ព័ត៌មានជាតិ

ទីតាំងកម្សាន្តជាច្រើនកន្លែង ត្រូវអាជ្ញាធរខណ្ឌច្បារអំពៅ ចុះផ្អាកបណ្ដោះអាសន្ន បន្ទាប់ពីផ្ទុះជំងឺកូវីដ១៩ថ្មីៗនេះ

បានផុស

៥ years មុន

នៅ

ថ្ងៃសៅរ៍ ២០ កុម្ភៈ ២០២១

ដោយ

នៅថ្ងៃទី២០ ខែកុម្ភៈនេះ លោក ចេង មុនីរ៉ា អភិបាលខណ្ឌច្បារអំពៅបានចាត់ឲ្យ លោក លោកស្រីអភិបាលរងខណ្ឌដឹកនាំកម្លាំងចម្រុះចុះផ្អាកអាជីវកម្មខារ៉ាអូខេ និងក្លឹបកម្សាន្តក្នុងមូលដ្ឋានខណ្ឌច្បារអំពៅជាបណ្ដោះអាសន្នរង់ចាំមានបទបញ្ជាថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពព័ត៌មានពីលោក ហ៊ត គឹមនី អភិបាលរងខណ្ឌច្បារអំពៅបានឲ្យដឹងថា យោងតាមបញ្ជរពីលោក ចេង មុនីរ៉ា អភិបាលខណ្ឌច្បារអំពៅបានអនុញ្ញាតឲ្យរូបលោក និងលោក លោកស្រីអភិបាលរងខណ្ឌដឹកនាំកម្លាំងចម្រុះចុះទៅតាមទីបើកអាជីវកម្ម ខារ៉ាអូខេនិងក្លឹបកម្សាន្តក្នុងមូលដ្ឋានខណ្ឌច្បារអំពៅតាមបទបញ្ជាពីលោក ឃួង ស្រេង អភិបាលរាជធានីភ្នំពេញ ស្របតាមលិខិតលេខ២២៣ សខល ចុះថ្ងៃទី៨ ខែវិច្ឆិកា ឆ្នាំ២០២០ របស់ក្រសួងសុខាភិបាល ខណៈដែលមានការផ្ទុះជំងឺកូវីដ១៩ កាលពីយប់រំលងថ្ងៃទី១៩ ខែកុម្ភៈ រហូតដល់មានអ្នកផ្ទុករហូតដល់៣២នាក់។

លោកអភិបាលរងខណ្ឌ បានបញ្ជាក់ថា ខណៈដែលកម្លាំងចម្រុះចុះមកណែនាំដល់ម្ចាស់ទីតាំងឲ្យផ្អាកអាជីវកម្មជាបណ្ដោះអាសន្នមក គឺបងប្អូនលោកបានស្ម័គ្រចិត្តចូលរួមផ្អាកតាមការណែនាំរបស់អាជ្ញាធរ ដោយពុំមានការតវ៉ាឡើយព្រោះម្ចាស់អាជីវកម្ម ក៏មានការភ័យខ្លាចផងដែរ។