ព័ត៌មានជាតិ
ក្រុមហ៊ុនអាកាសចរណ៍ចំនួន ១១ ភ្ជាប់ជើងហោះហើរមកអាកាសយានដ្ឋានខេត្តសៀមរាប
បើតាមប្រភពពីមន្រ្តីបម្រើការងារនៅអាកាសយានដ្ឋានសៀមរាបអង្គរបានឲ្យដឹងថា មានក្រុមហ៊ុនអាកាសចរណ៍ចំនួន ១១ បានភ្ជាប់ការហោះហើរមកអាកាសយានដ្ឋានសៀមរាបអង្គរថ្មី ចាប់តាំងពីបើកឲ្យដំណើរការក្នុងអំឡុងខែតុលាឆ្នាំ ២០២៣។
លោក យឹម សានីរាន មន្រ្តីសម្របសម្រួលនៅអាកាសយានដ្ឋានសៀមរាបអង្គរបានឲ្យកម្ពុជាថ្មីដឹងថា ក្រុមហ៊ុនអាកាសចរណ៍ទាំង ១១ ដែលមានជើងហោះហើរមកអាកាសយានដ្ឋានសៀមរាបអង្គរមាន ក្រុមហ៊ុន China Eastern Airlines (MU) ក្រុមហ៊ុន Cambodia Angkor Air (K6) ក្រុមហ៊ុន Vietnam Airlines (VN) ក្រុមហ៊ុន Singapore Airlines (SQ) ក្រុមហ៊ុន Malaysia AirAsia (AK) ក្រុមហ៊ុន Thai AirAsia (FD) ក្រុមហ៊ុន Thai Airways (TG) ក្រុមហ៊ុន Bangkok Airways (PG) ក្រុមហ៊ុន Lao Airlines (QV) ក្រុមហ៊ុន Vietjet Air (VJ) ក្រុមហ៊ុន Sky Angkor Airlines (ZA)។
ជាមួយគ្នានេះ មានទីក្រុងចំនួន ១៥ ដែលបានតភ្ជាប់ជើងហោះហើរមកអាកាសយានដ្ឋានសៀមរាបអង្គរមាន ទីក្រុងគុនមីង (ប្រទេសចិន) ទីក្រុងភ្នំពេញ និងក្រុងព្រះសីហនុ (ប្រទេសកម្ពុជា) ទីក្រុងប៉ាក់សេ និងហ្លួងព្រះបាង (ប្រទេសឡាវ) ទីក្រុងកូឡាឡាំពួរ (ប្រទេសម៉ាឡេស៊ី) ទីក្រុងបាងកក (ប្រទេសថៃ) ទីក្រុងសិង្ហបុរី (ប្រទេសសិង្ហបុរី) ទីក្រុងហូជីមីញ ហាណូយ ដាណាង (ប្រទេសវៀតណាម) ទីក្រុងអីងជុន ដេគូ ប៊ូសាន និងម៉ូន (ប្រទេសកូរ៉េខាងត្បូង)។
បើតាមមន្រ្តីរូបនេះ លំហូរអ្នកធ្វើដំណើរឆ្លងកាត់អាកាសយានដ្ឋានសៀមរាបអង្គរមួយថ្ងៃមានជាង ៥ ០០០ នាក់ ខណៈចំនួនជើងហោះហើរទាំងឡើងទាំងចុះមានជាង ៥០ ជើង។
អាកាសយានដ្ឋានសៀមរាបអង្គរ បានបើកដំណើរការជាផ្លូវកាលពីខែតុលា ឆ្នាំ ២០២៣ ជាការវិនិយោគក្រោមរូបភាព BOT។ ដោយចាយកញ្ចប់វិនិយោគអស់ជាង ១ ៣០០ លានដុល្លារ អាកាសយានដ្ឋានថ្មីនេះ មានទីតាំងស្ថិតនៅស្រុកសូទ្រនិគម មានចម្ងាយជាង ៥០ គីឡូម៉ែត្រពីក្រុងសៀមរាប ជាព្រលានយន្តហោះកម្រិត 4E ដែលអាចទទួលយន្តហោះឆ្លងទ្វីបហោះហើរនិងចុះចតបាន៕
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៦ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ