូវ ងាយស្រួលឱ្យក្រុមហ៊ុនដឹកជញ្ជូនសំរាមប្រមូលបានស្អាត ដើម្បីឱ្យមានសោភ័ណភាព និងសូមឱ្យអាជ្ញាធរទាំងអស់ ជួយផ្សព្វផ្សាយបន្ថែមពីសុវត្ថិភាពការទុកដាក់សំរាម ឱ្យមានសណ្ដាប់ធ្នាប់ល្អ និងចេះដាក់ទៅតាមផ្នែកនីមួយៗនៃសំរាម កុំឱ្យឆ្លងជំងឺដល់បងប្អូនប្រជាពលរដ្ឋតាមរយៈសំរាម។

គួរបញ្ជាក់ថា ទីលានទុកដាក់សម្រាមនេះជាគម្រោងមួយក្នុង គម្រោងកែលម្អគ្រប់គ្រងបរិស្ថាន ក្រុងជុំវិញបឹង ទន្លេសាប ជំហានទី២ ប្រើប្រាស់ឥណទានពីធនាគារ ADB ក្នុងការស្ថាបនាជាមួយទំហំទឹកប្រាក់ ៤ ៦២៩ ៣៩៩ ដុល្លារអាមេរិក ចាប់ផ្តើមការសាងសង់នៅថ្ងៃទី០៧ កក្កដា ២០២១ និងបញ្ចប់ការសាងសង់នៅថ្ងៃទី២៨ ខែវិច្ឆិកា ២០២២ ដោយសាងសង់លើផ្ទៃដីទំហំ ១៤,៧៣ ហិកតា នៃផ្ទៃដី សរុប ១៩,៧៦ ហិកតា។ រណ្ដៅទុកដាក់សំរាមមាន ទទឹង ៨០ ម៉ែត្រ បណ្តោយ ១៧០ ម៉ែត្រ ជម្រៅ ០២ ម៉ែត្រ ដែលត្រូវជា ១,៣៦ ហិកតា។ តាមផែនការរណ្ដៅនេះ នឹងត្រូវបំពេញសំរាមរហូតដល់កម្ពស់ ១០ ម៉ែត្រ គិតពីមាត់រណ្ដៅ អាចផ្ទុកបរិមាណសំរាមបានប្រមាណ ៩៧ ៨៨៦ ម៉ែត្រគូប ហើយគ្រោងនឹងដាក់ឱ្យប្រើប្រាស់រយៈពេល ២០ ឆ្នាំ សម្រាប់ប្រជាជន ប្រមាណជា ៣៦ ៤៧៨ នាក់ នៅក្នុងជុំវិញទីរួមខេត្តកំពង់ធំ៕

អត្ថបទ​៖​ ឈាង​ មករា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៦ នាទី មុន

ភ្នាក់ងារ Zico នឹងចាត់វិធានការប្រឆាំងពាក្យចចាមអារ៉ាមពាក់ព័ន្ធការស្លាប់ Goo Hara

សន្តិសុខសង្គម១២ នាទី មុន

សមត្ថកិច្ចបន្តបង្កើនការល្បាតចុះតាមមូលដ្ឋានមានការប្រមូលផ្តុំ របស់ក្រុមក្មេងទំនើងពេលរាត្រី

សេដ្ឋកិច្ច១៦ នាទី មុន

សហជីព​ឥណ្ឌូណេស៊ី ព្រមាន​ពី​ការ​ដួល​រលំ​នៃ​វិស័យ​វាយនភ័ណ្ឌ ដោយ​សារ​ការ​បញ្ឈប់​កម្ម​ករ​ច្រើន​ និងការ​​បិទ​រោង​ចក្រ​

កីឡា៣០ នាទី មុន

ឈឿង ល្វៃ ប៉ះ​អូស្ត្រាលីធ្លាប់ប្រកួត​៨០ដង ខណៈ​បេក្ខភាព​ប៉ះ​ សុខ ធី សុទ្ធតែខ្លាំង

ព័ត៌មានជាតិ៣៦ នាទី មុន

​មន្រ្តីរដ្ឋាភិបាល ​ចុះ​ពិនិត្យទីតាំងដាំបង្គោលផ្លាក​ឈ្មោះ​ «មហាវិថី ស៊ី ជិនពីង» ត្រៀម​សម្ពោធ​អំឡុង​ខែក​ក្កដានេះ

Sokha Hotels

ព័ត៌មានពេញនិយម