ព័ត៌មានជាតិ
តំបន់ប្រតិបត្តិការសឹករងខេត្តកំពត បើកវគ្គហ្វឹកហ្វឺនពង្រឹងសមត្ថភាពកងទ័ពឱ្យកាន់តែរឹងមាំ
នាថ្ងៃទី៥ ខែមេសា ឆ្នាំ២០២៤ តំបន់ប្រតិបត្តិការសឹករងខេត្តកំពត បានបិទវគ្គហ្វឹកហ្វឺនបំប៉នជំនាញផែនទី Avenza Map GPS និងវិទ្យុទាក់ទងដល់នាយទាហាន នាយទាហានរង ពលទាហាន ចំណុះតំបន់ប្រតិបត្តិការសឹករងកំពត ឆ្នាំ២០២៤ ក្រោមវត្តមានឧត្ដសេនីយ៍ត្រី ហុក ចន្ថា មេបញ្ជាការតំបន់ប្រតិបត្តិការសឹករងកំពត។
ថ្លែងក្នុងពិធីបិទវគ្គ និងសំណេះសំណាលជាមួយសិក្ខាកាមក្នុងឱកាសនោះ ឧត្តមសេនីយ៍ត្រី ហុក ចន្តា មេបញ្ជាការតំបន់ប្រតិបត្តិការសឹករងកំពត បានវាយតម្លៃខ្ពស់ដល់សិក្ខាកាមទាំងអស់ដែលយកចិត្តទុកដាក់ខិតខំរៀនសូត្រ គោរពវិន័យ ក្នុងវគ្គហ្វឹកហ្វឹននេះបានមឺងម៉ាត់។
លោកមេបញ្ជាការ ក៏បានបន្តដាស់តឿនដល់នាយទាហាន នាយទាហានរង និងពលទាហាន ពិសេសមេបញ្ជាការវរសេនាតូចទាំង២ មេបញ្ជាការផ្នែកសឹករង ទាំង៩ ក្រុង/ស្រុក ត្រូវប្រឹងប្រែងយកចិត្តទុកដាក់ពង្រឹងពង្រីកចំណេះដឹងបន្ថែមលើសមត្ថភាពដឹកនាំ អង្គភាព ឱ្យកាន់តែរីកចម្រើន អភិវឌ្ឍន៍ ស្របទៅតាមកំណែទម្រង់សមត្ថភាពនៃកងយោធពលខេមរភូមិន្ទ នាសម័យជីឌីថល។
ជាមួយគ្នានេះ លោកមេបញ្ជាការ បានជំរុញឱ្យបន្តខិតខំកសាងពង្រឹងអង្គភាពរឹងមាំលើគ្រប់វិស័យ គឺដើម្បីធានាបាននូវការរស់នៅរបស់កងទ័ពឱ្យមានសមត្ថភាពល្អប្រសើរថែមទៀត ក្នុងបូរណ:ភាពទឹកដី ជាតិ សាសនា ព្រះមហាក្សត្រ ការពាររាជរដ្ឋាភិបាលស្របច្បាប់ និងសុខសន្តិភាពជូនប្រជាជន។
លោកមេបញ្ជាការ ថែមទាំងបានរំឮកដល់យោធិនគ្រប់រូប ត្រូវចូលរួមគោរពច្បាប់ចរាចរណ៍ និងគាំទ្រយ៉ាងពេញទំហឹងនូវបញ្ហារបស់រាជរដ្ឋាភិបាល ដែលមានសម្តេចធិបតី ហ៊ុន ម៉ាណែត ជានាយករដ្ឋមន្រ្តីនៃកម្ពុជា ស្ដីពីការដាក់ចេញវិធានការម៉ឺងម៉ាត់ក្នុងការប្រយុទ្ធប្រឆាំងគ្រឿងញៀនខុសច្បាប់ នៅតាមក្រសួង ស្ថាប័ន និងរដ្ឋបាលថ្នាក់ក្រោមជាតិ៕
-
ព័ត៌មានអន្ដរជាតិ៦ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៥ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានជាតិ៦ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
KPT+៥ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានអន្ដរជាតិ៤ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ៤ ថ្ងៃ ago
តំបន់មួយរបស់កាណាដា ប្រកាសអាសន្ន មុនបាតុភូតសូរ្យគ្រាស មហាកម្រ
-
ព័ត៌មានជាតិ១ ថ្ងៃ ago
សម្ពាធទាបគ្របដណ្ដប់មកលើ ឈូងសមុទ្រកម្ពុជា នឹងធ្វើឱ្យមានភ្លៀងធ្លាក់ និងផ្គរ រន្ទះ
-
ជីវិតកម្សាន្ដ២ ថ្ងៃ ago
កូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ