Connect with us

ព័ត៌មានជាតិ

មន្ត្រីជំនាញ ចុះបាញ់ថ្នាំសម្លាប់មេរោគផ្ដាសាយបក្សី ដើម្បីធានាសុវត្ថិភាពជូនពលរដ្ឋក្នុងខេត្តត្បូងឃ្មុំ

បានផុស

នៅ

ដើម្បីធានាបាននូវសុខភាពសត្វមាន់ទាមិនមានមេរោគផ្ដាសាយបក្សី ជូនដល់ប្រជាពលរដ្ឋ ដែលជាអ្នកចិញ្ចឹមមាន់ទា មន្ត្រីជំនាញផ្នែកបសុព្យាបាលខេត្តត្បូងឃ្មុំ បានចុះពន្យល់ណែនាំប្រជាពលរដ្ឋ និងធ្វើជីវៈសុវត្ថិភាព បាញ់ថ្នាំសម្លាប់មេរោគផ្ដាសាយបក្សី នៅតាមកសិដ្ឋាន ទ្រុងមាន់ ទ្រុងទា របស់ប្រជាពលរដ្ឋ ស្ថិតក្នុងភូមិសាស្ត្រ ស្រុកអូររាំងឪ ស្រុកត្បួងឃ្មុំ ខេត្តត្បូងឃ្មុំ នៅព្រឹកថ្ងៃទី១៣ ខែកុម្ភ: ឆ្នាំ ២០២៤ នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កែន ច័ន្ទសុជាតិ អនុប្រធានការិយាល័យផលិតកម្ម និងបសុព្យាបាល ខេត្តត្បូងឃ្មុំ បានឱ្យដឹងថា ដោយមានការព្រួយបារម្ភ និងចង្អុលបង្ហាញពីលោក ជាម ចន្ទ័សោភ័ណ្ណ អភិបាលនៃគណៈអភិបាលខេត្តត្បូងឃ្មុំ និងលោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត លោកអនុប្រធានបានដឹកនាំមន្ត្រីជំនាញ ផ្នែកបសុព្យាបាល ចុះពន្យល់ប្រជាពលរដ្ឋ និងធ្វើជីវៈសុវត្ថិភាព បាញ់ថ្នាំសម្លាប់មេរោគផ្ដាសាយបក្សី នៅតាមកសិដ្ឋាន ទ្រុងមាន់ ទ្រុងទា របស់ប្រជាពលរដ្ឋ នៅក្នុងឃុំព្រះធាតុ ស្រុកអូររាំងឪ និងឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ ក្នុងគោលបំណង ដើម្បីធានាសុខភាពសុវត្តិភាព ជូនបងប្អូនប្រជាពលរដ្ឋ ក្នុងមូលដ្ឋានខេត្តត្បូងឃ្មុំ ។

លោក កែន ច័ន្ទសុជាតិ បន្តថា មិនត្រឹមតែដល់រដូវកាលបុណ្យទានធំៗ មន្ត្រីយើងតែងតែអនុវត្តន៍បែបនេះជាប្រចាំដើម្បីធានាសុខភាពសាធារណៈជូនបងប្អូនប្រជាពលរដ្ឋ ក្នុងការធានាអនាម័យឱ្យមានសុខភាពល្អ ទាំងសត្វ និងមនុស្ស ។ ថ្ងៃនេះមន្ត្រីជំនាញបាន ចុះផ្សព្វផ្សាយវិធានការទប់ស្កាត់ជំងឺផ្ដាសាយបក្សី និងធ្វើជីវសុវត្ថិភាពបាញ់ថ្នាំសម្លាប់មេរោគតាមទ្រុងមាន់ទ្រង់ទារបស់បងប្អូនកសិករ ស្ថិតនៅឃុំព្រះធាតុ ស្រុកអូររាំងឪ ខេត្តត្បូងឃ្មុំ ចំនួន៤ភូមិ គឺភូមិដែលជាប់ព្រំប្រទល់ ស្រុកកោះសូទិន ខេត្តកំពង់ចាម គឺ ១.ភូមិទួលឃ្លាំង ២. ភូមិបឹងកាង ៣. ភូមិទួលព្នៅ ៤. ភូមិត្រពាំងគង ៕

អត្ថបទ ៖ សាន វិឡែម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម