ព័ត៌មានជាតិ

ប.ស.ស ប្រកាសឱ្យសមាជិកបាត់ ឬ ខូចបណ្ណ ប.ស.ស ប្រញាប់ស្នើសុំបោះពុម្ពបណ្ណថ្មីប្រើប្រាស់ឡើងវិញ

បានផុស

៨ ខែ មុន

នៅ

ថ្ងៃពុធ ១៧ កក្កដា ២០២៤

ដោយ

បេឡាជាតិសន្តិសុខសង្គម(ប.ស.ស.) បានប្រកាសដល់សមាជិក ប.ស.ស. ដែលបានបាត់ ឬខូចបណ្ណ ប.ស.ស. សូមជូនដំណឹងមកកាន់សាខា ប.ស.ស. ដែលនៅជិតបំផុតដើម្បីស្នើសុំបោះពុម្ពបណ្ណថ្មីប្រើប្រាស់ឡើងវិញដោយគ្រាន់តែចំណាយ ៥ ០០០ រៀល ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាម ប.ស.ស សម្រាប់ការស្នើសុំបោះពុម្ពបណ្ណថ្មី តម្រូវឱ្យភ្ជាប់ឯកសាររួមមាន អត្តសញ្ញាណបណ្ណសញ្ជាតិខ្មែរច្បាប់ដើម។ សម្រាប់ជនជាតិបរទេស គឺត្រូវការលិខិតឆ្លងដែន ដើម្បីស្នើសុំបោះពុម្ពបណ្ណថ្មី ហើយការស្នើសុំបោះពុម្ពបណ្ណ ឬទុតិយតាឡើងវិញ ត្រូវចំណាយប្រាក់ ៥ ០០០ រៀល។

គួរបញ្ជាក់ថា គិតត្រឹមថ្ងៃទី ១៨ ខែមិថុនា ឆ្នាំ ២០២៤ បច្ចុប្បន្ននេះបេឡាជាតិសន្តិសុខសង្គមមានសមាជិកប្រមាណជាង ២,២ លាននាក់ ក្នុងចំណោមនោះ សមាជិកប.ស.ស. ជាបុគ្គលស្ថិតក្រោមវិស័យសាធារណៈជាង ៤៣ ម៉ឺននាក់ បុគ្គលស្ថិតក្រោមបទប្បញ្ញត្តិច្បាប់ស្តីពីការងារជាង ១,៥ លាននាក់ និងបុគ្គលស្វ័យនិយោជន៍ ២២ ម៉ឺននាក់ ព្រមទាំងអ្នកក្នុងបន្ទុកសមាជិក ប.ស.ស ៦,៦ ម៉ឺននាក់ ដែលកំពុងមានសិទ្ធិទទួលបានអត្ថប្រយោជន៍ នៃរបបសន្តិសុខសង្គម៕

អត្ថបទ ៖ សំអឿន