ព័ត៌មានជាតិ

គម្រោងជួសជុលពង្រីកសារមន្ទីរជាតិ បារាំងនឹងបញ្ជូនអ្នកជំនាញពីប្រទេសបារាំងមកសិក្សាលម្អិតជាមួយភាគីកម្ពុជា

បានផុស

៣ years មុន

នៅ

ថ្ងៃព្រហស្បតិ៍ ១៨ មករា ២០២៤

ដោយ

សារមន្ទីរជាតិ ជាសារមន្ទីរធំជាងគេនៅក្នុងរាជធានីភ្នំពេញ និងត្រូវបានសាងសង់ឡើងតាំងពីសម័យអាណានិគមនិយម។ បើតាមការគូសបញ្ជាក់របស់ឯកអគ្គរដ្ឋទូតបារាំងប្រចាំកម្ពុជា បារាំងបានកំពុងសិក្សាលើគម្រោងពង្រីកបន្ថែមសារមន្ទីរជាតិជាមួយអ្នកជំនាញសារមន្ទីរនៅកម្ពុជា សំដៅធ្វើការពង្រីកសារមន្ទីរជាតិឲ្យកាន់តែធំទូលាយ និងកាន់តែមានភាពងាយស្រួលនៅក្នុងការរក្សាទុកដាក់វត្ថុបុរាណនានាកាន់តែល្អប្រសើរថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លើយតបសំណួររបស់ «កម្ពុជាថ្មី» ក្នុងសន្និសីទសារព័ត៌មានកាលពីពេលថ្មីៗនេះ ឯកអគ្គរដ្ឋទូតបារាំងប្រចាំនៅកម្ពុជា លោក ហ្សាក់ ប៉ឺឡេ បានមានប្រសាសន៍ថា ពាក់ព័ន្ធទៅនឹងគម្រោងការពង្រីកសារមន្ទីរជាតិ បច្ចុប្បន្ននេះភាគីបារាំងបាននឹងកំពុងបំពេញការងារជាមួយប្រទេសកម្ពុជាយ៉ាងយកចិត្តទុកដាក់ សំដៅធ្វើយ៉ាងណាបង្កើតទីតាំងកន្លែងណាស័ក្តិសមសម្រាប់ដាក់វត្ថុតាមប្រភេទនីមួយៗទៅតាមទីតាំងត្រឹមត្រូវ។

លោកបន្តថា ភាគីបារាំងក៏នឹងបញ្ជូនក្រុមការងារជំនាញនៃសារមន្ទីរជាតិនៃប្រទេសបារាំង មកបំពេញការងារជាមួយក្រុមការងារជំនាញនៃសារមន្ទីរជាតិនៅកម្ពុជា ដើម្បីសិក្សាពីគម្រោងនេះកាន់តែលម្អិតបន្ថែមទៀត។

លោក ហ្សាក់ ប៉ឺឡេ បន្តយ៉ាងដូច្នេះថា «ដូចដែលយើងបានជ្រាបហើយថា សារមន្ទីរជាតិត្រូវបានសាងសង់ឡើងដោយក្រុមការងារបារាំងតាំងពីសម័យអាណានិគមបារាំង ក្នុងការថែរក្សាទុករូបសំណាក និងភស្តុតាងប្រវត្តិសាស្ត្រកម្ពុជាជាច្រើនមុខ ដែលបានរក្សាទុកតាំងពីសម័យបុរេប្រវត្តិ សម័យអង្គរ និងសម័យក្រោយៗមកទៀតរហូតមកដល់បច្ចុប្បន្ន ក្នុងគោលបំណងឲ្យកូនខ្មែរ ភ្ញៀវទេសចរជាតិ-អន្តរជាតិ ក៏ដូចជាបញ្ញវន្តជំនាន់ក្រោយបានយល់ បានស្គាល់ និងសិក្សាស្វែងយល់បន្តទៀតអំពីវត្ថុនានាដែលបានបន្សល់ទុកតាំងពីសម័យបុរាណ»។

គួរជម្រាបថា សារមនី្ទរជាតិត្រូវបានកសាងឡើងនៅក្នុងឆ្នាំ ១៩១៧ នាសម័យអាណានិគមបារាំងមកលើកម្ពុជា (១៨៦៣-១៩៥៣) ដែលមានស្ថាបត្យករ ជនជាតិបារាំងឈ្មោះ ហ្ថក ហ្រ៉ូសលីយេ (George Groslier) និងត្រូវបានសម្ភោធនៅថៃ្ងទី១៣ ខែមេសា ឆ្នាំ១៨២០ ក្រោមព្រះរាជាធិបតីភាពរបស់ ព្រះករុណា ព្រះបាទស៊ីសុវត្ថិ ព្រះចៅក្រុងកម្ពុជា និង ចំពោះមុខលោក ហង់រី បូឌ្វាំង អ្នកប្រចាំការជាន់ខ្ពស់បារាំងនៅកម្ពុជា៕