ព័ត៌មានជាតិ
អ្នកផ្ទុកមេរោគអេដស៍ និងជំងឺអេដស៍ នៅខេត្តព្រះសីហនុ ជាង ៩៤០ នាក់ ទទួលបានប័ណ្ណក្រីក្រ
លោក ម៉ាង ស៊ីណេត អភិបាលរងខេត្តព្រះសីហនុ បានអះអាងថា រដ្ឋបាលខេត្ត សហការជាមួយក្រសួងផែនការ និងមន្ទីរសុខាភិបាល បានផ្តល់ប័ណ្ណក្រីក្រកម្រិត ២ ដល់អ្នកផ្ទុកមេរោគអេដស៍ និងជំងឺអេដស៍សរុបចំនួន ៩៤៦ នាក់ ដែលបានជួយសម្រួលដល់ជីវភាពរស់នៅកាន់តែប្រសើរ។
ថ្លែងក្នុងសិក្ខាសាលាស្ដីពី«សុវត្ថិភាពកុមារ និងការបង្ការទប់ស្កាត់ការរីករាលដាល នៃមេរោគអេដស៍ ជំងឺអេដស៍ក្នុងវិស័យទេសចរណ៍» នៅសណ្ឋាគារ ស៊ីប្រ៊ីស ក្រុងព្រះសីហនុ កាលពីថ្ងៃទី ២០ មិថុនានេះ លោកអភិបាលរងខេត្ត បានបន្តថា គិតត្រឹមឆមាសទី ១ ឆ្នាំ ២០២៤ នេះ ខេត្តព្រះសីហនុ មានអ្នកជំងឺអេដស៍ដែលមកទទួលសេវានៅមន្ទីរពេទ្យខេត្តព្រះសីហនុ សរុបចំនួន ២.២៦៥ នាក់ ស្រី ១.០២៤ នាក់ ក្នុងនោះជនបរទេស ២៧ នាក់ (ឥណ្ឌូណេស៊ី ១៦ នាក់ ចិន ៥ នាក់ វៀតណាម ៤ នាក់ ហ្វីលីពីន ១ នាក់ និងឥណ្ឌា ១ នាក់)។ ក្រៅពីនោះ ក៏មានអ្នកមកទទួលសេវាពិគ្រោះ និងព្យាបាលជំងឺកាមរោគសរុបចំនួន ៥០៩ នាក់ ស្រី ២៦៨ នាក់ (អ្នកជំងឺស្វាយមាន ២៣១ នាក់ និងជំងឺកាមរោគផ្សេងៗ ២៧៨ នាក់។
ជាមួយគ្នានេះ ក៏មានការមកទទួលសេវាប្រឹក្សា និងធ្វើតេស្តរកមេរោគអេដស៍ និងជំងឺស្វាយសរុបចំនួន ៤.៣៦៤ នាក់ ស្រី ១.២៨១ នាក់ ក្នុងនោះ វិជ្ជមានជំងឺអេដស៍សរុប ៖ ៧៣ នាក់ (ស្រី ១២ នាក់) និងវិជ្ជមានជំងឺស្វាយ សរុប ១៣៦ នាក់ (ស្រី ៦៥ នាក់)។
លោកអភិបាលរងខេត្ត បានបន្តថា រដ្ឋបាលខេត្តបានសហការជាមួយអង្គការ CWPD និងអង្គការ MHC អប់រំសុខភាព ផ្តល់ប្រឹក្សាធ្វើតេស្តឈាម ចែកស្រោមអនាម័យ និងបញ្ជូនទៅពិនិត្យសុខភាពបន្តពូជនៅមន្ទីរពេទ្យបង្អែក ដោយមិនមានការបង់ប្រាក់ដល់ក្រុមនារីធ្វើការនៅខារ៉ាអូខេ ម៉ាស្សា ភោជនីយដ្ឋាន និងក្លឹបកម្សាន្តចំនួន ៨១ កន្លែង មាននារីធ្វើការចំនួន ១.៣៥៩ នាក់ និងក្រុមបុរសស្រឡាញ់បុរសចំនួន ១.១៥០ នាក់ និងក្រុមបំប្លែងភេទចំនួន ៥៨៦ នាក់ ដែលពួកគេប្រកបមុខរបរនៅទីតាំងកំណត់មិនច្បាស់លាស់។
លោកអភិបាលរងខេត្ត បានបន្តទៀតថា មានមណ្ឌលសុខភាពទាំង ១៧ នៅខេត្តព្រះសីហនុ ត្រូវបានដាក់ឱ្យអនុវត្តការធ្វើតេស្តឈាមរហ័ស (នៅចុងម្រាមដៃ) គ្រប់ប្រជាជនទូទៅ រួមទាំងស្ត្រីដែលមកពិនិត្យផ្ទៃពោះលើកទី ១ និងគ្រប់អ្នកជំងឺរបេង ត្រូវបានផ្តល់ប្រឹក្សា ធ្វើតេស្តឈាមរកមេរោគអេដស៍/មេរោគស្វាយ និងដៃគូ។
លោកអភិបាលរងខេត្ត បានបន្ថែមថា រាជរដ្ឋាភិបាលកម្ពុជា បានប្ដេជ្ញាចិត្តយ៉ាងមោះមុតក្នុងការដឹកនាំបំផុសចលនាចូលរួមជាចរន្តតែមួយក្នុងការទប់ស្កាត់ការចម្លងមេរោគអេដស៍ និងជំងឺអេដស៍ឱ្យទទួលបានជោគជ័យជាបន្តបន្ទាប់ និងមានការទទួលស្គាល់ពីមជ្ឈដ្ឋានជាតិ អន្តរជាតិ និងស្ថាប័នអង្គការសហប្រជាជាតិ ក្នុងគោលដៅដើម្បីឈានទៅបញ្ចប់ជំងឺអេដស៍នៅឆ្នាំ ២០២៥។ ចំពោះការឆ្លងរាលដាល នៃមេរោគអេដស៍ ជំងឺអេដស៍ ក៏ជាបញ្ហាប្រឈមមួយដែលធ្វើឱ្យវាមានការប៉ះពាល់ដល់ការអភិវឌ្ឍវិស័យទេសចរណ៍ផងដែរ ប្រសិនបើការឆ្លងរីករាលដាលនេះកើតមានទ្រង់ទ្រាយធំដោយយើងមិនបានធ្វើការទប់ស្កាត់ឱ្យបានទាន់ពេលវេលានោះទេ។
លោកអភិបាលរងខេត្ត បានបន្តថា រាជរដ្ឋាភិបាលបានយកចិត្តទុកដាក់ខ្ពស់លើការអភិវឌ្ឍវិស័យគន្លឹះ និងប្រភពថ្មី នៃកំណើនសេដ្ឋកិច្ច ដោយក្នុងនោះក៏បានផ្តោតអាទិភាពលើការបន្តលើកកម្ពស់វិស័យទេសចរណ៍ ជាពិសេសការបន្តជំរុញការអភិវឌ្ឍទេសចរណ៍វប្បធម៌ និងធម្មជាតិ ដោយបន្ថែមទេសចរណ៍បៃតង ស្អាត និងវៃឆ្លាត ការជំរុញការបង្កើតប្រភេទទេសចរណ៍ថ្មីៗ ។ល។
លោក ហោ សារុន រដ្ឋលេខាធិការក្រសួងទេសចរណ៍ បានថ្លែងបើកសិក្ខាសាលាថា រាជរដ្ឋាភិបាលកម្ពុជា ចាត់ទុកវិស័យទេសចរណ៍ ជាមាសបៃតង និងជាវិស័យអាទិភាពមួយក្នុងចំណោមវិស័យអាទិភាពនានា ដែលបានចូលរួមជំរុញកំណើនសេដ្ឋកិច្ច និងការអភិវឌ្ឍសង្គមតាមរយៈការវិនិយោគ ការបង្កើតការងារ ការកាត់បន្ថយភាពក្រីក្រ ការអភិវឌ្ឍហេដ្ឋារចនាសម្ព័ន្ធ ការការពារ និងអភិរក្សសម្បត្តិវប្បធម៌ និងធនធានធម្មជាតិយ៉ាងសំខាន់។
លោករដ្ឋលេខាធិការ បានបន្តថា សិក្ខាសាលានេះពិតជាមានសារៈសំខាន់ សុំឱ្យសិក្ខាកាមទាំងអស់បន្តការយកចិត្តទុកដាក់ត្រងត្រាប់ស្តាប់បទបង្ហាញរបស់វាគ្មិន បើមានចម្ងល់អាចសួរ និងចូលរួមផ្តល់មតិយោបល់ឱ្យបានផុលផុស និងផ្តល់ព័ត៌មានផ្សេងៗ ដើម្បីចែករំលែកព័ត៌មានថ្មីៗ លើការយល់ដឹងអំពីការពារកុមារ និងការទប់ស្កាត់ការរីករាលដាល នៃមេរោគអេដស៍ ជំងឺអេដស៍ក្នុងឧស្សាហកម្មទេសចរណ៍៕
អត្ថបទ ៖ សំអឿន
អភិបាលខេត្តក្រចេះ ៖ ការចូលរួមបរិច្ចាគធនធានពីពលរដ្ឋគ្រប់ទិសទី ជាថាមពលផ្តល់កម្លាំងចិត្តកងទ័ព
រដ្ឋមន្ត្រីកសិកម្ម ណែនាំឱ្យកសិករភ្នំគូលែន សិក្សាលទ្ធភាពចិញ្ចឹមមាន់ស្រែ និងជ្រូក ដែលកំពុងមានតម្រូវការ
អភិបាលខេត្តប៉ៃលិន អំពាវនាវដល់ព្រះសង្ឃ និងមន្ត្រីរាជការចូលរួមថែរក្សា និងលើកកម្ពស់វប្បធម៌ក៏ដូចជាវិស័យព្រះពុទ្ធសាសនា ដែលជាដួងព្រលឹងជាតិ
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ឯកឧត្តម ហ៊ុន ម៉ានី៖ ការជួបជុំគ្នារបស់ពលរដ្ឋកម្ពុជា គឺដើម្បីចងចាំថា ទាំងអស់គ្នាគឺជាផ្នែកមួយនៃខឿនការពារជាតិ
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
សោកនាដកម្មលិចទូកទេសចរណ៍នៅវៀតណាម រកឃើញមនុស្សស្លាប់ ដល់ ៣៤នាក់
គួរឲ្យសរសើរអាយុ ៤៦ឆ្នាំ Pacquiao ស្មើម្ចាស់ខ្សែក្រវាត់ Barrios ក្រោយប្រកួត១២ទឹកពេញ
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?
-
ព័ត៌មានជាតិ១ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៤ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៦ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៧ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៦ ម៉ោង agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ៤ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៦ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម១ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន