ព័ត៌មានជាតិ
ពលរដ្ឋឃុំព្រែកហ្លួង ជាង ១០០ គ្រួសារ ស្នើ រាជរដ្ឋាភិបាល ប្រគល់ដីស្រែដែលពួកគាត់អាស្រ័យផលជាង ៣០ ឆ្នាំ មកវិញ
ប្រជាពលរដ្ឋសរុបចំនួន ១១២ គ្រួសារ រស់នៅភូមិស្ដីក្រោម ភូមិស្ដីលើ ភូមិបាក់អម្រែក និងភូមិដូនអិន ស្ថិតក្នុងឃុំព្រែកហ្លួង ស្រុកឯកភ្នំ ខេត្តបាត់ដំបង កំពុងទទូចអង្វរសុំឱ្យ រាជរដ្ឋាភិបាល មេត្តាប្រគល់ដីស្រែដែលពួកគាត់អាស្រ័យផល ជាង ៣០ ឆ្នាំ កន្លងមក មកវិញ ខណៈពេលនេះក្រុមការងារបានចុះកាត់ឆ្វៀលដីស្ទើរតែអស់ទាំងស្រុងទៅហើយ។
កន្លងទៅ ថ្មីៗ នេះ ប្រជាពលរដ្ឋជាច្រើនគ្រួសាររស់នៅឃុំព្រែកហ្លួង ស្រុកឯកភ្នំ បានរៀបរាប់ថា ដីដែលពួកគាត់បានអាស្រ័យផល និងកំពុងអាស្រ័យផល សុទ្ធតែបានមកពីការវាស់ចែកឱ្យពីសំណាក់មេឃុំស្ដីលើ តាំងតែពីជំនាន់មិនទាន់អស់ខ្មែរក្រហម និងប៉ារ៉ា នៅក្នុងព្រៃរនាមមកម្ល៉េះ បើគិតពីរយៈពេល មិនក្រោមពី ៣០ ឆ្នាំ ទៅ ៤០ ឆ្នាំឡើយ ហើយកាលនោះ ម្នាក់ៗ ទទួលបានទទឹង ៦ ម៉ែត្រ និងបណ្ដោយទៅទល់នឹងព្រៃរនាម ដើម្បីប្រកបមុខរបរដាំដើមក្រចៅ ព្រោះការជំនាន់នោះ រោងចក្រក្រចៅដូនទាវនៅដំណើរការផលិតបាវនៅឡើយ។
ប្រជាពលរដ្ឋ បានបន្តថា ដីដែលពួកគាត់កំពុងអាស្រ័យផលនេះមានចម្ងាយពីដងស្ទឹងសង្កែប្រមាណ ៤០០ ទៅ ៥០០ ម៉ែត្រប៉ុណ្ណោះ បច្ចុប្បន្នប្រជាពលរដ្ឋទាំងអស់ បាននាំគ្នាផ្លាស់ប្ដូរមុខរបរដើម្បីដាំស្រូវឡើងវិញ ដោយសារតែមួយរយៈក្រោយមករោងចក្រក្រចៅត្រូវបានបិទទ្វារ ទើបពុំមាននរណាទទួលទិញដើមក្រចៅទៀតឡើយ។ ចំណែកចំណុចដែលពួកគាត់ធ្វើស្រែសព្វថ្ងៃ ចាប់ពីអូរក្របីឆ្លង ទៅទល់នឹងភូមិបាក់ព្រា ស្ថិតក្នុងទឹកដីឃុំព្រៃចាស់ បើសរុបប្រជាពលរដ្ឋរងគ្រោះដោយសារការកាត់ឆ្វៀលដីស្រែចូលជាសម្បត្តិរដ្ឋ គឺ ចំនួន ១១០ គ្រួសារ និងផ្ទៃដីស្រែកំពុងអាស្រ័យផលមានទំហំជាង ២០០ ហិតា ស្មើនឹង ២១២៧២២៣ ម៉ែត្រការ៉េ។
ថ្មីៗ នេះ ក្រោយពីមានអនុក្រឹត្យលេខ ៩០ អនក្រ ប ក រួចមក ក្រុមការងារបានចុះបោះបង្គោលត្រីកោណ និងបោះព្រំប្រទល់ដីរដ្ឋ ដោយកាត់ឆ្វៀលមកនៅចម្ងាយត្រឹមតែជាង ១៥០ ម៉ែត្រ ពីដងស្ទឹងសង្កែតែប៉ុណ្ណោះ ដែលធ្វើឲ្យប្រជាពលរដ្ឋបាត់បង់ដីកំពុងអាស្រ័យផលយ៉ាងច្រើនសន្ធឹកសន្ធាប់ ។ ក្នុងនោះ ក៏មានប្រជាពលរដ្ឋខ្លះបាត់បង់ទាំងស្រុងតែម្ដង ដោយពុំមានសល់មួយម៉ែត្រការ៉េសោះឡើយ។ ផ្ទៃដីដែលនៅសល់គឺ ១៣៩១០៤៩ ម៉ែត្រការ៉េ តែប៉ុណ្ណោះ ដែលបច្ចុប្បន្នប្រជាពលរដ្ឋទាំងអស់ បានសំណូមពរយ៉ាងទទូចស្នើសុំដល់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង សម្ដេចតេជោ ហ៊ុន សែន មេត្តាចាត់ក្រុមការងារ ដើម្បីចុះសិក្សាឡើងវិញត្រង់ទីតាំងខាងលើនេះ ដើម្បីឱ្យពួកគាត់ទទួលបានដីកំពុងអាស្រ័យផលមកវិញក្នុងការបង្កបង្កើនផល និងទប់ទល់ក្នុងជីវភាពប្រចាំថ្ងៃ៕
អត្ថបទ ៖ សោ និយមរ័ត្ន
ពលករថៃ៦នាក់ ដែលប៉ុនប៉ងឆ្លងដែនមកធ្វើការនៅកម្ពុជាត្រូវប៉ូលិសថៃបានចាប់ខ្លួន
លោក ប៉ែន បូណា ប្រាប់ឱ្យរដ្ឋាភិបាលថៃប្រញាប់ដោះស្រាយរឿងអាស្រូវដ៏ស្អុយអសោចក្នុងផ្ទះរបស់ខ្លួនហើយបញ្ឈប់វប្បធម៌លាបពណ៌កម្ពុជា
រដ្ឋមន្ត្រីអប់រំលើកទឹកចិត្តគ្រូ និង សិស្សត្រូវតែចេះប្រើ Ai ដើម្បីលើកកម្ពស់គុណភាពការរៀន និងការបង្រៀន
ក្រសួងការងារស្នើក្រុមហ៊ុនទទួលពលករខ្មែរ ត្រឡប់មកពីថៃឱ្យចូលធ្វើការ មានការយោគយល់និងការអត់ធ្មត់ខ្ពស់
តើការប្រកួតនៅម៉ាឡេស៊ី រិទ្ធី គីងកុង អាចដណ្តើមយកខ្សែក្រវ៉ាត់ពីដៃគូប្រកួតខ្លួនបានដែរ ឬទេ? ជួបគ្នាឆាប់ៗនេះ!
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
បាក់ស្ពាននៅរដ្ឋ Gujarat ប្រទេសឥណ្ឌាសម្លាប់មនុស្សយ៉ាងតិច ៩ នាក់
យោធាឈុតខ្មៅថៃ ឃាត់ខ្លួនពលករខ្មែរ៣៦នាក់ ដោយចោទថា លួចឆ្លងដែនខុសច្បាប់
ព័ត៌មានបឋម ៖ ប្រទះឃើញសពបុរសម្នាក់ រួមជាមួយដំបងឈើប្រឡាក់ឈាម ក្នុងចំណុចដីឡូត៍ ១ កន្លែង នៅខណ្ឌជ្រោយចង្វារ
ស្ពានអាកាស សម្តេចធិបតី ហ៊ុន ម៉ាណែត នឹងដាក់ឱ្យប្រើប្រាស់ជាបណ្ដោះអាសន្ន ចាប់ពីថ្ងៃទី ១១ កក្កដា ស្អែកនេះហើយ
-
ព័ត៌មានអន្ដរជាតិ៦ ថ្ងៃ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៦ ថ្ងៃ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ១ សប្តាហ៍ agoថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ១ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៥ ម៉ោង agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ៧ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ព័ត៌មានអន្ដរជាតិ២ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
ព័ត៌មានជាតិ៤ ថ្ងៃ agoកម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា