ព័ត៌មានជាតិ
គ្រូ៧ភាសា និងគ្រូបារមី៥នាក់ ចុះកិច្ចសន្យាឈប់បំពុលសង្គម
នាថ្ងៃទី៣០ ខែមករា នេះ នៅលើទំព័រហ្វេសប៊ុករបស់ក្រសួងធម្មការ និងសាសនា បានផ្សព្វផ្សាយពីកិច្ចសន្យារបស់គ្រូ៧ភាសា គ្រូបារមី គ្រូចូលរូប គ្រូបារមី អូមអាមចំនួន៦រូប ជាមួយមន្ទីរធម្មការ ស្ដីពីការឈប់ធ្វើសកម្មភាពនានា ដែលប៉ះពាល់តម្លៃព្រះពុទ្ធសាសនា ប៉ះពាល់ដល់សន្តិសុខ និងសណ្ដាប់ធ្នាប់សង្គម។
តាមការផ្សព្វផ្សាយដដែល គ្រូបារមី ទី១មានឈ្មោះ ឈ្មោះ វ៉ាត វុធ ដែលគេស្គាល់ថាជាគ្រូ៧ភាសា គ្រូបារមីទី២ ឈ្មោះញ៉ឹប សុភិន ដែលតាំងខ្លួនថាជាគ្រូប្រោះព្រំ បើកយីហោឈ្មោះបារមីលោកគ្រូឥណ្ឌាបារមី១២ភាសា និងទី៣គ្រូបារមីឈ្មោះ ស៊ីវ សុផល ជាគ្រូ ហុងស៊ុយ ឈ្មោះបារមីមុន្នីឥសីខ្លា រស់នៅក្នុងរាជធានីភ្នំពេញ បានធ្វើកិច្ចសន្យាជាមួយមន្ទីរធម្មការ និងសាសនារាជធានីភ្នំពេញ។
ចំណែកគ្រូបារមីដោះអំពើ អាប ធ្មប់ ឈ្មោះ គឹន បុត្តា រស់នៅក្នុងភូមិដង្កោរ ឃុំខ្វិតធំ ស្រុកព្រៃឈរ ខេត្តកំពង់ចាម បានធ្វើកិច្ចសន្យាជាមួយមន្ទីរធម្មការ និងសាសនា ខេត្តកំពង់ចាម។ រីឯគ្រូបារមី ឈ្មោះថាប៉ាន់ វណ្ណៈ រស់នៅស្រុកទឹកឈូរ ខេត្តកំពតបានធ្វើកិច្ចសន្យាជាមួយមន្ទីធម្មការ និងសាសនាខេត្តកំពត និងគ្រូបារមីភេទស្រីមានឈ្មោះថា សុខ នី ជាគ្រូទាយជោគវាសនា និងមើលជំងឺ ព្រមទាំងយកស្បង់ចីវរព្រះសង្ឈមកស្លៀកពាក់ បានធ្វើកិច្ចសន្យាជាមួយមន្ទីរធម្មការ និងសាសនាខេត្តក្រចេះ។
ក្នុងកិច្ចសន្យាជាមួយមន្ទីរធម្មការ គ្រូបារមីទាំងនោះ បានសន្យាស្រដៀងគ្នាថា ឈប់ធ្វើសកម្មភាពដែលប៉ះពាល់ដល់សន្តិសុខ សណ្ដាប់ធ្នាប់សង្គម មិនថតបង្ហោះសកម្មភាពដែលអួតអាងផ្ទុយពីការពិតតាមបណ្ដាញសង្គម ឈប់ផ្ដល់បទសម្ភាសន៍ជាមួយសារព័ត៌មានឬអ្នកលេងបណ្ដាញសង្គម ឈប់យកស្បង់ចីវរព្រះសង្ឈមកស្លៀកពាក់ និងឈប់ធ្វើសកម្មភាពមិនសមរម្យដែលប៉ះពាល់ដល់សេចក្ដីថ្លៃថ្នូររបស់ព្រះពុទ្ធសាសនា។ ក្នុងករណីមិនគោរពតាមកិច្ចសន្យា នឹងត្រូវទទួលទោសចំពោះមុខច្បាប់ជាធរមាន៕
ដោយ៖ ង៉ិល ណារ៉ាត់
-
ព័ត៌មានជាតិ១៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)