ព័ត៌មានជាតិ
ស្ថាបនាផ្លូវបេតុងនិងកៅស៊ូប្រវែង ១៣ គីឡូម៉ែត្រ តភ្ជាប់ពីទីរួមស្រុកប្រាសាទបល្ល័ង្កទៅកាន់ស្រុកប្រាសាទសំបូរ
ក្រសួងអភិវឌ្ឍន៍ជនបទបានស្ថាបនាផ្លូវបេតុង និងផ្លូវកៅស៊ូ ប្រវែងជិត ១៣ គីឡូម៉ែត្រ តភ្ជាប់ពីទីរួមស្រុក ប្រាសាទបល្លួង្ក ទៅកាន់ស្រុកប្រាសាទសំបូរ។
នៅថ្ងៃទី១៩ ខែមករា ឆ្នាំ២០២៤ លោក តាន់ វាសនា ប្រធានមន្ទីរអភិវឌ្ឍន៍ជនបទស្តីទីដឹកនាំសហការី ចុះពិនិត្យមើលដំណើរការសាងសង់ផ្លូវបេតុងនិងផ្លូវកៅស៊ូរបស់ក្រសួងអភិវឌ្ឍន៍ជនបទ ប្រវែង ១៣ គីឡូម៉ែត្រ។
ក្នុងឱកាសនោះ លោកប្រធានមន្ទីរស្តីទីបញ្ជាក់ថា ក្រសួងអភិវឌ្ឍន៍ជនបទ ផ្តល់ជូនផ្លូវមួយប្រវែងសរុបជិត ១៣ គីឡូម៉ែត្រ ភ្ជាប់ពីទីរួមស្រុកប្រាសាទបល្ល័ង្កទៅកាន់ភូមិត្រពាំងថ្ម ភ្ជាប់ទៅនឹងស្រុកប្រាសាទសំបូរ។ ផ្លូវនេះមានប្រវែងសរុបជិត ១៣ គីឡូម៉ែត្រ ចែកចេញពីរ គឺផ្លូវបេតុងប្រវែង ១ ៥០០ ម៉ែត្រ ទទឹង ៦ ម៉ែត្រ និងផ្លូវក្រាលកៅស៊ូប្រវែងសរុបជិត ១១ គីឡូម៉ែត្រ។
លោកបន្តថា ផ្លូវនេះអាចចាត់ទុកជាផ្លូវមួយមានសារៈសំខាន់ ព្រោះវាមានការតភ្ជាប់ពីភូមិមួយទៅភូមិមួយ និងពីស្រុកមួយទៅស្រុកមួយទៀត ដើម្បីងាយស្រួលក្នុងការសម្រួលចរាចរណ៍ដល់ប្រជាពលរដ្ឋ ក៏ដូចជាការធ្វើឱ្យប្រសើរឡើងទាំងសណ្ដាប់ធ្នាប់ សន្តិសុខ និងសុវត្ថិភាពផងដែរ។
លោកណែនាំដល់មន្ត្រីជំនាញ អាជ្ញាធរពាក់ព័ន្ធ និងអ្នកទទួលសាងសង់ធ្វើយ៉ាងណាសហការគ្នាឱ្យបានល្អក្នុងដំណើរការសាងសង់ឲ្យស្របតាមបទដ្ឋានបច្ចេកទេសត្រឹមត្រូវ ដើម្បីទទួលបានស្តង់ដាខ្ពស់គុណភាព អនុវត្តន៍ឱ្យបានឆាប់ចប់ទៅតាមផែនការដែលបានគ្រោងទុក។
ជាមួយគ្នានេះដែរ លោក ជិន ហ៊ីន មេឃុំសាលាវិស័យ ស្រុកប្រាសាទបល្ល័ង្ក បានឱ្យដឹងថា ផ្លូវមួយខ្សែ ដែលកំពុងសាងសង់នេះ នឹងផ្តល់ភាពងាយស្រួលដល់បងប្អូនប្រជាពលរដ្ឋ ធ្វើចរាចរណ៍ប្រកបដោយសុវត្ថិភាព ដែលពីមុនជាផ្លូវក្រាលគ្រួសក្រហម ពេលដល់រដូវវស្សាពិបាកក្នុងការធ្វើដំណើរ ជាពិសេសសិស្សានុសិស្ស ប្រជាពលរដ្ឋពិបាកក្នុងការធ្វើដំណើរទៅមក និងក្នុងការដឹកជញ្ជូន កសិផលផ្សេងៗដើម្បីទៅលក់នៅទីផ្សារ។
លោកបន្តថា ក្រោយពីសាងសង់ផ្លូវនេះរួច ប្រជាពលរដ្ឋទាំងអស់នឹងងាយស្រួលធ្វើដំណើរទៅវិញទៅមក ជាពិសេសការដឹកជញ្ជូនកសិកផលរបស់ប្រជាពលរដ្ឋទៅកាន់ទីផ្សារ ព្រមទាំងជម្រុញដល់ការលើកម្ពស់ជីវភាពតាមរយៈការកាត់បន្ថយនូវពេលវេលា និងចំណាយ ដឹកជញ្ជូនផងដែរ៕
អត្ថបទ៖ ឈាង មករា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ