វ៉ាក់សាំង​កូវីដ១៩ ចំនួន៣០០០ដូស ​ត្រូវ​បញ្ជូន​មក​ខេត្ត​ស្វាយរៀង​ រៀប​ចំ​ចាក់​ដល់​កម្លាំង​នគរបាល និង​មន្ត្រី​សុខាភិបាល​
Connect with us
Helistar Cambodia - Helicopter Charter Services

ព័ត៌មានជាតិ

វ៉ាក់សាំង​កូវីដ១៩ ចំនួន៣០០០ដូស ​ត្រូវ​បញ្ជូន​មក​ខេត្ត​ស្វាយរៀង​ រៀប​ចំ​ចាក់​ដល់​កម្លាំង​នគរបាល និង​មន្ត្រី​សុខាភិបាល​

Published

on

ស្វាយរៀង ៖ វ៉ាក់សាំង​កូវីដ១៩ ​ចំនួន​៣០០០ដូស ត្រូវ​បាន​ក្រសួងសុខាភិបាល​បញ្ជូន​មកកាន់​ខេត្តស្វាយរៀង ដោយ​អនុញ្ញាត​ឲ្យ​ចាក់​ទៅ​លើ​មន្ត្រី​សុខាភិបាល និង​កម្លា​នគរបាល​ខេត្ត ដែលមាន​មន្ទីរពេទ្យ​ចំនួន​៦ សម្រាប់​ពិគ្រោះ និង​ចាក់​វ៉ាក់សាំង​នេះ​។

លោក​បណ្ឌិត កែរ រដ្ឋា បាន​​ឲ្យ​ដឹង​នៅ​ព្រឹក​ថ្ងៃទី​២៣ ខែកុម្ភៈ ឆ្នាំ​២០២១​ថា មន្ទីរ​សុខាភិបាល​បាន​ជូនដំណឹង​ដល់​ប្រធាន​មន្ទីរពេទ្យ​ខេត្ត ប្រធាន​ការិយាល័យ​ស្រុក​ប្រតិបត្តិ​ទាំង​៤ និង​លោក​ប្រធាន​មន្ទីរពេទ្យ​បង្អែក​ទាំង​៥ ដោយមាន​ការអនុញ្ញាត​ពី​ក្រសួងសុខាភិបាល មន្ទីរពេទ្យ​ខេត្ត​រៀបចំ​ចាក់​វ៉ាក់សាំង​កូ​វីដ ដល់​កម្លាំង​នគរបាល និង​មន្ត្រី​សុខាភិបាល​នៅ​ដំណាក់កាល​ទី​១ និង​ជួយ​ផ្ដល់ដំណឹង ដល់​មន្ត្រី​សុខាភិបាល មន្ត្រី​ជាប់កិច្ចសន្យា និង​អ្នកបើកបរ​ទាំងអស់ ដែល​កំពុង​បម្រើ​ការងារ​នៅតាម​គ្រឹះស្ថាន​សុខាភិបាល​រដ្ឋ​ទាំងអស់​ទូទាំង​ខេត្ត ឲ្យ​ទៅ​ចាក់​វ៉ាក់សាំង ដោយ​ស្ម័គ្រចិត្ត​ព្រមទាំង​យក អត្តសញ្ញាណប័ណ្ណ និង​ប័ណ្ណ​សម្គាល់​ខ្លួន​មន្ត្រីរាជការ​ទៅជា​មួយ​ផង​។

លោក​បាន​បន្ត​ថា ទីតាំង​ដែល​ត្រូវ​ចាក់​វ៉ាក់សាំង​ការពារ​ជំងឺ​កូ​វីដ​មាន​ចំនួន​៦​កន្លែង រួមមាន​៖

*​ទី​១៖ មន្ទីរពេទ្យ​ខេត្តស្វាយរៀង

*​ទី​២៖ មន្ទីរពេទ្យបង្អែក​ស្វាយជ្រំ​

*​ទី​៣៖ មន្ទីរពេទ្យបង្អែក​ស្វាយទាប​

*​ទី​៤៖ មន្ទីរពេទ្យបង្អែក​សាមគ្គី​រំដួល​

*​ទី​៥៖ មន្ទីរពេទ្យបង្អែក​ជី​ភូ​

*​ទី​៦៖ មន្ទីរពេទ្យបង្អែករ​មា​ស​ហែក​។​

លោក​បញ្ជាក់​ថា «​ការ​ចាក់​វ៉ាក់សាំង​នេះ អាច​មាន​លទ្ធភាព​ចាក់​ជូន​មន្ត្រី​នគរបាល​ចំនួន​៥០​នាក់ និង​មន្ត្រី​សុខាភិបាល​ចំនួន​៥០​នាក់​យ៉ាងច្រើន​បំផុត ក្នុង​មួយ​កន្លែង​ក្នុង​មួយថ្ងៃ ដូច្នេះ​ដើម្បី​កុំ​ឲ្យ​មានការ​រង់ចាំ​យូរ និង​ខាត​ពេលវេលា​ធ្វើការ​ងារ គឺ​បាន​បែងចែក​វេន​ទៅ​ចាក់​វ៉ាក់សាំង​ការពារ​កូ​វីដ តាម​ទីតាំង​៦​កន្លែង ដែល​ស្ថិតនៅ​ជិត​បំផុត​ក្នុង​មួយថ្ងៃ ៥០​នាក់ ចាប់ពី​ថ្ងៃទី​២២ ខែកុម្ភៈ ឆ្នាំ​២០២១ នៅ​រៀងរាល់​ម៉ោង​ធ្វើការ និង​រហូតដល់​អស់អ្នក​ស្ម័គ្រចិត្ត​ចាក់​តែម្តង​»៕

កែសម្រួល ៖ នាគព័ន្ធ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services