Connect with us

ព័ត៌មានជាតិ

បង្ក្រាប​ផ្ទះស្តុកថ្នាំពេទ្យ​មួយកន្លែងសង្ស័យ​គ្មាន​ច្បាប់​ពី​ក្រសួងសុខាភិបាល​

បានផុស

នៅ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្លាំង​អគ្គនាយកដ្ឋាន​ការពារ​អ្នកប្រើប្រាស់ កិច្ចការប្រកួត​ប្រជែង និងបង្ក្រាបក្លែងបន្លំ (ក ប ប ) នៃ​ស្នងការដ្ឋាននគរបាលរាជធានីភ្នមពេញ សហការ​ជាមួយ​អាជ្ញាធរ​មូលដ្ឋាន​ខណ្ឌទួលគោក ​ចុះ​បង្ក្រាប​ទីតាំង​ផ្ទះ ស្តុក​ថ្នាំពេទ្យ មួយកនន្លែងតាម​បណ្ដោយ​ផ្លូវ​លេខ​៦៥៦ ក្នុងសង្កាត់​ទឹកល្អក់​ទី​៣ ខណ្ឌ​ទួល​គោក សង្ស័យ​គ្មាន​លិខិតអនុញ្ញាត​ពី​ក្រសួងសុខាភិបាល ដែល​អាចធ្វើឲ្យ​ប៉ះពាល់​ដល់​សុខ​ភាព​ប្រ​ជា​ពលរដ្ឋ ។​

ប្រតិបត្តិការ​នេះ ធ្វើឡើង​នៅ​រសៀល​ថ្ងៃទី​១៥ ខែកុម្ភៈ ឆ្នាំ​២០២១ ដោយមាន​ការចង្អុលបង្ហាញ​ពី​ឯក​ឧត្តម ឧត្ត​ម​សេនីយ៍​ឯក ស ថេត អគ្គ​ស្នងការរង និង​ជា​ស្នងការ​នគរបាល​រាជធានី​ភ្នំពេញ លោក​ឧត្តម​សេនីយ៍​ទោ ពិត បញ្ញា និង​លោក​ឧ​ត្ត​ម​សេនីយ៍​ត្រី ម៉ៅ រង្សី ស្នងការរង​ទទួល​ផែន​នគរបាល​ប្រ​ឆាំង​បទល្មើស​សេដ្ឋកិច្ច និងមាន​ការសម្របសម្រួល​ពី​លោក សាយ ណូ​រ៉ា ព្រះរាជអាជ្ញារង​អម​សា​លា​ដំបូង​រាជធានី​ភ្នំពេញ បាន​ចុះចូល​រួមសហការ​ជាមួយ​អគ្គនាយកដ្ឋាន​ការពារ​អ្នកប្រើប្រាស់ កិច្ចការ​ប្រកួតប្រជែង និង​បង្ក្រាប​ការ​ក្លែងបន្លំ (​ក​.​ប​.​ប​.) ដឹកនាំ​ដោយ​លោក ហេង ម៉ាលី ប្រធាន​សាខា​ការពារ​អ្នកប្រើប្រាស់ កិច្ចការ​ប្រកួតប្រជែង និង​បង្ក្រាប​ការ​ក្លែងបន្លំ (​ក​.​ប​.​ប​.) រាជធានី​ភ្នំពេញ ព្រមទាំង​មានការ​ចូលរួម​ពី​មន្ត្រី​សុខាភិបាល​រដ្ឋបាល​រាជធានី​ភ្នំពេញ ដឹកនាំ​ដោយ លោក សួង រិ​ទ្ធ អនុប្រធាន​ការិយាល័យ​និយ័តកម្ម​សុខាភិបាល នៃ​មន្ទីរ​សុខាភិបាល​រដ្ឋបាល​រាជធានី​ភ្នំពេញ បាន​ចុះបង្ក្រាប​ទីតាំង​ផ្ទះ​ស្តុក​ថ្នាំពេទ្យ​សង្ស័យ​គ្មាន​លិខិតអនុញ្ញាត​ពី​ក្រសួងសុខាភិបាល ដែល​អាចធ្វើ​ឲ្យ​បះ​ពាល់​ដល់​សុខភាព​ប្រជាពលរដ្ឋ ។​

​ក្រោយ​បញ្ចប់​ប្រតិបត្តិការ កម្លាំង​ជំនាញ​បាន​នាំខ្លួន​បុរស​ម្ចាស់​ទីតាំង ២​នាក់​ដើម្បី​យកទៅ​បំភ្លឺ នៅ​ការិយាល័យ ប្រឆាំង​បទល្មើស​សេដ្ឋកិច្ច នៃ​ស្នងការដ្ឋាន​នគរបាល​រាជធានី​ភ្នំពេញ និង​ដកហូត​សម្ភារ ពាក់ព័ន្ធ​មួយចំនួន ៕

អត្ថបទ ៖ សុខុម​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម