ព័ត៌មានជាតិ

ខេត្តកំពង់ចាមមានសិស្សជិត១០០នាក់ ហើយដែលមកចុះឈ្មោះរៀនជំនាញវិជ្ជាជីវៈនិងបច្ចេកទេសនៅវគ្គសិក្សាថ្មីខាងមុខនេះ

បានផុស

២ years មុន

នៅ

ថ្ងៃសុក្រ ១២ កក្កដា ២០២៤

ដោយ

កំពង់ចាម ៖ បច្ចុប្បន្នមានសិក្សាមកចុះឈ្មោះរៀនជំនាញវិជ្ជាជីវៈនិងបច្ចេកទេសនៅវិទ្យាស្ថានពហុបច្ចេកទេសខេត្តកំពង់ចាមបានចំនួន៧៥នាក់ហើយ ខណៈវគ្គសិក្សាថ្មីនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហាវ ធិន នាយកវិទ្យាស្ថានពហុបច្ចេកទេសខេត្តកំពង់ចាម បានឱ្យដឹងថា មានសិស្ស-និស្សិតដែលមកពីគ្រួសារក្រីក្រ និងងាយរងហានិភ័យ នៅតាមមូលដ្ឋានដែលមកចុះឈ្មោះចូលរៀនបានចំនួន៧៥នាក់ហើយ សម្រាប់វគ្គថ្មីនេះ។ លោកនាយកវិទ្យាស្ថាន ក៏បានស្នើឱ្យអាជ្ញាធរមូលដ្ឋានសហការគ្នា ដើម្បីផ្សព្វផ្សាយ និងអំពាវនាវបន្ថែមដល់ក្រុមយុវជនដែលមកពីគ្រួសារក្រីក្រ ទោះធ្លាប់ថ្នាក់ទី៩ឬមិនបានរៀនសូត្រក៏ដោយ ក៏អាចមកចុះឈ្មោះចូលរៀនបានដែល នូវជំនាញឯកទេសមួយណាក៏បាន ដើម្បីអនាគតខ្លួនឯង និងគ្រួសារ។ ក្រោមការដឹកនាំរបស់ សម្តេចបវរធិបតី ហ៊ុន ណែត នាយករដ្ឋមន្ត្រីនៃកម្ពុជា បានយកចិត្តទុកដាក់ចំពោះការផ្តល់កន្លែងរៀនសូត្រ ចំណេះជំនាញបច្ចេកទេស ដោយឥតគិតថ្លៃហើយនិងមានប្រាក់ឧបត្ថម្ភទៀតផង។

ទន្ទឹមនឹងនេះដែរ លោកនាយកវិទ្យាស្ថានពហុបច្ចេកទេសខេត្តកំពង់ចាម បានបញ្ជាក់ទៀតថា បច្ចុប្បន្ននេះ វិទ្យាស្ថានពហុបច្ចេកទេសខេត្តកំពង់ចាម បានកំពុងទទួលពាក្យជារៀងរាល់ថ្ងៃ ដោយមានមុខជំនាញបច្ចេកទេសចំនួន៤ដែលយុវជនពេញនិយម និងចង់រៀនសូត្ររួមមាន ការដំឡើងប្រព័ន្ធបណ្តាញអគ្គិសនីក្នុងអគារ, ការកែច្នៃបន្លែ និងផ្លែឈើ,សេវាកម្មកុំព្យូទ័រ និងការថែទាំ និងជួសជុលរថយន្ត៕

អត្ថបទនិងរូបភាព ៖ ឡេក ចាន់ពេជ្រ