ព័ត៌មានជាតិ
អគ្គមេបញ្ជាការ៖ កំណែទម្រង់ នឹងធ្វើឱ្យកម្លាំងការពារជាតិកាន់តែទំនើប ឆ្លើយតបបានគ្រប់ស្ថានការណ៍
នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ បានថ្លែងថា ការធ្វើកំណែទម្រង់ នឹងធ្វើឱ្យ កងកម្លាំងសម្រាប់ការពារជាតិកាន់តែទំនើប រៀបរយ វិជ្ជាជីវ: និងប្រសិទ្ធភាព ដែលនឹងឆ្លើយតបគ្រប់ស្ថានការណ៍ទាំងអស់ក្នុងបរិបទនៃការអភិវឌ្ឍបច្ចេកវិទ្យា និងស្ថានការណ៍វិវត្តរបស់ពិភពលោក។
ថ្លែងក្នុងពិធីបិទសិក្ខាសាលាបូកសរុបលទ្ធផលការងារយោធាសន្តិសុខ ឆ្នាំ២០២៣ និងលើកទិសដៅអនុវត្តការងារ ឆ្នាំ ២០២៤ របស់កងទ័ពជើងគោក នារសៀលថ្ងៃទី១៥ ខែកុម្ភៈ ឆ្នាំ២០២៤ លោកនាយឧត្តមសេនីយ៍ វង្ស ពិសេន បានលើកឡើងថា ពិភពលោកបច្ចុប្បន្នកំពុងធ្វើកំណែទម្រង់កងទ័ព និងទំនើបកម្មសម្ភារៈសឹកយ៉ាងសកម្មបំផុត ក្នុងគោលដៅការពារប្រទេសជាតិរៀងៗខ្លួន។ ដូច្នេះហើយ មិនមានច្បាប់ណាមកកំណត់ហាមឃាត់ការធ្វើទំនើបកម្មការពារជាតិរបស់ប្រទេសអធិបតេយ្យនោះទេ។
នាយឧត្តមសេនីយ៍ អគ្គមេបញ្ជាការ បានបញ្ជាក់ថា សម្រាប់កម្ពុជាដែលជារដ្ឋអធិបតេយ្យ ជាសមាជិកអង្គសហប្រជាជាតិ បានចូលរួមគ្រប់រចនាសម្ព័ន្ធពិភពលោក និងតំបន់ ស្មើសិទ្ធិស្មើភាពដូចរដ្ឋអធិបតេយ្យដទៃទៀតដែរ កម្ពុជាមានសិទ្ធិស្របច្បាប់ក្នុងការឆ្វើកំណែទម្រង់កងទ័ពជាតិ និងទំនើបកម្មសម្ភារៈសឹក ដើម្បីពង្រឹង និងពង្រីកសមត្ថភាពឱ្យកាន់តែប្រសើរ។ បើតាមលោកនាយឧត្តមសេនីយ៍ ក្រោមការដឹកនាំរបស់រាជរដ្ឋាភិបាល ការធ្វើកំណែទម្រង់ គឺជាជម្រើសតែមួយគត់សម្រាប់កងយោធពលខេមរភូមិន្ទ ដោយឈរលើស្មារតីជាតិនិយម ដើម្បីបម្រើដល់គោលនយោបាយការពារជាតិរបស់រាជរដ្ឋាភិបាលកម្ពុជា និងធ្វើឱ្យប្រទេសជាតិមានសុខសន្តិភាពស្ថិតស្ថេរយូរអង្វែងទៅថ្ងៃអនាគត។
«កងយោធពលខេមរភូមិន្ទ ចាំបាច់ត្រូវធ្វើទំនើបកម្ម ជាអាទិភាពដល់ប្រភេទទ័ពនិងទ័ពជំនាញ ឈរលើទស្សនៈវិស័យ មនុស្សមុន អាវុធយុទ្ធភណ្ឌតាមក្រោយ ដោយដើរទន្ទឹមនឹងការវិនិយោគលើប្រភពធានាអាវុធយុទ្ធភណ្ឌ គ្រឿងបំពាក់ទំនើបសម្រាប់បម្រើឱ្យការប្រយុទ្ធ រួមនឹងការកសាងគោលជំហរដល់ជួរកងទ័ព »។ នេះជាការបញ្ជាក់បន្ថែមរបស់នាយឧត្តមសេនីយ៍ វង្ស ពិសេន៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ