ព័ត៌មានជាតិ
ទូតឥណ្ឌា ស្នើអញ្ជើញសម្ដេចតេជោ បំពេញទស្សនកិច្ចទៅកាន់ប្រទេសឥណ្ឌា
លោកស្រីឯកអគ្គរដ្ឋទូតឥណ្ឌា បានស្នើសុំអញ្ជើញសម្ដេចតេជោ ហ៊ុន សែន ប្រធានព្រឹទ្ធសភានៃកម្ពុជា ដើម្បីទៅបំពេញទស្សនកិច្ចនៅប្រទេសឥណ្ឌា ក្នុងពេលសមស្របណាមួយខាងមុខ។ សំណើអញ្ជើញរបស់ឯកអគ្គរដ្ឋទូតឥណ្ឌា បានធ្វើឡើងកាលពីថ្ងៃទី២០ ខែឧសភា ឆ្នាំ២០២៤ ក្នុងឱកាសចូលជួបសម្ដេចតេជោ នៅវិមានព្រឹទ្ធសភា។
![](https://www.kampucheathmey.com/wp-content/uploads/2024/05/image-1149-1024x683.png)
លោកស្រី ដេវីយ៉ានី អ៊ុតាំ ខូប្រាហ្គេត (Devyani Uttam Khobragade) ឯកអគ្គរដ្ឋទូតឥណ្ឌាប្រចាំកម្ពុជា បានថ្លែងអំណរគុណចំពោះសម្ដេចតេជោ ដែលបានផ្ដល់ឱកាសឱ្យលោកស្រីបានជួបពិភាក្សាការងារនៅពេលនេះ។ លោកស្រីឯកអគ្គរដ្ឋទូត បានអបអរសាទរចំពោះសម្ដេចតេជោ ដែលត្រូវបានជ្រើសតាំងជាប្រធានព្រឹទ្ធសភានៃកម្ពុជា សម្រាប់អាណត្តិថ្មីនេះ។
លោកស្រីឯកអគ្គរដ្ឋទូតឥណ្ឌា បានបញ្ជាក់ជូនសម្ដេចតេជោ ថា ឥណ្ឌា នឹងរង់ចាំស្វាគមន៍យ៉ាងកក់ក្តៅចំពោះវត្តមានរបស់សម្ដេចតេជោ ដើម្បីអញ្ជើញទៅបំពេញទស្សនកិច្ចនៅប្រទេសឥណ្ឌាពេលខាងមុខ ក្នុងតួនាទីជាប្រធានព្រឹទ្ធសភានៃកម្ពុជា។ លោកស្រី បានវាយតម្លៃខ្ពស់ចំពោះតួនាទីរបស់សម្ដេចតេជោ ដោយចាត់ទុកសម្ដេចតេជោ ជាមិត្តចាស់ ជាមិត្តល្អ ដែលសម្ដេចបានពូនជ្រុំឱ្យទំនាក់ទំនងកម្ពុជា-ឥណ្ឌាកាន់តែមានភាពល្អប្រសើរជាបន្តបន្ទាប់ ជាពិសេសនៅពេលដែលសម្ដេច ធ្វើជាប្រធាននៃកិច្ចប្រជុំកំពូលអាស៊ាន នាពេលកន្លងទៅ។
![](https://www.kampucheathmey.com/wp-content/uploads/2024/05/image-1150-1024x683.png)
លោកស្រីឯកអគ្គរដ្ឋទូតឥណ្ឌា ក៏បានគូសរំលេចពីការខិតខំរបស់សម្ដេចតេជោ ដែលបានផ្ដួចផ្ដើមគំនិតឱ្យមានព្រះរាជទស្សនកិច្ចរបស់ព្រះមហាក្សត្រនៃកម្ពុជា ទៅកាន់ប្រទេសឥណ្ឌា កន្លងទៅ ដែលជាព្រះរាជទស្សនកិច្ចកំពូលក្នុងទំនាក់ទំនងកម្ពុជា និងឥណ្ឌា ជាង៦០ឆ្នាំកន្លងមកនេះ។
ជាការឆ្លើយតប សម្ដេចតេជោ ហ៊ុន សែន បានអបអរសាទរដែលប្រទេសឥណ្ឌាខិតខំបង្កើតឱ្យមានព្រះរាជដំណើរទស្សនកិច្ចរបស់ព្រះមហាក្សត្រនៃកម្ពុជា ទៅកាន់ប្រទេសឥណ្ឌាប្រកបដោយភាពជោគជ័យ ហើយសម្ដេចតេជោ ចាត់ទុកថា នេះជាព្រឹត្តិការណ៍ប្រវត្តិសាស្ត្រដ៏សំខាន់នៃទំនាក់ទំនងកម្ពុជា និងឥណ្ឌា។ សម្ដេចតេជោ ក៏បានរម្លឹកពីដំណើរទស្សនកិច្ចរបស់សម្ដេចទៅកាន់ប្រទេសឥណ្ឌា នារយៈពេលកន្លងទៅ ដែលបានបង្ហាញពីការទទួលយកពីស្ថានភាពជាក់ស្ដែងរបស់កម្ពុជាផងដែរ។ តែយ៉ាងណា ក្នុងជំនួបនេះ សម្ដេចតេជោ មិនបានបញ្ជាក់ថា សម្ដេចនឹងអញ្ជើញទៅប្រទេសឥណ្ឌា នាពេលណានោះឡើយ៕
-
ព័ត៌មានជាតិ៤ ថ្ងៃ ago
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
ព័ត៌មានអន្ដរជាតិ១ សប្តាហ៍ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
សន្តិសុខសង្គម៦ ថ្ងៃ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
កីឡា១ សប្តាហ៍ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
ព័ត៌មានជាតិ៤ ថ្ងៃ ago
កំពង់ផែតម្លៃ ១៥០០ លានដុល្លារ ក្នុងខេត្តកំពត នឹងសម្ពោធដាក់ឱ្យប្រើប្រាស់នៅថ្ងៃស្អែកនេះ
-
ព័ត៌មានជាតិ៧ ថ្ងៃ ago
ក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក
-
សន្តិសុខសង្គម៦ ថ្ងៃ ago
នាយកកំពង់ចម្លងភ្នំពេញ អរិយក្សត្រ សម្រេចបញ្ឈប់អ្នកបើកបរស្រឡាងម្នាក់ក្រោយបែកធ្លាយកាយវិការយកជើងបញ្ជាចង្កូត
-
សន្តិសុខសង្គម៥ ថ្ងៃ ago
ទទួលបានតម្រុយពីខេត្តព្រះសីហនុ ឆែកឃើញអាវុធជាច្រើននៅផ្ទះមួយកន្លែង ក្នុងខេត្តបាត់ដំបង