Connect with us

ព័ត៌មានជាតិ

កងកម្លាំងអន្តរាគមន៍ខេត្ត​​កំពង់ធំ ត្រៀមជួយ​សង្គ្រោះពលរដ្ឋ​ ពេលទឹកជំនន់តាមដងស្ទឹងសែន ឈានដល់កម្រិតប្រកាសអាសន្ន

បានផុស

នៅ

នៅព្រឹកថ្ងៃទី២៩ ខែកក្កដា​ ឆ្នាំ២០២៤ នៅទីបញ្ជាការ​តំបន់ប្រតិបត្តិការសឹករងកំពង់ធំ បានប្រកាស​អាសន្ន​ ត្រួតពិនិត្យកងកម្លាំងអន្តរាគមន៍ នៃ​បញ្ជាការ​ដ្ឋាន​តំបន់ប្រតិបត្តិការសឹករងកំពង់ធំ​ ដើម្បីត្រៀមជួយសង្គ្រោះប្រជាពលរដ្ឋ ដែលរងផលប៉ះពាល់ដោយគ្រោះទឹកជំនន់ នៅក្នុងភូមិសាស្ត្រខេត្តកំពង់ធំ ក្នុង​ពេល​ដែល​ជំនន់​ទឹក​ភ្លៀង​ឡើង​លើសកម្រិតប្រកាសអាសន្ន។​ កិច្ចប្រជុំត្រួតពិនិត្យនេះ ស្ថិតក្រោមអធិបតីភាព លោកឧត្តមសេនីយ៍ទោ សោម ស៊ុន មេបញ្ជាការ​តំបន់​ប្រតិបត្តិការ​សឹករងកំពង់ធំ យោធភូមិភាគ​ទី​៤​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោកឧត្តមសេនីយ៍ទោ សោម ស៊ុន បានបញ្ជាក់ថា គិតត្រឹមថ្ងៃទី​២៩ ខែកក្កដា ឆ្នាំ២០២៤​នេះ កម្រិតកម្ពស់ទឹកនៅតាមដងស្ទឹងសែន នៅស្ថានីយ៍​ក្រុងស្ទឹងសែន ខេត្តកំពង់ធំ មានកម្ពស់ ១៣,៦៣ម៉ែត្រ លើ​កម្រិតប្រកាសអាសន្ន ១៣.៥០ម៉ែត្រ។ ដូច្នេះទឹកបានឡើងលើសកម្រិតប្រកាសអាសន្នកម្ពស់ ១៣សង់ទីម៉ែត្រ​ ហើយជាមួយនោះដែរ រដ្ឋបាលខេត្ត​កំពង់ធំ បានចេញលិខិតជូនដំណឹងដល់ប្រជាពលរដ្ឋទាំងអស់ នៅក្នុងខេត្ត​កំពង់ធំ ឱ្យមានការប្រុងប្រយ័ត្នខ្ពស់ ក្នុងពេលដែលកម្រិតទឹកតាមដងស្ទឹងសែន ឈានដល់លើសកម្រិតប្រកាសអាសន្ន ដើម្បីឱ្យប្រជាពលរដ្ឋគ្រប់រូប មានការប្រុងប្រយ័ត្នខ្ពស់ ទាំងការថែរក្សាអាយុជីវិត និងការថែរក្សាទ្រព្យសម្បត្តិ។ ទទ្ទឹមនឹងនេះ រដ្ឋបាល​ខេត្ត​​ ក៏​បាន​ប្រកាស​ឱ្យអាជ្ញាធរដែនដីគ្រប់លំដាប់ថ្នាក់ ​ពិសេស​ភូមិ​សាស្ត្រ​នៅ​តាម​បណ្ដោយ​ដងស្ទឹងសែន​ ត្រូវ​រៀបចំប្រុងប្រៀបទីទួលសុវត្ថិភាព ជូនប្រជាពលរដ្ឋស្នាក់នៅ ដើម្បីជៀសផុតពីគ្រោះថ្នាក់ផ្សេងៗ ជាយថាហេតុ។​

ជាមួយគ្នានោះ លោកមេបញ្ជាការតំបន់ប្រតិបត្តិការសឹករងកំពង់ធំ បានណែនាំដល់កងកម្លាំងអន្តរាគមន៍ទាំងអស់ ទាំង​នៅ​ថ្នាក់​ខេត្ត​ និង​នៅ​តាម​បណ្តា​ក្រុង​ស្រុក​ ត្រូវត្រៀមបម្រុងកម្លាំង ២៤ម៉ោង លើ ២៤ម៉ោង ដើម្បីជួយសង្គ្រោះប្រជាពលរដ្ឋ ដែលរងផលប៉ះពាល់ដោយគ្រោះទឹកជំនន់ នៅតាមមូលដ្ឋាននានា តាមបទបញ្ជារបស់លោក​មេបញ្ជាការរងកងទ័ព​ជើង​គោក​ មេបញ្ជាការ​យោធភូមិភាគទី៤ និងបទបញ្ជារបស់លោកអភិបាលខេត្ត ប្រធានគណៈបញ្ជាការឯកភាពរដ្ឋបាលខេត្តកំពង់ធំ ឱ្យទាន់ពេលវេលា​ន និងមានប្រសិទ្ធភាព។​

ចំណែក លោកវរសេនីយ៍ទោ សៀង ហុកឃាន់ តំណាងឱ្យនាយ​ទាហាន​ នាយ​ទាហាន​រង​ និង​ពលទាហាន​ ក្នុង​កងអន្តរាគមន៍​ទាំង​អស់​ នៃ​បញ្ជាការ​ដ្ឋាន​តំបន់ប្រតិបត្តិការសឹករងកំពង់ធំ​ បាន​ប្តេជ្ញា​ចិត្ត​ដាច់​ខាត​គោរព​អនុវត្ត​ន៍​តាម​បទ​បញ្ជា​របស់​ថ្នាក់​ដឹកនាំ​គ្រប់​លំដាប់​ថ្នាក់​ នៃ​កងយោធពលខេមរភូមិន្ទ​ លោក​អភិបាល​ខេត្ត​ ប្រធានគណៈបញ្ជាការឯកភាព​រដ្ឋ​បាល​ខេត្ត​ និង​បទបញ្ជា​របស់​មេបញ្ជាការតំបន់ប្រតិបត្តិការសឹករងកំពង់ធំ​ ឱ្យមាន​ប្រសិទ្ធភាព​ និង​ទទួល​បាន​ជោគជ័យ​ ដើម្បី​ប្រជាជន​៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៤ នាទីutes មុន

សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន

ព័ត៌មានជាតិ២ ម៉ោង មុន

ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ

ព័ត៌មានជាតិ៣ ម៉ោង មុន

នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន

ព័ត៌មានជាតិ៣ ម៉ោង មុន

នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ

ព័ត៌មានជាតិ៣ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

សន្តិសុខសង្គម៨ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ៦ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ១២ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ៣ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ៥ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម