ក្រសួង រំលឹកកុំឱ្យចុះឈ្មោះទៅធ្វើការនៅថៃ តាមមេខ្យល់ ជៀសវាងក្លាយជាជនរងគ្រោះ នៃអំពើជួញដូរមនុស្ស

ក្រសួងការងារ និងបណ្ដុះបណ្ដាលវិជ្ជាជីវៈ ក្រើនរំលឹកសាធារណជន កុំឱ្យចុះឈ្មោះ ឬទៅធ្វើការតាមរយៈបុគ្គល ឬមេខ្យល់ណាមួយ ឬក្រុមហ៊ុន ដែលមិនមានឈ្មោះក្នុងឧបសម្ព័ន្ធទាំង ២នេះ ជាដាច់ខាត ដើម្បីជៀសវាងការខាតបង់ពេលវេលា ប្រាក់កាស និង អាចធ្លាក់ខ្លួនជាជនរងគ្រោះ នៃអំពើជួញដូរមនុស្ស និងការកេងប្រវ័ញ្ចកម្លាំងពលកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមក្រសួងការងារ សម្រាប់ពលរដ្ឋនៅកម្ពុជា ដែលមានបំណងទៅធ្វើការនៅប្រទេសថៃ ចុះឈ្មោះជាមួយ ទីភ្នាក់ងារជ្រើសរើសឯកជនស្របច្បាប់របស់កម្ពុជា ដែលទទួលស្គាល់ដោយក្រសួងការងារ និងបណ្តុះបណ្តាល វិជ្ជាជីវៈ ចំនួន ៧៧ក្រុមហ៊ុន ដែលមានសិទ្ធិសម្របសម្រួលជាមួយក្រុមហ៊ុនថៃ ឬនិយោជក ក្នុងការដំណើរការសំណុំឯកសារមុនចេញដំណើរទៅធ្វើការនៅប្រទេសថៃ។

ករណីសាធារណជនទាំងអស់ដែលទទួលបានព័ត៌មានអំពីការឆបោក ឬការកេងប្រវ័ញ្ច កម្លាំងពលកម្ម ឬរងគ្រោះដោយប្រការណាមួយ ក្រសួងការងារ ប្រាប់ឱ្យសាធារណជន ប្តឹងទៅនាយកដ្ឋានមុខរបរនៃក្រសួងការងារថៃ តាមរយៈលេខ ១៥០៦ រួចបន្តចុចលេខ ២ ឬ Hotline ១៦៩៤ និងប្តឹងមកក្រសួងការងារ និងបណ្តុះបណ្តាលវិជ្ជាជីវៈកម្ពុជា តាមរយៈប្រព័ន្ធ Hotline លេខ ១២៨៦ ឬ ១២៩៧ ឬពិនិត្យមើលបញ្ជីឈ្មោះទីភ្នាក់ងារជ្រើសរើសឯកជនដែលមាន នៅក្នុងគេហទំព័ររបស់ក្រសួងការងារ និងបណ្តុះបណ្តាលវិជ្ជាជីវៈ (https://www.mlvt.gov.kh) ឬប្រព័ន្ធតាមដាន ពលករទេសន្តរប្រវេសន៍ (https://tracking.ocwc.co)។

សាធារណជន ក៏អាចដាក់បណ្ដឹងអនាមិក ដោយ មិនតម្រូវឱ្យបញ្ជាក់អត្តសញ្ញាណរបស់ម្ចាស់បណ្ដឹងឡើយតាមរយៈតំណភ្ជាប់ (https://feedback.mlvt.gov.kh) ៕

ខាងក្រោមនេះ គឺជាទីភ្នាក់ងារជ្រើសរើសឯកជនស្របច្បាប់របស់កម្ពុជា ដែលទទួលស្គាល់ដោយក្រសួងការងារ និងបណ្តុះបណ្តាល វិជ្ជាជីវៈ ចំនួន ៧៧ក្រុមហ៊ុន ដែលមានសិទ្ធិសម្របសម្រួលជាមួយក្រុមហ៊ុនថៃ ឬនិយោជក ក្នុងការដំណើរការសំណុំឯកសារមុនចេញដំណើរទៅធ្វើការនៅប្រទេសថៃ៖