ព័ត៌មានជាតិ

រដ្ឋបាលស្រុកឯកភ្នំ សម្រេចផ្អាកសាលារៀនចំនួន ៥ ខណៈកម្រិតទឹកស្ទឹងសង្កែហក់ឡើងខ្ពស់

បានផុស

២ years មុន

នៅ

ថ្ងៃចន្ទ ២៩ កក្កដា ២០២៤

ដោយ

ដោយសារតែកម្រិតទឹកស្ទឹងសង្កែបានហក់ឡើងខ្ពស់ស្ថិតក្នុងគ្រាប្រកាសអាសន្ន និងបង្កឲ្យផ្នែកខាងក្រោមនៃស្រុកឯកភ្នំទទួលរងនូវសម្ពាធខ្ពស់ រដ្ឋបាលស្រុកឯកភ្នំបានសម្រេចផ្អាកសាលារៀនចំនួន ៥ ជាបណ្ដោះអាសន្ន ចាប់ពីថ្ងៃទី២៨ ខែកក្កដា នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីការពារពលរដ្ឋ ជាពិសេសសិស្សានុសិស្សកុំឲ្យមានគ្រោះថ្នាក់ជាយថាហេតុ សាលារៀនចំនួន ៥នៅស្រុក ឯកភ្នំត្រូវផ្អាកដំណើរការបណ្ដោះអាសន្ន។ នេះបើតាមសេចក្តីជូនដំណឹងរបស់រដ្ឋបាលស្រុក។

ក្នុងនោះ សាលាដែលរងផលប៉ះពាល់ និងផ្អាកជាបណ្ដោះអាសន្នរួមមាន÷១.បឋមសិក្សា កែវមុន្នីពិសី ស្រុកឯកភ្នំ ២.បឋមសិក្សា ព្រែកត្រប់ ស្រុកឯកភ្នំ ៣.បឋមសិក្សា វត្តកែវ ស្រុកឯកភ្នំ ៤.បឋមសិក្សា រហាល់សួងលិច ស្រុកឯកភ្នំ និង៥.វិទ្យាល័យ ឯកភ្នំ ស្រុកឯកភ្នំ៕

អត្ថបទ៖ សៅ សារិទ្ធ