ព័ត៌មានជាតិ
មន្ទីរពេទ្យធំៗនៅភ្នំពេញមិនទាន់ចាក់វ៉ាក់សាំងកូវីដ១៩ស៊ីណូហ្វាមដូសទីពីរនៅឡើយទេ
មន្ទីរពេទ្យធំៗនៅរាជធានីភ្នំពេញដែលចាក់វ៉ាក់សាំងកូវីដ១៩ស៊ីណូហ្វាមជាជំនួយរបស់ចិននៅដំណាក់កាលទី១កាលពីថ្ងៃទី១០ ខែកុម្ភៈ ឆ្នាំ២០២១កន្លងទៅនេះ នៅមិនទាន់ចាក់វ៉ាក់សាំងដូសទី២នៅឡើយទេ។
លោក សាស្ត្រាចារ្យ ញឹប អង្គាបុស្សប្រធានមន្ទីរពេទ្យកុមារជាតិដែលទទួលរ៉ាប់រងចាក់ដល់អ្នកសារព័ត៌មានបានប្រាប់ថា សម្រាប់ដូសទី២នេះមន្ទីរពេទ្យនៅមិនទាន់ចាក់នៅឡើយទេដោយរង់ចាំគោលការណ៍ពីក្រសួងសុខាភិបាលសិន ព្រោះមានការប្រែប្រួលបន្តិច ពីមុនតម្រូវឲ្យចាក់នៅថ្ងៃទី១៤ដល់ថ្ងៃទី២៨ សម្រាប់អ្នកចាក់លើកទី១រួច។
ចំណែកលោកសាស្ត្រាចារ្យ ងី ម៉េង នាយកមន្ទីរពេទ្យមិត្តភាពខ្មែរសូវៀតដែលទទួលរ៉ាប់រងចាក់លើគណៈអភិបាលរាជធានីខេត្តបានអះអាងថា នៅមិនទាន់មានការចាក់ដូសទី២នៅឡើយទេ។ រីឯ លោកសាស្ត្រាចារ្យ លូ លីឃាង នាយកមន្ទីរពេទ្យព្រះអង្គឌួង ដែលទទួលរ៉ាប់រងចាក់វ៉ាក់សាំងទៅលើមន្ត្រីជាន់ខ្ពស់រដ្ឋាភិបាលមានតួនាទីអនុរដ្ឋលេខាធិកាឬឋានៈស្មើបានលើកឡើងថា ដូសទី២នេះដូចជាអត់ទាន់ឃើញមកចាក់ទេ។
កម្ពុជាថ្មីមិនអាចទាក់ទងមន្ទីរពេទ្យកាល់ម៉ែតបានទេនៅល្ងាចនេះដែលមន្ទីរពេទ្យនេះទទួលការចាក់ទៅលើឥស្សរជនជាន់ខ្ពស់ចាប់ពីទេសរដ្ឋមន្ត្រី រដ្ឋមន្ត្រីនិងរដ្ឋលេខាធិការ។ ប៉ុន្តែបើតាមលោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានមានប្រសាសន៍ថា ការចាក់វ៉ាក់សាំងលើកទីពីរ គឺធ្វើនៅថ្ងៃទី១៤ដល់ថ្ងៃទី២៨ រាប់ពីថ្ងៃទី១នៃការចាក់វ៉ាក់សាំងលើកទី១រួច។លោកស្រីបានបន្តថា ការចាក់វ៉ាក់សាំងដូសទីពីរនេះគឺក្រសួងរៀបចំចាក់នៅទីតាំងដដែលទេ ពោលគឺអ្នកធ្លាប់ទៅចាក់លើកទី១នៅកន្លែងណា សូមអញ្ជើញទៅចាក់នៅកន្លែងដដែលតែកុំឲ្យហួសពី១៤ ទៅ២៨ថ្ងៃ រាប់ពីថ្ងៃចាក់លើកទី១។
គួរបញ្ជាក់ថាក្រសួងសុខាភិបាលបានចាប់ផ្តើមចាក់វ៉ាក់សាំងការពារជំងឺឆ្លងកូវីដ១៩ ជាផ្លូវការនៅថ្ងៃ ១០ កុម្ភៈ ទៅតាមការស្ម័គ្រចិត្តដែលរហូតមកដល់ថ្ងៃ ២៣កុម្ភៈក្រសួងបានដំណើរការចាក់វ៉ាក់សាំងលើកទីមួយដល់ជនស៊ីវិលបានចំនួន៧៧៧០នាក់ស្រី២៥៨៣នាក់ក្នុងចំណោមអ្នកមកទទួលវ៉ាក់សាំង៩៤៩១នាក់។ ចំណែកក្រសួងការពារជាតិវិញគិតចាប់ពីថ្ងៃទី១០ រហូតដល់ថ្ងៃទី២៣ ខែកុម្ភៈ
ឆ្នាំ២០២១នេះបានចាក់វ៉ាក់សាំងការពារជំងឺកូវីដ១៩ស៊ីណូហ្វាមជូនដល់នាយទាហាននិងពលទាហានសរុបចំនួន ៣៦,៧៣៥នាក់ក្នុងនោះមាននារី ៣,១៨៣នាក់៕
អត្ថបទ ៖ សំអឿន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?